Micro Lesson 3 (Difficult Topic)

Assessment 3 Micro Teaching

Te Rua o te REO (L2)

PARANI APII MAORI

Tuꞌanga Kura: Reo Maori Tuatau Apiiꞌanga: 3 Epetoma

Puapii: Maara Taia Scheel Revera/Pupu: 4-6

Topiki:Au Kupu Piri Nomena (Pronouns) Ora Āpiꞌianga:45 min

POSSESSIVE PRONOUNS

Koronga Aruaruꞌia (Achievement Objectives):

*Kia kite e kia mārama te tamariki i te tūke i te au kupu Piri Nomena, mei tetai kupu ki tetai.

*Kia kite katoa te tamariki i te tāꞌangaꞌanga i te au kupu Piri Nomena i roto i te tūranga tātāꞌanga.

Koronga Umuumuꞌia (Learning Outcomes):

I te openga o teia tuꞌanga āpiꞌi, ka rauka i te tamariki i te:

1.Tuatua ꞌua, ma te tūkatau meitaki i te taꞌangaꞌanga i te au kupu Piri Nomena.

2.Tāꞌangaꞌanga i tetaꞌi pākau āpiꞌiꞌanga (appropriate teaching resource), no te ꞌakatūtūꞌanga ē te tāngaangaanga i te au kupu piri nōmena.

3.Tāꞌangꞌanga i te au kupu karāma, mei te; au kupu nōmena, verepa, piri verepa, piri nomena ꞌakataka nomena, perepōtitiō, etv.

4.Tata i tetai au takiato korero potopoto ꞌua ma te tāangaanga i te au kupu Piri Nomena.

Apiiꞌanga e te Tamouꞌanga. (Teaching and Learning Focuses):

Tātā takiato korero tau meitaki (Write sensible/structured sentences).

Piri Nōmena: nāku, nāna e te nōna

RA MUA (Monite)

Akanoꞌonoꞌoꞌanga (Lesson Procedure)

Akatomoꞌanga

ꞌTātā i te takiato, “Toku, tōou, to tatou Reo”, e oti, pati i te tamariki kia tatau mai i te reira.

ꞌAkaari katoa i te tiati kupu Piri Nomena ki te tamariki, ma te ꞌakamārama atu rai ki te tamariki i te ꞌakakoroꞌanga tikāi o teia tuꞌanga āpiꞌi.

Raveraveꞌanga Mua

Tuꞌa i te au kāti ma te tātaꞌanga reo Ingariti, ki te tamariki (Karoꞌanga: This is my book.), ma te ꞌakamārama atu e, ꞌeaꞌa ta ratou ka anoanoꞌia kia rave. (ꞌUri ki roto i te reo Maori). Me oti, pati ki te tamariki tātakitaꞌi kia tatau mai i ta ratou takiato korero. ꞌAkameitaki atu i te tamariki no ta rātou tautāꞌanga. (5 meneti).

Tuꞌanga Rua:

Mōtaraaꞌanga na te pūāpiꞌi (Teacher Modelling)

Ōronga i tetai au tākiato korero Maori ma te ꞌakatūtū atu i te reira. Karoꞌanga: Nāku teia pēni, Nōna teia noꞌonga, Nāna teia kai, etv. Tuatua rāi i te reo Ingariti/aiteꞌanga no teia au takiato korero. (Tāokioki ua i te mōtaraꞌanga o teia tuꞌanga āpiꞌi). Ka tau katoa kia taꞌangaꞌangaꞌia tētaꞌi au ꞌapinga kangakanga ā te tamariki (toys), me kore ra, tetaꞌi uatu apinga tau meitaki (appropriate resources), i roto i te tūranga mōtaraꞌnga.

Puapii: ꞌĀkara mai e te tamariki, (mou te puapii i te peni ma te toꞌu ki te pēni).

“Nāku teia pēni”, (ma te rīpīti ꞌakaōu). Araara mai e te tamariki”.

Tamariki: Naku teia pēni”.

Puapii: “Nōna teia noꞌonga”. (Āmiri te puapii i te noꞌonga).

Tamariki: “Nōna teia noꞌonga”.

Puapii: “Nāna teia kai”. (Toꞌu te puapii ki te tamaiti e te kai).

Tamariki: Nāna teia kai”. (Toꞌu te tamariki ki te tamaiti).

Puapii: Nō kōtou teia tūatau e te tamariki i te ꞌakaāri mai ki ākaāri ki āku i tā kōtou i tāmou mai.

ꞌAkaari katoa ki te tamariki i tetaꞌi ꞌakaariariꞌanga, ma te tāꞌangaꞌanga atu ꞌanga i te roro uira (toondoo.com) website.

Tuꞌanga Openga.

Raveraveꞌanga:

Pati ki tetaꞌi tamaiti (at random), kia rave mai i tetai ꞌakatūtūꞌanga nānā, ma te ꞌakameitaki atu i a ia.

Rave mai i te tīati kupu piri nomena e oti, ꞌakairo/raini i te au kupu (penei, e 5 ua kupu). Pati i te tamariki kia tātā mai i te aiteꞌanga o teia au kupu ki roto i te reo Ingariti. Pati katoa ki te tamariki kia timata i te tata i tetai tākiato kōrero potopoto ꞌua no teia au kupu. Kia tauturu te puapiꞌi i te tamariki i te tuatau o teia tuꞌanga āpiꞌi (neke, mei tetai tamaiti ki tētai).

Āpii Ngutuꞌare:

Ōronga e 3 ua kupu piri nomena, e kia tīmata te tamariki i te tātā i tetai tākiato kōrero nō teia au kupu.

ꞌAkakoꞌukouꞌanga:

ꞌAmu i tetai ꞌamu mou meitki i te tamariki e oti, ꞌakameitaki atu i te tamariki.

* Tāpapa atuꞌanga no te āpiꞌi atu anga i te toenga o teia tuꞌanga āpiꞌi.

Au apinga turuturu i teia tuanga apii:

Tiati kupu piri nomena

Au apinga kangakanga a te tamariki,

Roro uira.

Au puka tua Maori

Paunuꞌanga Kite (Possible Assessment Criterias):

Formative Assessment:

*Ākara ki te pūapiꞌi ma te ꞌakarongo meitaki i te mōtaraꞌanga o te au kupu piri nōmena.

*Tuatua ma te tūkatau, ē te nākirokiro meitaki i te ꞌakataka i tetai kupu piri nōmena, mei tētaꞌi kupu ki tētaꞌi, na roto i te ꞌakatūtūꞌanga.

*ꞌAkarongo ma te āru meitaki i te au ꞌakaueꞌanga ā te pūapiꞌi i roto i te tūatau āpiꞌiꞌanga.

*Rave kia oti te āpiꞌi i te tuatau tei akatakaꞌia no teia tuꞌanga āpiꞌi.

*ꞌAkaāri i te tū kauraro ki te pūapiꞌi, pēra, mei tētaꞌi ki tetaꞌi, na te piriꞌanga ki roto i te au ꞌangaꞌanga raverave ā te pupu.

ꞌAkaāri i te tu umuumu i te tāmou i te āpiꞌi, ma te ꞌakaāri katoa i te tū mataora.

Summative Assessment:

*Tārērē: Tuku i te kupu piri nomena tau ki roto i te vā (mei runga mai i te peapa tārērē).

Ivēruetiꞌanga (Teacher Lesson Evaluation):

Student Name: Wendy Maara Scheel

ID: S01003066