Sentinelas de INFANTIL

Proxecto "TEMPO DE NADAL"

Coa chegada do decembro iniciamos os nosos proxectos interniveis cargados de ilusión e emoción. O novo eixe de interese non podía ser outro que o Nadal, unha época chea de maxia, encontro e aprendizaxes compartidas. Durante estas semanas de decembro desenvolvemos dous obradoiros nos que o alumnado tivo a oportunidade de colaborar e crear:

COCIÑA

A través da cociña exploramos, experimentamos e desenvolvemos habilidades ao tempo que compartimos tempo, conversa e ilusión con un resultado inmellorable, as nosas galletas de Nadal.

CONSTRUCCIÓNS

A través dos Kapla e Lego levamos a cabo propostas libres e tamén guiadas seguindo as instruccións para dar forma ao Nadal.

Proxecto "FROITOS DO OUTONO"

O outono chega á Laxe e con el iniciamos o noso segundo proxecto en Infantil: "Froitos do Outono". Unha oportunidade única para descubrir os segredos desta estación por medio da observación das nosas árbores e as súas follas e froitos.

A través de experiencias sensoriais, receitas e plantacións, exploraramos texturas, sabores, cores e aromas que nos ofrece a natureza máis próxima.

O MARMELEIRO DA LAXE

A nosa primeira parada foi ao marmeleiro que temos no patio de primaria. Comprobamos que estaba cheo de marmelos a piques de caer. Observamos as súas cores, formas e cheiros, e descubrimos como a natureza cambia co OUTONO.

Aprendemos que os marmelos serven para facer marmelada, e investigamos sobre o que precisamos para preparala: froita, azucre e moito agarimo.

Visitamos o noso marmeleiro

Recolectamos marmelos

E preparamos a nosa colleita

Coñecemos os marmelos

Lavámolos

Cortamos un a un

Elaboramos a receta

E degustamos

O CARBALLO DA LAXE

Continuando coa exploración da nosa contorna, descubrimos que o patio de infantil conta cun robusto carballo. A partir de aí iniciamos unha pequena investigación sobre as landras: falamos de onde veñen, que precisan para medrar e por que son tan importantes para os animais e para os bosques.

Grazas ao conto “O carballo con botas” de Anxo Moure, comprendemos a importancia de coidar as árbores e respectar a natureza. Inspirados pola historia, decidimos facer a nosa propia plantación de carballos.

Con moita ilusión, plantamos as landras recollidas no patio, co compromiso de coidalas e observar como medran día a día.

Recolectamos landras polo patio

Descubrimos o “O carballo con botas”

Plantamos as nosas landras

Regamos unha a unha

OUTONO COS SENTIDOS

Esta semana, os Sentinelas continuaron a súa aventura para seguir coñecendo o outono galego. Para iso, vivimos unha proposta moi especial: a nosa aula converteuse nun bosque máxico, cheo de cores, sons e arrecendos que nos axudaron a redescubrir esta estación tan especial.

As follas crocaban, arrecendos de auga e pedriñas, cores cálidas e froitos apetecibles convidaron a tocar, ulir e observar. A través dos sentidos, os nenos e nenas exploraron, compararon, clasificaron e expresaron o que sentían, traballando así a observación, a linguaxe, a atención e a expresión sensorial.

Foi unha proposta coa que desfrutamos moito, na que os elementos naturais presentados ofreceron situacións de aprendizaxe significativas para coñecer, preguntar e crear.

INSTALACIÓN DO OUTONO: OBSERVAR, EXPLORAR E CREAR

Continuando as actividades do noso proxecto sobre os Froitos do outono, preparamos unha proposta que combinou a observación, a creación libre e o xogo sensorial. A través dunha instalación artística, os sentinelas puideron descubrir e identificar os elementos característicos desta estación, promovendo a sorpresa e a curiosidade e facilitando que unha participación libre e significativa.

Nun primeiro momento (Fase de Observación), identificamos cores, formas, tamaños e texturas, aprendendo a nomear e comparar os elementos do outono: follas, troncos, paus, landras, pinas, millo... A continuación (Fase de Exploración), manipulamos e combinamos libremente os materiais deixando voar a creatividade e fomentando a autonomía, a expresión artística e a sensorialidade. E finalmente, (Fase de Recollida/Reflexión), os Sentinelas escolleron os elementos que querían recoller e fixeron unha valoración sobre aquilo que máis lles gustara.

SAÍDA: FINCA DE BRIZ

O broche final ao proxecto Os froitos do outono, culminou coa saída á Finca de Briz, onde os sentinelas puideron observar, experimentar e achegarse a súa contorna máis próxima de xeito significativo.

Entre risas, carreiras e momentos de calma, aprenderon que cada estación nos regala novas sensacións e oportunidades para explorar.

Proxecto "A VENDIMIA"

Os máis cativos remataron a súa primeira semana no cole cunha nova aventura: saíron en busca das vides por Marín. Así iniciaron o proxecto da VENDIMIA, unha viaxe sensorial que os convida a descubrir as tradicións, raíces e historias que seguen vivas na nosa contorna.