Embedded Files
Ko teia te tuꞌanga apii mua tei orongaꞌia mai kia rave matou, tamariki apii. E a au tuꞌanga apii potopoto tei ꞌakaueꞌia mai matou kia rave.
CM212
Assessment 3 Micro -Teaching
Te Reo Mua (L1)
PARANI APII MAORI
Tuꞌanga Kura: Reo Maori Tuatau Apiiꞌanga: 3 Epetoma
Puapii: Maara Taia Scheel Revera/Pupu: 4-6
Topiki: ꞌATU PŪRUA (POETRY) Ora apiꞌiꞌanga: 45 min
Ēnū: Reo ꞌAtuꞌanga (POETIC)
Ēnu Iti: Tātā ꞌOꞌora Manako (Expreesive Writing)
Koronga Aruaruꞌia (Achievement Objectives):
Kia mārama te tamariki i te aiteꞌanga tīkai ē te ꞌoꞌonuꞌanga i te ꞌatuꞌanga/tātāꞌanga o tetai uatu pūrua.
Kia mārama katoa te tamariki i te au tū tātāꞌanga pūrua, e te tumuꞌanga no te tātāꞌanga
o tetai uatu purua, (based on experiences and emotions).
Koronga Umuumuꞌia (Learning Outcomes):
I te openga o teia tuꞌanga āpiꞌi, ka rauka i te tamariki i te:
1.ꞌUri i tetai au tākiato kōrero purua potopoto ꞌua ki roto i te reo Maori.
2. Tātā i tetai ꞌatuꞌanga pūrua nānā rāi, (rua parakaoa), no runga i tetai uatu tōpiki.
3.ꞌAkatūtū i tetai tuꞌanga iti ꞌua o tānā pūrua.
Apiiꞌanga e te Tamouꞌanga. (Teaching and Learning Focuses):
*Tātāꞌanga i te au kupu tau (Vocabulary/ Word Choice), mei te au kupu ꞌAkataka Nōmena no te tātā pūrua.
*ꞌAkanoꞌo meitaki i te tatāꞌanga o te pūrua.(structure)
*Akakite mai i te āpiꞌiꞌanga no tetai uatu ꞌatuꞌanga purua (moral), ma te ꞌakaāri i te tū meitaki, kia tau māri ki ta tatou ākonoꞌanga maori (Putting our cultural values into practice).
RA MUA (Monite)
Akanoꞌonoꞌoꞌanga (Lesson Procedure)
Akatomoꞌanga:
ꞌAkaārāvei atu i te tamariki e oti, pati ki te tamariki kia ꞌamu mai i te ꞌamu, ꞌOnu, ꞌonu, ōnu…….
Akamārama ki te tamariki i te akakoroꞌanga o teia āpii, e te au mea ka anoanoꞌia ratou kia rave. Pati ki tetai tamaiti kia tatau mai i te pūrua: “The Turtle and the Coconut Tree”( reo Ingariti). Tataꞌia e Kauraka Kauraka. Akameitaki atu i te tamaiti e oti, pati ki te tamariki kia oronga mai i to ratou manako no runga i teia tatauꞌanga purua.
Raveraveꞌanga Mua:
Tuꞌa i te au kāti takiato korero no teia purua i roto i te reo Ingariti, e oti, pati ki te tamariki kia ꞌuri i teia ki roto i te reo Maori.Tatau ki te kātoatoa e oti, tapiripiri ki runga i te papa tātā kia kite te katoatoa. Uriuri manako ki te tamariki no runga i ta ratou i rave mai ana, ma te akameitaki atu ia ratou. (10 meneti)
Tuꞌanga Rua
Tata/ꞌAtuꞌanga Purua
Mōtaraꞌanga na te puapii (Teacher Modelling)
Ōronga te puapii i tetai karoꞌanga no te tātā pūrua i mua ake ka tātā ei te tamariki i tā rātou.
Puapii: “I teianei e te tamariki, ka ōronga atu au i tetai karoꞌanga nō te ꞌatu pūrua. Kō tāku topiki i ꞌiki mai au, “Te ꞌOnu”, nō te mea, e manu inangaro naku te ōnu. Karo mai:
E ꞌonu koe no te Moana Nui
E ꞌonu taurekareka e te poripori
Te metua vaine no te au ika
E āngera no te moana
Taku onu akaperepere
Ko koe e Raupiti.
Puapii: Me karo kotou e te tamariki, potopoto ꞌua te tātāꞌanga o te au tākiato korero. Ka inangaro au ia kotou i teianei, kia tīmata kotou i te tātā i ta kotou, ine?”.
Raveraveꞌanga:
Pati ki te tamariki kia tātā mai i tetai pūrua no runga i teia nga upoko pūrua i raro nei:
(Angaꞌanga mā tetai taeake- Paired activity). Tātā e rua parakaoa pūrua. (10 meneti).
Te Onu
Te Tumu Nu
Tetaꞌi ꞌuatu tōpiki tāna (tamaiti), i ꞌinangaro no te tātā ꞌatuꞌanga
Āere te pūꞌapiꞌi mei tetai tamaiti ki tetai, ma te taututuru atu i te tamariki.
Pati ki te tamariki tātaki taꞌi kia tatau mai i tana uaorāi ꞌatuꞌanga pūrua, ma te ꞌakameitaki atu ꞌia rātou.
Apii Ngutuare:
Pati ki te tamariki kia kimi mai (research) i tetai au tātāꞌanga pūrua no te ngutuꞌare mai ei
tatauꞌanga nā te pupu. Kimi katoa mai i te ingoa o tetai au taꞌunga (poets) ꞌatu pūrua o te Kuki
Airani nei, mei a Kauraka Kauraka, Piri Tarapu, Michael Tavioni, etc.
Akakoukouꞌanga:
Koꞌikoꞌi mai (compile), i te au pūrua ā te tamariki i oti mai, no te maꞌani puka pūrua. (Class Poetry Book)
* Tāpapa atuꞌanga no te āpiꞌi atu anga i te toenga o teia tuꞌanga āpiꞌi o teia epetoma.
Au apinga turuturu i teia tuꞌanga āpii:
Tiati pūrua: “The Turtle and the Coconut Tree”, “Te “Onu e te Tumu Nu”. Tātaꞌia e Kauraka Kauraka.
Puka pūrua: “Speak Your Truth”. Tātaꞌia e Michael Tavioni
Au kāti takiato korero pūrua Maori/papaā
Roro Uira: toontastic. com website
PAUNUꞌANGA KITE (POSSIBLE ASSESSMENT CRITERIAS):
Formative Assessment:
*Āriu ki te puapii ma te akarongo meitaki i te au akaueꞌanga a te puapiꞌi.
*Nakiro meitaki e te mārama i te ꞌāiteꞌanga o tētai au kupu pūrua.
*Oti tāna (tamaiti), tātā ꞌatuꞌanga pūrua.
*Tano te ꞌakanoꞌoꞌanga o te tātāꞌanga o tānā pūrua. (structure).
*Tau meitaki te au kupu tā te tamaiti i tāꞌangaꞌanga no te tātā pūrua, e te reka i te pūrua.
*ꞌAkaāri i te tū tūkatau i te ꞌangaꞌanga koia ānake rāi (confident to work independently).
Summative Assessment:
*Oti meitaki te ꞌatuꞌanga pūrua ā te tamaiti, ma te mānea tikāi o te tātāꞌanga i te au korero (quality).
Paunuꞌanga a te puapii -Self Evaluation (Commentary):
Some changes I could make to this lesson plan:
*I could write up the Maori version for this poem, cut up the story lines same way I did with the English version, (as I saw a couple of the students struggle with the translation), mix the cards up, then share them out to the students, and have them find their match.
Inara, mataora au i te ꞌakarongoꞌanga i te au uriꞌanga tuketuke e te au reo enua tei arararaꞌia mai e te au tamariki āpii. I was touched.
I te mea oki e, ko tetai tuꞌanga āpii teia i roto i te are apii e ngatā ana te tamariki i te rave, ko te ꞌuri reo e te tātāꞌanga, kua manako mai au i reira i te ꞌakatinamou i taku āpii ki runga i teia tuꞌanga āpii.
*Kua rapurapu katoa au i taku apiiꞌanga, kare te tu’anga tātā pūrua a te tamariki i rave ia ana i te mea e, kua manamanata au i te ora (as I was running out of time).
*Ka rauka i āku i te ꞌakaāri i tetai teata nō tētaꞌi tamaiti/ taꞌunga ꞌatu pūrua, e tatau ra i tāna pūrua.
Google Sites
Report abuse