Bolero La Deng Poeta?
BOLERO la deng Poeta?
neng Almario "amor" C. de Jesus
Bolero la deng poeta? madalas da ping sasabian,
Nanu cayang meging sangcan, paniwala da macanyan?
Obat cailangan ing rima, pamanagcas cawatasan?
Balamu mu papakit da pin, matas ing carelang belwan.
Ing tutu pu sabian cu na, e anti pung pamangaya,
E na man pu pamamola, nung sosobra ing salita,
Nung bugnus de ing amanu, mabulaclac la mu dila,
Bang mayama dang damdaman, papaltu na nitang diwa.
Deng amanung menga apse, sisimen dong masalese,
Iti alang cayabangan, magsalita lang dalise,
E ra buri ing carela, amanung piudse-udse,
Lultu alang cabaldugan, o salitang macarine.
Anya e la pu BOLERO, deng poetang matenacan,
E la sanga-sanga dila, buri da ca yung patulan.
RAFAEL D MANIAGO -
Mabayat kang anting bato, malalam kang mangamanu,
anting talaga mu naman, sawug... maka-lula kanu,
dapot musika la wari, anting magduyan la tonu...
dudugarug kang miyama, king panamdam a mayubu..!
Kang Amor, yaku keka maka-nganga, sasaludwan da ka abe..
'ot bigla kung meka-sulat, o't keka ku meka-sabe,
pilan na mo sang panawun, pepaynawa keni lele...
dapot ngeni mekalbit la, dening kwerdas ku miyugne..!
Sige na mo isundu te, king marangle ning parnaso,
tigtigan detang lira, miyugne la ketang berso.
ding amanung paka-lele, i-shang tala ketang trono,
i-rima t'ong paka-sukad, at karin la mag-patilo..!
Almario C. de Jesus Maluat cu ring manenaya, damdaman ke kecang lira,
Ing "artist" a anti keca, ding gulis na "obra maestra",
Ding misimpan a amanu, panintunan ding poeta,
Keca la pala milele, macawili lang y-rima.
Matula ya ing Parnaso, keng poetang anti keca,
Magaling na ca pangamat, macalalang ya pa ing diua.
Rafael Maniago Uyan na ing panawun, a-misabak king makudta..
ing pangulis ding taliri, mangamanu kening dila,
ing Kang Amor a belwan ku, a poetang maganaka...
e mag-libutad keng gusut, nune ing manyalese pa sa..!
Anya ngeni ing pulayi ning panawun tang salita,
gambulan ya king poesya, diligan yang king tumayla.
apisan yang malumeme, kapilan man e ya matda,
panimanman na ning mata, pakintaban yang masala..!
Glezz Dizon Miyama ku't mikaswelu
Daramdaman ku kekayu
Musika king balugbug ku
Amanu yung mangayumu
Obat ikwa yung mitupa
Mangagaling mamoesya
Ing kayapan gisan yu na
Ing dirya ku alang para
Almario C. de Jesus Glezz Dizon :
Ing Amanu o ing Verbum, meging lagyu ne ning Ginu;
At dacal ing Lelangan na, king uli na ning Amanu;...See More
Glezz Dizon Ekuman poetang kalupa yu
Eku kelinguan ing penibatan ku
Akagisingan kung amanu
Eno mako king isip ku.