Á þessari síðu eru upplýsingar um þær valgreinar sem verða í boði í Hólabrekkuskóla vorið 2024 fyrir nemendur í 8. – 10. bekk. Framboð valgreina er mismunandi á ári hverju. Nemendur velja þær valgreinar sem þeir hafa mestan áhuga á og síðan aðrar greinar til vara.

Valáfangar eru kenndir hálft ár í senn tvær kennslustundir á viku nema annað sé tekið fram í áfangalýsingu. Nemendur í 8. bekk velja sér 1 áfanga (samtals 2 kennslustundir á viku).  Nemendur í 9. og 10. bekk velja sér 2 áfanga (samtals 4 kennslustundir á viku). 

Nemendur fylla út skráningarblað sem skila skal til náms- og starfsráðgjafa. Það skal tekið fram að það getur komið til að ekki sé hægt að verða við öllum óskum nemenda um fyrsta valáfanga og mun þá næsti kostur verða valinn og síðan koll af kolli. Skólinn áskilur sér rétt til að fella niður valáfanga ef umsækjendur eru of fáir.

Mikilvægt er að nemendur fari vel yfir lýsingar á valgreinum með foreldrum/forráðamönnum sínum og íhugi vandlega hvað sé æskilegt að velja. Nemendur geta einnig leitað til umsjónarkennara, kennara einstaka greina eða náms- og starfsráðgjafa og fengið hjá þeim leiðsögn.

Kennsla fer fram bæði í Hólabrekkuskóla og í Korpuskóla. Nemendur óska stundum eftir að skipta um valgreinar við upphaf skólaannar. Ekki er víst að hægt sé að verða við þeim óskum svo mikilvægt er að vanda valið vel. Val nemenda hefur áhrif á skipulag komandi skólaárs og því verða breytingar á valgreinum eingöngu leyfðar í byrjun skólaannar.

Valgreinar vorið 2024