ماساة جمهور الاتحاد السكندرى رمضان 8 يناير1999

رحمهم الله اتحاد دوت كوم

من ذكريات الكرة المصرية فى شهر رمضان المبارك، ذكرى مأساة كروية بملعب الإسكندرية فى عام 1999 خلال مباراة الاتحاد والكروم بدور الـ8 لبطولة كأس مصر.

زحفت جماهير زعيم الثغر قبل الإفطار لمساندة فريقها أمام الكروم فى ديربي الإسكندرية بدور ال8، عقب نجاح سيد البلد فى تخطي الأهلي بدور الـ16 لبطولة كأس مصر، وتناولت جماهير الأخضر الإفطار أمام ملعب ستاد الاسكندرية.

وتسبب تعنت رجال الأمن، في فتح المدرجات مبكراً لاستقبال الجماهير، في كارثة حقيقية، حيث ظلت الأبواب مغلقة حتى قبل دقائق قليلة من انطلاق المواجهة ليتسبب التدافع عن وفاة 8 أشخاص وعدة إصابات أخرى، المباراة لُعبت وقتها دون تأجيلها بسبب الضحايا وخسر الاتحاد بهدف نظيف.

Khaled Fouad Mohamed كنت فى هذه المباراة مع اشقائى و كان رجال الامن كل شوية يمروا يطمنوا الجماهير ان مافيش وفيات

على فكرة ان دخلت بعد غلق الابواب اثناء دخول احد العساكر الى داخل الملعب من ابواب ٨ او ٩ جهة السكة الحديد

كان معنا تذاكر وكنا بعد الافطار مباشرة فى الملعب و فو جئنا بغلق الابواب دون دخول الجماهير

كنا متعشمين جامد بعدما فوزنا على الاهلى فى القاهرة بهدف كرم مرسى

و يوسف حمدى اضاع اهداف عديدة يومها الى ان احرز الكروم هدفه من هجمة مرتدة

ورغم الحادث الشبيه بحادث الزمالك و انبي

لم يتم وقف الدورى ولا منع دخول الجماهير للملاعب مش زى دلوقتى

الله يرحم من توفى و يرحمنا جميعا

ابراهيم عرابى يا محمد انا كنت فى الملعب وشاهد على الواقعة المبارة كانت تتبع فريق الكروم ورجال الأمن مش هما إلى منعوا دخول جماهير الاتحاد المسؤالين عن الأبواب من نادى الكروم ورئيس النادى هو طلب ان الأبواب لا تفتح إلى الساعة 8 مما أدى إلى زحام أمام الأبواب ونتيجة التدافع للجماهير فى مدرج 8و9 أدى لسقوط ضحايا فى ممر المتوسط السنتر

Ramadan Aly الحمد لله علي كل حال مش قادر اتكلم عن الواقعه دي كتير كنا في عز المعمعه واتصاب صاحبي حمزه وبييتنا معاه في المستشفي وجالنا المحافظ متفقدا حاله المصابين وقاله ازيك دلوقتي كويس قاله الحمد لله انا كويس بس خللي الدكتور يروحني عشان في ماتش باسكت بكره وضحك المحافظ وقاله انت هتروح ماتشات تاني قاله كله فدا الاتحاد وتاني يوم ركبنا تاكسي واخدنا حمزه وباقي العصابه بتاعتنا ودخلنا ماتش الباسكت ومسندينه ومش قادر يمشي ولا يقعد ولا يقف وتالم جامد والحمد لله تم علاجه ودخلنا للدكتور كمال شلبي الله يرحمه وطلب طبيب النادي وقاله شوف رجله فيها ايه يادكتور وتم الكشف والاطمئنان والحمد لله ودا حمزه صاحبي اللي على الارض

مرسي عبدالسلام كلام دة صح الامن الخاص بالكروم رفضو فتح الابواب مبكرا مما ادى الى تكدس الجماهير خارج الابواب وعند فتح الابواب تكدست الجماهير مما ادى لوقوع ااكارثة امام باب 9 8 فى السنتر

Hassan Ragab حرام عليك يا اخي كان اسوا وأسود يوم في تاريخنا انا كنت في هذه المباراة ورأيت الناس وهي بتموت وحسبنا الله ونعم الوكيل في اللي كانوا السبب ولما نزل اللاعبين والمدربين والحكم منه لله جمال الغندور كل الجمهور قال الناس ماتت.يابهايم وصمم جمال الغندور على.لعب المباراة برغم أنه كان عارف اليوم ده كان مافيش ولاكشاف منور ولاحتي عسكري يوحد ربنا واقف لدرجة شكينا ان المباراة مش النهاردة وكان فيه أطفال كثيرة جدا جدا جدا اليوم ده وكان الجمهور كثير قوي علشان المباراة ديه اتأجلت كتير فين وفين لما اتلعبت شوفت الموت بعيني يومها وفضلت تعبان نفسيا لغاية دلوقتي والله العظيم كل ده علشان كنا غلبنا.الاهلي في دور ال 16 عرفت بقي ليه حسبنا الله ونعم الوكيل وياريت كلكوا.تحسبنوا في اللي كان السبب والله يرحم شبابنا اللي ماتوا يومها

صبرى حسن السنتر الامن ترك الباب الناس دخلت باندفاع يمين السنتر حدث الموت وكنت من ضمنهم والله من عصر والتحام الاجسام متعرفش تاخذ نفسك والضباط العساكر وقفة صف امامهم لحمايتهم يوم لا ينسى ناس تحت الارجل تخيل