Te tau Taetae mei Tahuata

Tenei tau ha‘ina mei Tahuata ua ‘i‘o tahipito, e tau ha‘ina kanahau nui i ‘oto to ‘atou amaina meita‘i o te tau ha‘ina kakiu a te po‘i kakiu. Ati‘a ‘a a‘e paotu te tau ha‘ina i patutia i a‘o nei, mei Hanamiai te nuitina o te ha‘ina i ko‘ana mai tei tu‘utia mai e te hua‘a fa‘e o Naani Barsinas me te fa‘e matae‘inaa no Tahuata.

Te keke ‘ima a‘ea‘e, te ha‘ina patu tiki a‘e i pao te hana, kanetia me te ivi. Ua ko‘ana mei Hanamiai te ‘hua 2012. I ‘una mai, e ta‘a ve‘o no te patu tiki, kaneatia me te ivi pifa me te kee ‘akau mi‘o ta Teiki Barsinas i ketu.

Mea hananui te haakoana te tau niho pamuera me te niho paaoa, no te mea, haina maimai oo tia e te enata. E ave nei te nuina enata maohi tea tau niho no te tapi haapoea ia atou.

Te tau ke‘a tu‘i popoi

Te putupe no te pu

Te tau tira no te kamotu

Pue feka me‘i

Tau‘eva kakiu e‘ pipi kahu

Ma ‘una atu te ha‘ahanatina te tau hu‘u manu, te tau ‘ouoho, me te tau pua no te ha‘a kanahau, ua kanea te ‘enata te tau ha‘ina ke no te tapi me te pue me te ivi.

Te tau‘eva kaki niho pa‘aoa ke‘i tikoe kaneatia me te pue (te keke ‘ima a‘ea‘e) me te ha‘ina no te tapi ivi ha‘atiki (te keke ‘ima ‘oko).

Te tau pipi kaneatia me te uhi (2, 4, 7, 9); te pa‘apa‘a piura (3); me te ivi (1, 5, 6, 8, 10).

Pu‘u taiana

Ko‘ana mei Hanamiai i Vaitahu, tu‘utia mai e Teiki Barsinas.

Tenei tau ha‘ina ha‘a po‘otu no te pua‘ina vehine (pu‘u taiana) kaneatia me te niho pa‘aoa me te puna. Ite ‘ima oko, e ta‘a ve‘o i te pua‘ina kaneatia me te ki‘i honu, ketutia e Teiki Barsinas.

To‘i ke‘a, e tau to‘i ke‘a hoko atu hoko mai

Ha‘ina hana tumu te to‘ ke‘a no te haataki te ‘akau napo kakiu i Porinetia e haahanatia no te kanea te tau vaa atii me tahipito tau ha‘ina ‘aku ke.

Napo kakiu, e hoko atu e hoko mai te tau to‘i ke‘a, a ke‘a fe‘o, viipu o Porinetia ma ‘oto te tau koutee ma no he tai.

Ke‘a haamenia to tau to‘i ke‘a i ko‘ana mei Hanamiai, ma ‘una te 3 meta te hohonu i ‘a‘o o te ‘epo, e 800 ‘ehua te kakiu. (acc. 2929)

"A mau me te i‘ima tenei tau ke’a!"

E to‘u ke‘a ha‘amenia me te ha‘akoi i te tau to‘i ke‘a me te tau ‘ua kaneatia no te kao mea patu tiki me te ‘apau. Tenei tau hakatu ke‘a, e ko‘ana nei no he paepae ke‘a i eia e ‘eka nei e hananei te tau ‘enata. Ke‘a ko‘ana nei mei Koe‘ema‘a i Vaitahu e tu‘utia mai e Tohuhu Burns (‘ima a‘ea‘e); ke‘a mei Hanamiai e tu‘utia mai e Hio Timau (i vavena); ke’a mei Teaopau i Vaitahu mea tu’utia mai e Manuhi Bruno Timau (‘ima ‘oko).

Page updated

Google Sites

Report abuse