Vincekovo

Sveti Vinko je prvi svetec v godine teroga slave Turopolci. Na taj dan vinogradari idu prvi put f trsje i proveravaju jel sve vredu i počmeju ga obrezavati. Po tradicije zazivle se Sveti Vinko zaštitnik vinogradof, da svojem zagovorom pomogne

kak bi trsje dobro napredovalo, bilo zdravo i bila obilata berba a da očuva vinograde ot tuče, mrazof i sekakvoga zla.

Ostali sveci teri su vezani vuz vinogradarstvo v Turopolu su: Sv.Josip(19.3.) kat se počme trsje koliti, Sv.Juraj(23.4.)kat se počme trsje kopati, Sv.Lovro(10.8.)kat se postavla klopotec da nebi tati tice jele grojzde, Sv.Mihael(Miholje 29.09.) ide se brat grojzde a o Sv.Martinu(11.11.) već se krsti mošt, još je ostal samo Jandraš(30.11.) a on pita počem ga daš.

Da su Turopolci stari vinogradari vidi se još iz zapisof z 14.stoleča kat je bilo puna trsja po Vukomeričke goricami a dobro se još i stari Turopolci sečaju kat su cirkve morali davati desetinu u vinu.

Denes se Vicekovo pretvorilo f pravi ceremonijal i društveni događaj, zestaneju se sva vinska brača bez razlike jel imaju ili nimaju trsja. Najprije se trs okiti z kobasicami i špekom, zaleje starem vinom i blagoslovi, trs se zareže kaj označava početek rezidbe.

Posle te ceremonije nastavla se ze slavljem vuz dobru kaplicu i gulaš a posle dojdu i tamburaši pak svi zapevaju a nekteri vinski brati ostanu do jutra.

Najpoznatije Vincekovo održava se v lomičkom Kostajnevcu na bregu Jajtine a stari Lomičani su taj del brega zvali Vajzerovo.

Pri pajdašu Mikice pl.Hrvačiću skupe se sva vinska braća a dojdu tu i osobe z društvenoga života: župan zagrebački, komeš turopolski, gradonačelnik pa i negov

zamenik. Sako leto došel je sat več pokojni dubranjski plebanuš Ivek Lovrić i blagoslovil trsje, dej mu Bog mir i pokoj.