Piscifactoría de Santalla

Benestar animal e produción en harmonía

A piscifactoría alberga agora 6 tanques de cría e 32 de crecemento, xunto con 50 tanques circulares e 16 tanques de cemento no exterior. A densidade de individuos nos tanques circulares de 5000 litros non debe superar a densidade de 250 kg de peixe,  é dicir, o que implica unha densidade máxima de 50 Kg/m3 moi por debaixo dos estándares, evidencia o compromiso co benestar animal. A produción anual alcanza as 40 toneladas de troita, con 3000 kg mensuais.

Un ciclo de vida fascinante

Na visita, descubrimos o ciclo biolóxico da troita arcoiris (Oncorhynchus mykiss), desde a ova ata o produto final. Cada mes, a piscifactoría de Santalla recibe un cargamento de 80.000 destas ovas a empresa Ovapiscis situada no lugar de Fonteo no nacemento deo río Eo, a 14 Km. de Santalla. A súa viaxe comeza nun lugar cálido e seguro: a sala de incubación.

1. A incubación: Despertando a vida

Aquí, o factor clave é a temperatura. As ovas necesitan calor para desenvolverse, pero non calor directo. A temperatura acumúlase gradualmente, chegando a uns 280ºC. É como se estiveran nun útero artificial, onde a calor acumulada lles indica cando é o momento de eclosionar.

O tempo que tardan en eclosionar depende directamente da temperatura da auga. Canto máis fría a auga, máis tempo tardarán. 

A calidade da auga nesta fase té moi importante polo que vai pasar por 2 filtros de area ata chegar ás piletas onde ser atopan as ovas. As bandexas coas ovas atópanse na parte máis superficial da auga das piletas coa fin de que conteña a menor cantidade de partículas en suspensión.

2. Os alevíns.

Cando a ova se abre, nace un alevín. Imaxinen un mini peixe, aínda moi fráxil. Ao principio, non precisa comer, xa que conta co saco vitelino. Este saco contén reservas de enerxía que alimentan ao alevín durante os seus primeiros días de vida.

Pero esa reserva de alimento non dura para sempre. Axiña, o alevín necesita aprender a comer por si mesmo. Os coidadores da piscifactoría ofrécenlle un penso especial, de alta calidade, deseñado para axudarlles a crecer fortes e sans. Despois de 3-4 semanas, estes pequenos alevíns xa están listos para unha nova aventura.

3. O engorde: Crecer e fortalecerse.

Os alevíns son trasladados aos tanques de crecemento. Estes espazos son como piscinas amplias e luminosas, onde a auga fría e rica en osíxeno do río Eo flúe constantemente. É como se lles recrease o seu hábitat natural, ofrecéndolles un lugar perfecto para medrar.

A súa dieta vai cambiando a medida que medran. Ao principio, aliméntanse con pensos ricos en proteínas, para impulsar o seu crecemento. Despois, a dieta faise máis equilibrada, para garantir unha carne saborosa e nutritiva. Tamén se controla o tamaño do penso, adaptándoo a cada etapa de crecemento.

O importante é que as troitas crezan de forma natural, sen présas. Por iso, a piscifactoría ofrécelles aproximadamente un 70% da cantidade de penso recomendada, permitíndolles medrar ao seu ritmo. Ademais, mantense unha densidade baixa de troitas nos tanques, garantindo un crecemento sostible e un produto de alta calidade.

CURIOSIDADES

Sabiades que as troitas arcoiris crecen máis rápido ca troita común?.

A clave está en crear exemplares triploides grazas a someter os ovos recién fecundados a un choque térmico (27ºC) durante uns minutos. Este choque impide que os cromosomas se separen correctamente, dando como resultado unha troita con tres xogos de cromosomas en lugar de dous. As troitas triploides adoitan crecer máis rápido e a triploidía provoca esterilidade, evitando que as troitas maduren sexualmente de forma prematura. Así, toda a súa enerxía se enfoca en crecer, non en reproducirse.

Aínda que a triploidía ten vantaxes, tamén pode implicar algunhas dificultades, como unha maior mortalidade nas primeiras etapas de desenvolvemento. Pero, en xeral, esta técnica ofrece un potencial enorme para a acuicultura, permitindo obter troitas máis grandes, saudables e eficientes.

Os baños de auga con sal son fundamentais para previr enfermidades.

En acuicultura, e especialmente na piscifactoría de Santalla, os baños de auga con sal semanais actúan coma un potente antiséptico natural. Elimina parasitos, bacterias e fungos que poden atacar ás troitas, debilitándoas e enfermándoas. Ademais, os baños de sal axudan a fortalecer o sistema inmunitario, facéndoas máis resistentes ás enfermidades. 

E o maís impostante, ao evitar o uso de antibióticos e outros medicamentos, os baños de sal garanten que a troita que chega á mesa sexa un produto máis natural e libre de residuos químicos.