Langauge Learning Activities

ꞌE aꞌa tei tupu (consequences)

Au Raveraveꞌanga nā te Pupu (pūāpiꞌi ki te tamariki- mātou).

ʻAkamāramaꞌanga Mua o te au tuꞌanga Āpiꞌi.

Games and Activities. L1 and L2 levels

Tarekareka Mua: (Based on a collaborative story game called “consequences)

Ko te ꞌakakoroꞌanga o teia tarekareka, no te ʻakakeu i te ngakau o te tamariki kia inangaro ratou i te akarongo e te rave i teia tuꞌanga apii, ko te apii Maori. Kia mataora katoa ratou i te piriꞌanga ki roto i te au apii Maori katoatoa. Ka tau i reira teia tarekareka ei ꞌakamata i te apii no tētai uatu tuꞌanga apii Maori. (Starter Activity).

Te raveꞌanga (procedure):

Akakoroꞌanga (Kia taꞌangaꞌanga te tamaiti i te tū karape ꞌakarongo” ki te pūapiꞌi).

1.Tuꞌa i te peapa ꞌangaꞌanga ki te tamariki

2.Pati i te tamariki kia tata i te ingoa o tetai tangata (1^st character), ki runga i ta ratou peapa. Me oti, ꞌaꞌatu i te peapa kia kore e kitea ꞌia. I muri mai, pāti i te peapa ki te tua kauī, ki te tamaiti i te pae mai i a ia.

3. Tātā te tamaiti i te rua o te ingoa o tetai tangata (2^nd character, can be human or an animal character). Me oti, ꞌaꞌatu i te peapa ki kore e kitea ia, pati rai ki te tamaiti i te pae mai i a ia, i te tua kauī.

4. Tātā te tamaiti i te ngāi i ārāvei ei rāua. Me oti, ꞌaꞌatu rai i te peapa e oti, pati ꞌakaōu ki te tamaiti i te pae mai i a ia i te tua kauī.

5.Tātā te tamaiti i te tumuꞌanga i ꞌārāvei ei teia ngā tokorua. Eaa ta rāua arara. Tatā i te arara a te tangata mua. Me oti, ꞌaꞌatu rai i te peapa, pāti ꞌakaōu ki te tamaiti i te tua kauī i a ia.

6.Tātā i te araara ā te rua o te tangata. Me oti, ꞌaꞌatu rai i te peapa, pāti ki te tamaiti i te pae mai i a ia, I te tua kauī.

7.ꞌAkakite/tātā, eꞌaa tei tupu. Eꞌaa te ꞌakaotiꞌanga o te tua.

Pae openga, pati te puapii i te tamariki kia tatau mai i te tua i runga i tā rātou peapa (the conclusion).

Activity 2

Apiiꞌanga no te tataꞌanga i te Mākarōna e te Āmata (All Levels- L1, L2)

Ko te ꞌakakoroꞌanga o teia apiꞌi, koia oki, kia mārama mātou tamariki apii, i te tataꞌanga o teia ngā ꞌakairo ko te āmata e te mākarōna. Kia tau katoa ki te ꞌakatangiꞌanga o te au kupu i roto i te tataꞌanga o tetai takiato korero.

Karoꞌanga Mua:

Te ꞌakarongo nei kōtou i te ꞌaruru o te tai?.

Te rua o te karoꞌanga:

ꞌE noꞌo ana rātou ki runga i te maunga.

ꞌAkamaramaꞌanga no te au kupu pātikara (particles), me kore au kupu ꞌungaꞌunga, e te au kupu tumu, e te au kupu mou ʻiku (suffix).

1.Kua tae mai aia.

Ko te kupu kua, ko te kupu ꞌungaꞌunga teia.

Ko te kupu aia, ko te kupu tumu teia.

2.ꞌAkamāramaꞌanga nō te kupu mou ꞌiku.

Kua kaingaꞌia te Mario e te manu.

I roto i teia tākiato kōrero, ko te kupu kaingaꞌia, te kupu mou ꞌiku teia. E karangaꞌia ana i roto i te reo papaā e, e suffix.

Ko teia i reira te ꞌakamāramaꞌanga no teia au mea nei.

Activity 3

3.ꞌReo poroki no te au taꞌunga pūꞌāpiꞌi no te ꞌangaꞌanga ki roto i te au pupu rikiriki (Group task):

Āmaniꞌanga i tētai Parani Uniti. (no te apiiꞌanga i ngā reo, L1 e te L2)

1.ꞌAnga i tetai parāni apii (Micro Lesson), no te apii atu ꞌanga i tetai uatu revera tamariki (year level), kia tau ki te reo mua o te tamariki (L1 speakers).

Kia ꞌakamanako katoaꞌia te au tuꞌanga Vaitoꞌanga Kite, e te Paunuꞌanga Kite (Formative and Summative Assessments and verification of teaching Resources)

2. ꞌAnga i tetai parāni apii (Micro lesson), no te apiꞌi atu ꞌanga I tetai uatu revera tamariki kia tau ki te rua o te reo o te tamariki (L2 speakers).

3.ꞌAnga i tetai parāni apii (Micro Lesson), no te apii atu ꞌanga i tetai uatu revera tamariki (year level), kia tau ki te reo mua, me kore ki te rua o te reo o te tamariki (L1/L2 speakers). No runga teia tuꞌanga i te raveꞌanga i tetai tataꞌanga me kore tatauꞌanga, i roto i te reo Ingariti, paraniꞌanga no te apiiꞌanga ki roto reo Maori (An English medium text to life in the classroom).

3.Parani Apii (Micro Lesson), no te apiiꞌanga i tetai topiki ngatā, e te au ꞌakamāramaꞌanga.

4.Parani Uniti Apii (Unit Plan) nā te pupu (GROUP TASK)

I roto i teia tuꞌanga apii, ka anoanoꞌia te au mea pouroa. I roto i teia au tuꞌanga parani apii, ka rauka te reira i te i te ꞌakatano (modify and extend), kia tau ki tetaꞌi uatu revera tamariki.

Akakoꞌukoꞌuꞌanga

Ko tēna i reira tetai au ꞌakamāramaramaꞌanga no raveraveꞌanga i teia apii (CM 212). Mataora tikai.