La minor
La minor akordea jotzeko, laugarren haria bigarren trastean sakatu behar da. Atzamarrarekin arku bat egiten saiatuko gara, beste hariak ez ukitzeko.
ARIKETAK:
Erritmo guztiak landuko ditugu (1.tik 5.era) La minor akordearekin.
Ariketa erritmikoak erraztasunez egiten ditugunean, Do Maior eta La minor akordeen aldaketak egingo ditugu (lau pultsu akorde bakoitzeko).
Akorde-aldaketa eginez erritmo guztiak landuko ditugu.
⇑ goranzkoan pultsatzen hasiko gara.
6. erritmoa praktikatuko dugu.
Oraingo honetan, 4. pultsuan behera eta gora pultsatuko ditugu hariak. Orain arte, beheranzko mugimendua egiteko erpurua edo plektroa erabili dugu, baina badaude modu gehiago ere:
Atzamar erakuslea beherakoan eta erpurua gorakoan.
Eskua itxita beherakoan eta erpurua gorakoan.
6. erritmoa bi modu hauetan egingo dugu: atzamar erakuslearekin eta eskua itxita. Lehenik akorde batekin eta gero birekin.
Oso garrantzitsua da eskumuturra ondo biratzea.
7., 8. eta 9. erritmoak praktikatuko ditugu. Lehenik akorde batekin eta gero birekin.