Anac Ning Arenas
Anac Ning Arenas:
Macananu yang ablasan,matenacan a saludu;
Pati na ing galamanu,
babye pugueng emu nanu;
Nung yti ybat ya keka,
matas a uring balu cu;
Manimuna't, moderator
para qng macamal tang Amanu;
Tutu pin ing sinabi mu,
alang sucat macapante;
Qng simbulu ning lugud ta,
qng Amanu maglalawe;
Maging metung a tungculan,
sumaup tamung manese;
Bayang lalung palabungan,
mamunga yang masalese;
Tanggapan cu't pasalamat,
pugueng manibatan keka;
Malino anti mung crystal,
tinggap cung panamdam keca,
Lugud tamu qng Amanu,
susulapu angga banua;
Alang cupas agyang ditac,
at mitatac qng pusu ta;
Salamat Anac ning Arenas,
Pagmaragul at Luid Ca
.
At Salamat anti mu rin
meging Capanalig da Ca.
amor de Jesus
Ing Agila Ning Apalit