Gardas do noso PLANETA TERRA

8 DE MARZO. "Mulleres que brillan, mulleres que inspiran".

Conmemoramos o 8M cunha xornada inspiradora en colaboración con Inspiring Girls e a nosa Anpa "Fonte do peso".

A través dunha dinámica interativa, o alumnado tratou de adiviñar quen estaba detrás de cada profesional, desafiando así os estereotipos de xéneros sobre determinados oficios. Tras a sorpresa inicial, as nosas 7 estrelas invitadas compartiron as súas experiencias, retos e logros. Desde unha piloto a unha mecánica, pasando por unha Axente do equipo de VioGén, unha investigadora da Misión Biolóxica, unha xestora de residuos de PMANutrigras, unha controladora área ou unha tractorista. Todas elas acompañáronnos nun día cargado de reflexións, aprendizaxes e moita inspiración. GRAZAS 💜

22 de abril. DÍA DA NAI TERRA.

Hoxe, deixamos a nosa pegada verde no corazón do Lago de Castiñeiras coa plantación de 9 árbores autóctonas, símbolo da nosa comunidade educativa e do noso compromiso co planeta. Esta acción, enmarcada no noso PDI - Gardas do Espazo, foi posible grazas á colaboración das nosas familias e da Comunidade de Montes de Santo Tomé de Piñeiro (Marín).

Ademais, inauguramos a Semana do Libro ao carón do lago grazas ás rodas da bicicleta máxica do noso admirado Anxo Moure, quen nos trouxo libros, contos e un lobo soñador que nos lembrou que coidar a Terra tamén é ler, sentir e soñar. Abrazamos ás árbores, fixemos baños de bosque e escoitamos historias que falaban do corazón da natureza. 

Completamos a xornada cunha ruta guiada da man da Asociación Juan XXIII, xogos de orientación e exploración con Alecrin por medio da nosa ANPA e como broche final liberamos unhas cantas troitas grazas á colaboración da Piscifactoria de Carballedo. 

 Unha xornada inesquecible. GRAZAS pola vosa colaboración 💚