AHOLKUGUNEA

Noiz sortzen da proiektua?

Proiektu hau duela urte batzuk sortu zen, hain zuzen ere, Nafarroako Gobernuko Hezkuntza Sailak 2021eko martxoaren 7/2020 Ebazpenaren bidez Lanbide Heziketarako Proiektu Berritzaileen deialdia egin zuenean. Proiektua, irakaskuntza-berrikuntzako proiektu gisa aukeratua izan zen deialdi honetan.

Denboran bat eginez, inguruko negozioen erreleboaren arazoari erantzuteko eskatuz Baztango Udalaren proposamen bat jaso genuen Elizondoko Lanbide Eskolako Administraritzako Departamentuan.

Proiektuak lehenengo urratsak emanak eta 2021eko maiatzean eman zitzaion hasmenta “INIZIA-NAFARROA Ekintzailetza- gelak Lanbide Heziketan” programari eta Elizondo Lanbide Eskolak bertan txertatu zuen Aholkugunea proiektua.

Programa honek, ekintzailetza laborategiak martxan jartzen zituen, Goi Mailako Administraritza eta Finantza ikasketen barruan. Tresna ezberdinak bideratzen dituen programa da hau. Sentsibilizazio jardunaldiak, tailerrak, bazkide eta kolaboratzaile sarea sortu, bertan lan egiten duten agente ezberdinak uztartuz. Atala hontan, Cederna-Garalur izan dugu 2023-2024 ikasturte honetan bidelagun.

Horrela, hasierako ideia hura osatuz joan da eta gaur egungo helburua proiektuaren hedapena Baztan-Bidasoa bailara osora zabaltzea da.

Proposamen honen bidez, Elizondoko Lanbide Eskolak Baztan-Bidasoan dagoen enpresa sarearen beharrei erantzun nahi die, parte hartzen duten ikasle eta sustatzaileak ere Eskualdeko herri ezberdinetakoak direlarik. Proiektuak, halaber, etorkizunean zikloan berarekin lanean jarraitzeko aukera emango digun proiektua izan nahi du.

Proiektuaren erabiltzaileak:
- - Enpresen kudeaketan diharduen eta informazio zehatzaren bila dabilen pertsona oro.
  - Enpresa transmititu eta martxan dagoen negozio bati jarraipena eman nahi diona eta bertzalde, enpresarekin jarraituko luketen gazte ekintzaileak.

Gure inguruan kokatuta dauden enpresa mota ezberdinetan gure fokoa jarriz, eskolan ikasitakoak egunerokoan erabilgarriak izan daitezkela. Horregatik, interneten leku bat “ Aholkugunea” izena duena sortzea pentsatu da.

GURE IKASKUNTZA-PROZESUAK GARENA ETA NORATZ GOAZEN DEFINITUKO DU

Gure "Enpresaren Kudeaketa" ikaskuntza prozesutik abiatuta, gure inguruko enpresari autonomo, enpresa ttiki eta ertain eta ekintzaile berrien garapena, autonomia eta berrikuntza bultzatzeko, webgune baten bitartez kalitatezko prestakuntza tresnak hurbiltzea, bertan kontsulta eta laguntza gunea eskeiniz eta negozio-erreleboa eta trasmisioa bideratuz.

Gure helburua, inguruko enpresa sarearen Administrazio Kudeaketa aholkularitza arloan erreferentziazko informazio puntua izatea, hauekin hartu emanean aritzea lortu duen webgunea izatea beraien aholkularitza eta prestakuntza beharrak asetzen ditugun bitartean, gure ikasketa prozesu integrala inguruko errealitean oinarrituz.