Ukelelearen zatiak

Ukeleleak hiru zati nagusi ditu:

1) Burua:

• Larako-etxea: harien tentsioa doitzeko larakoak dauden atala da. Afinatzeko erabiltzen da.

2) Giderra:

• Zubitoa: buruaren eta giderraren artean zubitoa dago, hezurrezko edo pastazko pieza bat. Bertan, hariak bermatzen dira.

• Diapasoia: giderraren gainaldeari itsatsita dagoen zurezko xafla da diapasoia. Hariak haren kontra zapaltzen dira: dar-dar egiten duen hari-zatiaren luzeraren arabera, nota altuagoak edo baxuagoak izango ditugu.

• Trasteak: diapasoian trasteak daude, eta notak jotzeko haria non zapaldu behar den mugatzen dute (bi koska jakinen artean).

3) Erresonantzia-kaxa:

• Zubia: harien beste muturrari eusten dio. Zubitik abiatzen dira larakoetan tenkatzen diren lau hariak, soinua ateratzen dutenak.

• Ahoa: soinua, batez ere, hortik ateratzen da.