LAXEVERSO: Día  Escolar da Non Violencia e a Paz

29 xaneiro 2026

Hoxe, no noso Laxeverso, conmemoramos o Día Escolar da Non Violencia e da Paz. Unha xornada adicada á convivencia, ao respecto e á sensibilización pola igualdade de dereitos. 

Littlegospel acompañounos con "El viaje de Jasir", un contacontos musicado que nos levou por diferetes lugares, épocas e emocións a través da música góspel.

Tras a actuación, comezamos a crear a nosa apócema simbólica da paz, engadindo un pouco de sorrisos, apertas, esperanza, empatía, agarimo...tan necesarios para construír a paz día a día.

LAXEVERSO: Nadal

18 decembro 2025

Co arrecendo a galletas e postais, a BIBLIO despediu o último Laxeverso do ano en comunidade.

Grazas a nosa ANPA Fonte do Peso por regalarnos a fermosa historia de O CARTEIRO QUE NON SABÍA LER de Susana Peix e uns obradoiros moi especiais no que lembramos que o mellor regalo non se envolve senón que se comparte. 

LAXEVERSO: Día  da Infancia  - Dereito a xogar

20 novembro 2025

Hoxe, celebramos o Día da Infancia en comunidade a partir do álbum ilustrado "GLOBO VERMELLO" de Iela Mari . Unha historia sen texto que nos invitou a unha viaxe chea de transformacións. 

Para unha ocasión tan especial contamos co profe Alejandro, que nos sorprendeu cun divertido taller de malabares, lembrándonos a importancia da creatividade e do xogo na infancia.

LAXEVERSO: Día das Bibliotecas Escolares

23 outubro 2025

Inauguramos unha nova tempada de Laxeverso con motivo do DÍAS DAS BIBLIOTECAS ESCOLARES. 

Para unha ocasión tan especial contamos coa visita dunha Sentinela moi querida, a profe Marta. 

En comunidade, celebramos a chegada do outono a partir do conto O LADRÓN DE FOLLAS cunha instalación artística moi otoñal na que deixamos as nosas pegadas.