Turopoljsko Jurjevo

Turopoljsko jurjevo 2014. završeno

Ovogodišnje jurjevanje malo je duže potrajalo, gotovo cieli tjeden a vreme ni baš bilo dobro. Bilo je više kiše i oblakof nek sunca.

Prvi su kresa zapalili Lomičani 22.travna jer se tam tak po navade pali na jurjevsko veće a posle se ide nazdravlat a skupilo se puno Lomičanof.

Mičevčani su lepo Jurjevo napravili na sam svetek Svetog Jure, vuz pesmu i ples čak su uspeli najti kravu i dopelali nakinđanu, pak su ju pelali po celomu selu.

Na Odre se isto palil Jurjevski kres jer tam je taj dan i proščejne a pucalo se z turopolskoga štuka teroga je još 1991.leta napravil Jožek Bobesić kat smu obnavlali Plemenitu opčini.

Još se po nektere sele palil kres na sam dan Jurjeva a Kurilovčani su to obavili v petek isto vuz pono Kurilovčanof i vuz pesmu i ples o jurjevu sve u izvedbe ansambl Zlatne godine.

Veliko jurjevo održano je i na Gorice v subotu iza Narodnoga sveučilišča i skupilo se puno jurjašof ze se sele i pokazalo kak se pri nemi nekat jurjevalo. Tu je bila opet krava tera je došla z paše pak je morala ijti prek ogna i dima da ju nebuju vuroki.

Završno Jurjevo sat več po tradicije održava se pri staromu gradu Lukavcu a prije toga išle su postojbe po Gorice a onda svi su otišli kmeše na Odru jer denes je to jako popularno. Posle meše išlo se pred stari grad Lukavec.

Skupilo se puno ludi z bliže i dalne okolice a bili su tu folklori, stare rvacke vojničke postrojbe, izložba kojnof, male životijne i još puno toga.

Zbudila se i lukavečka flora i fauna, šaš je fest zrasel a žabe su fest zakreketal

Ni jena manifestacija nemre prejti bez političarov pak su se i oni prikrpali da ih svet bolle vidi i da nekaj pametnoga ojdne čuje. Bilo je oko pet iladi ludi nate manifestacije.

I tak je još jeno jurjevo prešlo, nadamu se da nas kletu nebuju pratile zle sile.

travajn 2012 f Turopolu

I kukuvačiva zakukala kirales

Turopoljsko jurjevo – Dan planete zemlje

Sako leto Turopolci večer prije Jurjeva pale svoje kresove. Nekteri veliju da je taj običaj star nekoliku ileda let.

Z Jurjevom se f Turopolu označava početek proleća i početek sve poloprivredne poslof.

Isto tak su 1969.leta v UNESCU došli na ideju da i naša planeta zemla dobi svoj datum 22.travna, teri bi označaval nezino postojajne i zaštitu.

V Rvacke se taj datum obiležava od 1992.leta a Međunarodnem danom proglašen v Skupštine Ujedinjene narodof 22.travna 2009.leta.

Znaći moglo bi se reći da smu mi Turopolci taj dan počeli slaviti, pono stoleča prije nek drugi svet. Na taj dan kukavice su se vrnule z tople krajof i zakulale a Lomičani su to lepo deli v svoju staru arhajičnu Jurjevsku pesmu I kukuvačica zakukala kirales. Pesma je zapisana još v 19.stoleču

Nekad se Jurjevo slavilo na veliko, po sve sele i na svake križajne palili su se kresi oko terog se skupilo staro i mlado. Stari su pevali jurjevske pesme a mladi su skakali prek kresof. Drugi dan išlo se popevat ot iže do iže a Jurjaše su uglavnom darivali z jajci.

Denes toga više ni a kak bi se tradicija održala udruge poput Plemenite opčine turopolske napravile su manifestaciju. Turopoljsko jurjevo je i na popisu UNICEFA za zaštitu kao nematerijalno dobro.

Jurjevo se i ovo leto f Turopolu počelo slaviti na večer 22.travna, kat su se počeli paliti kresi na: Lekeniku, Kurilovcu i Gradiće. Na Odre se palil kres na sam dan Svetog Jurja jel je tam veliko proščejne. Na Odru su po običaju došli Turopolski banderijalci z komešom i kapetanom a bilo je još i folklorof.

Po običaju plementaši z Plemenite opčine slaviju Jurjevo prvu nedelu po Svetom Jurju pred svojem starem gradu Lukafcu.

Tak je i ovo leto bilo 29.travna. Skupilo se puno ludef ne samo z Turopola več ot Kupe do Save, znači osim Turopolcof tu su bili Vrvci, Brežani i Posavci.

Cel dan je bilo zanimlivo oko grada Lukafca jel su se održovale zazne manifestacije.

Počelo se v jutro z izložbom kojnof a bilo je 27 grla ze širek područja Turopola a dva kojna su došla čak z otoka Brača. Bilo je tu i peradi, zajcof i pajcekof.

Glavna manifestacija bila je na velike pozornice a tu su bili folklori z: Veleševca, Mičevca, Male Mlake, Odre, Lukavca, Velike Mlake i Oporovca.

Tu su bile i stare rvacke Povijesne postrojbe: Gradska straža Bakar 1848., Požeška građanska straža, Varaždinska građanska garda, Karlovačka građanska garda, Križevačka djevojačka straža, Keglevićeva straža, Turopoljski banderij.

Tu su bili i nezaobilazni političari, pak je narod moral pleskati. Na kraju manifestacije ob 8 vur navečer zamenik turopolskog kapetana zapal je kresa.

Turopolci ot navek veruju da bu kres odnesel sva zla i nijove nevole. Ali zgleda da bu još puno puno kresof moralo zgoreti da bi se to dogodili.

V sakom slučaju ak bumu živi i zdravi vidimu se kletu 2013.leta opet pret starem turopolskem gradom Lukafcom

http://www.youtube.com/watch?v=WjKMXdlOL0Y

https://picasaweb.google.com/t1598p/TuropoljskoJurjevo2011?authkey=Gv1sRgCLD_hPDhv9yjIg#

25.travanj

Turopolsko jurjevo 2011

Turopolci su opet proslavili dolazek proleča, kak to več delaju nekuliko iladi let. Čudno, kak to negdo ima tak dugu tradiciju. Ali za one teri to prate ni niš novoga.

Još negda dok Turopolci nisu došli ovdek de denes živimu, v svoje pradomovine v Bele Polske slavili su dolazek proleča v čast svemu bogu Jarilu, negve sestre Morane i nijovom ocu Perunu. Ali kak su naši stari došli ovdek v Turopole, zeli su krščanstvo koj novu veri i morali su pozabiti svoje bogove. Onda su za zaštitnika proleća zeli svetoga Juraja.

I ot onda se to sako leto slavi 23.travna, a većer prije toga se pale kresi po se sele.

Ta tradicija pomalo izumire ali su pret 18 let plemeniti Turopolci i nijova udruga Plemenita opčina to zeli prek sebe.

Tak je bilo i ovo leto, najprije se išlo na Odru k meše, jer tam je cirkva svetoga Juraja.

Dočel je i turopolski komeš Franc plemeniti Kos, inače plemenski Mraclinec, a žnjem i Turopolski banderij a došle su i stare rvacke postrojbe z: Bakra, Dubrovnika, Kostela i Karlovca a z Križevcof je došla Djevojačka straža.

Dotlek, dotlek dok je meša trajala na Odre, pri gradu Lukafcu bila je izložba kojnof Rvacki posavec.

Popoldan je bilo narodno slavlje oko grada Lukafca, de je pokazana Turopolska baština i kultura, bilo je tu kojnske zaprege, folklora, stare zanatof, uzgajivače male žiovotijne. Dopelali su čak i turopolsku prasicu s pajceki, pak se deca bar mogla videti kak zgledaju pajceki. Bilo je jako puno ludi, kaj još ni bilo do sat, a neki šacaju da je bilo četiri ilade.

Oko turna Lukavca grada bila je zavezana velika podgutnica, simbol Turopola još ot napoleonske danof, kat su naši dečki išli v francuske vojake. Francuzom se dopala ta podgutnica, pak su ju stilizirali i nastala je debešna kravata.

Tu su bili i nezaobilazni političari i v nijovu čast moral je pucati trupolski štuk.

Kat se počel spuščati mrak onda su se sve postrojbe postrojile a kapetan turopolskog banderija zapalil kresa, po stare navade.

Posle toga bilo je narodno slavlje vuz grupu sjaj, nekteri veruju da su z ognom otišla sva zla tera nas muče i da bude bole.

Ja pak verujem da kat su svi otišli ot Lukafca grada, da su vile mogle zatancati svoj tanec v tišine noći, ak je još do zalutal onda mu je Divli ogen posvetlil da mora videti kut se ide domom. Šteta kaj nisu dopelali i krave, kaj bi i nem deli venca oko vrat, pak bi skakale prek ogna. Do zna, most bu i toga kletu?

Turopolsko Jurjevo 2009.

teksta napisal i poslikal Slavko Stepanić

Turopolci su kak i sako leto proslavili svega zaštitnika Svetoga Juraja. Sekut je bilo veselo jel se priroda zbudila jel prešel je pisani Vuzem.

Turopolci takof običaj obiležavaju več nekuliko hiledu let a donesli su ga ze svoje pradovovine iz Zakarpatnja. Nekada je nijov bog prirode Jarilo donesel zelenilo vu nijove krajeve i oni su ga obilježavali koj početek proleča.

Po običaju kres se zapalil na večer prije Jurjeva a na sam o Jurjevo pastiri su napaše okitili svoje blago a doma na putnene vrata gorel je mali ogen i dimelo se a blago je moralo prejti prek toga da je nebi prek leta napadali vuroki. Cure i dečki su išli su po selu nazdravlat svake iže svetoga Jurja.

Denešne generacije Turopolcof obiležavaju Svetoga Jurja na jen moderniji način a ovo leto su bile velike fešte f Turopolu a slavilo se pet dan.

Prvi su počeli slaviti Kurilofčani 22.travna i to kak se šika večer prije Jurjeva, na Jelačićevom složili su kresa a zapalil ga je najstareši kurilovečki Jura. Jujevske pesme pevali su: Lomičani, Gradičani, Lukafčani i Šilakofci. Bilo je to prvo kurilovečko organizerano Jurjevo.

Na sam dan Jurjeva 23.travna glavno je proščejne na Odre jel je nijof patron sveti Jura. Mešu popoldan je služil turopolski plebanuš Vladek pl.Cvetnić a nazočili su i folklori i Turopolski banderijalci. Posle meše bil je ples z kojni a v igrokazu sveti Jura je jašil na kojnu i vubil pozoja. Posle je bil nastup folklorof z: Odre, Male Mlake, Mičevca, Svete Klare i Obreži. Bilo je to 24.Jurjevo na Odre v organizacije Centra za kulturu Novi Zagreb, Vatrogasnog sruštva Odra i Župe Sv.Jurja na Odre.

F petek 24.travna na Tržnom centru na Gorice, kaštelan grada Lukafca Želko Stanilovičef i Turopolski banderij najavil su letošno Jurjevo na Luklafcu v organizacije Plemenite opčine turopolske a bil je tu i folklor z Mičevca .

V subotu je pak palen kres pri Pučkomu sveučilištu a zapalili su ga točno ob 8 vur izviđači Tura. Bilo je došlo puno Goričanof a tu su bili i nezaobilazni turopolski banderijalci.

Najsvečanije je bilo v nedelu 26.travna. Na Goricu su v jutro došle rvacke povesne postrojbe i svi su išli k meše f cirkvu Naveštejna a posle poldan su došli na Lukavec k staromu gradu.

Pret Lukafcem gradu ot jutra su se skuplali kojnari teri su dopelali svoje kojne na izložbu. Bili su tu kojni: Ričko, Kan, Dilber, Rubin, Jablan, Cvetko, Maza, Roza, Nina, Ribica, Đurđa, Olja i još puno druge kojnof, kobile, omice, pastuvof.

Došli su izlagači peradi i zajcof teri su isto izložili svije lubimce a tu je bila nezaobilazna Turopolska svijna.

Čuvari narodnog ruva isto su izložili svoje blago a prouzvođači suvenira dali su svoj obol. Licitare se moglo isto videti a jela i piča i turopolske specijalitetof je bilo isto.

Celu manifestaciju najavil je kaštelan lukavečki Želko pl.Stanilović i predal komešu izvešče.

Svečani čin otpirajna Jurjevske manifestacije najavil je turopolski štuk a otprl je turopolski komeš Franjo pl.Kos a tu su bila vučena gospoda z politike pak je narot moram i nem pleskati. Kat je narot otpleskal gospoda z pulitike su se pobrala i otišla domom, valda jem je bilo dosadno.

Narot je sve manifestacije pratil i sve kaj se dogođalo oko grada Lukafca.

Posle otpirajna Jurjevske manifestacije nastupili su folklori a bilo je je ot sekut a nekteri su došli z Slovačke i Slovenije. Osim lukavečkog folklora bilu su ze Petrušefca, Sesvetske sel, Stupnika, Šenkofca, Drenove gorne, Mičefca, Mraclin, z Vrvja i naš turopolski ansambl FA turopole.

Narodu su se pretstavile i stare rvacke postrojbe z: Bakra, Varažnina, Požege, Karlofca, Otočca, Čakofca i naš Turopolski banderij.

Na kraju se događajna, pot noč kapetan turopolskog banderija zapalil je kresa a plamen se zdigal visoko skoro kak je turen na Lukafcu gradu. I tak je završena Turopolska Jurjeva a ak bumu živi i zdravi kletu bumu opet došli pret naš stari grad Lukavec na 17.Turopolsko Jurjevo.

Jurjevo 08 pret Gradom Lukafcem

Tekst i foto: Slavko Stepanić

Turopolci su i ovo leto proslavili Jurjevo a po tradicije proslava je održana ispret staroga grada Lukafca v organizacije Plemenite opčine Turopolske. Došlo je jako puno sveta z celoga Turopola, bilo je i folklora a bez političarof se ni moglo ni ovaj put. Tu je bila i nezaobilazna turopolska kotlovina teru su spekli lukavečki muži. Bilo je više izložbe a posebno je bila zanimliva kojnof hrvackog posavca. Z lomičkoga vinograda Kostejnevca dopelan je najstareši rast f celom Turopolu, veliju da je star oko 700 let a zgleda da se zbok starosti posušil. Gospon Jovičić z ento sela Kravarščica dal ga zrušiti i dopelan je pret grad.Tu su bile i stare rvacke postrojbe z: Varažnina, Karlovca, Požege i Dubrovnika.Ob 8 vur navečer pukel je turopolski štuk i kapetan turopolskog Banderija je zapalil kresa a nazočni folkloraši su zapevali ,,Lepi Juro krs nalaže,,

Turopolsko Jurjevo 07

Plakat Turopoljsko Jurjevo 2007.

Još jeno Jurjevo je prešlo a sunčano vreme nam je omugučilo da prejde najlepše. Sve je počelo f nedelu 22.travna dan prije Jurjeva z mešum f cirkve Naveštejna teru je predvodil plebanuš Jožek Frkin a bile su tu i stare rvacke postrojbe i naš plemenitaški banderij. Plebanuš je sve goste lepo pozdravil i zaželel jem da se dobro osečaju pri na mi f Turopolu. Popoldan su se svi sudioniki okupili pret starum Turopolskum večnicu(denešni muzej) i sve postrojbe, banderij, jurjaši kojnske zaprege krenuli su na Lomicu. Pret dvorcem Modić-Bedeković su je dočekali lomički plemiči z Plemenite sučije i folkloraši Nove zore. Tu su došle zaprege i kojnaniki z odrske fare i nakon kratkog kulturno-umetničkog programa si skupa krenuli na Lukavec pret stari grad. Na Lukafcu je opet bil program, najpriej je Nova zora otpevala himne rvacku i turopolsku a Turopolski top dal je znak za početek Jurjeva. Kaštelan grada Lukafca pozdravil je goste a posebno po turopolske navade gradske oce i saborske zastupnike i ostale pulitičare. Onda su opet pretstavlene povesne rvatske postojbe a komeš je dal pozdravnu rječ. F kulturno-umetničkom programu su nastupili: KUD «Nova zora» z Lomnice, KUD «Stari grad Lukavec», KUD «Sveta Ana» z Obreži, KUD «Moslavina» z Kutine, Ogranak «Seljačke sloge» z Buševca, KUD «Mičevec», FA «Šiljakovina», KUD «Vrhovje» ze Župe Dubranec. Posjetioci su još mogli videti tesare z Vrvja kak tešeju vrata za Lukavečki Čret, izložbu narodnoga ruva, kak se delaju suveniri, licitare i radionicu za decu pod votstvom Muzeja Turopolja. Mogli su i si ludi videti kak je nutre f gradu Lukafcu a bilo je i za pojesti pot šatorom: turopolska kotlovina, pečenec, čvarci, gibanice a ni zmajnkalo dobre pijače. Kat je bil program gotof napravlena je opet postrojba počasneih vojne postrojbe i onda je pret noč zapalen veliki kres, tak da je plamen bil veliki kak turen grada a dim je išel do neba. Članovi Nove zore su se okupili pokraj nega i zapevali po stare navade ,,Lepi Juro kres nalaže na Jurjevo navečer, desnom rukom....... i tak je na Lukafcu završilo Jurjevo,

Drugi dan se nastavilo Jurjevo na Odre jel tam je i cirkva svetog Jurja, bilo je folklora, turopolski banderij i meša. Posle meše pet cirkvum nakom svečane postrojbe banderija, pukel je turopolski mužar teri je označil kraj Jurjevajna za plemenite Turopolce.

- povijesne riječi župana turopoljskog -

TUROPOLJSKO JURJEVO 2003.

Poštovane gospođe i gospoda, dragi gosti i uzvanici, ponosna braćo turopoljski plemenitaši i slavne počasne povijesne vojne postrojbe Hrvatske.

Čast mi je i zadovoljstvo pozdraviti Vas u ime organizatora Plemenite opčine turopoljske, na ovogodišnjem Turopoljskom Jurjevu 2003. Tužan sam, kao župan turopoljski, što Vas pozdravljam ovdje, a ne tamo gdje i spadamo, jer nakon devet godina proslave Turopoljskog Jurjeva ispred naseg slavnog nam Lukavec-grada, ovu jubilarnu 10-tu obljetnicu ne možemo slaviti tamo i zato zahvaljujemo dobrim domaćinima Mjesnom odboru Lomnica, DVD-u Lomnica i Plemenitoj sučiji Lomnica, što su nas ovdje udomili. Kroz povijest Lukavec grada, kojeg sagradiše turopoljski plemenitasi za obranu Turopola i Zagreba od Turaka, bilo je slićnih događanja. U povijesti Plemenite opčine turopljske je zapisano da su u njega došli, da bi pomogli Turopoljcima, Medvedgradski velikaši. Svidje im se, a onda silom i moći zavladali njime, te protjerali turopoljske plemenitaše. No, 1553.godine plemenitaši ga pravdom ponovo vraćaju u svoje vlasništvo. Godine 1947. dođose u njega nasi drugovi i zavladaše njime, a turopoljci ponovo van. Dolaskom demokracije 1990. godine, mi ga plemenita braćo ponovo vraćamo pod svoje okrilje, uništenog i devastiranog saniramo i obnavljamo, organiziramo okupljanja, pozivamo uglednike i moćnike, te im ukazujemo na taj biser Turopolja i kulturne baštine. I dođoše u njega, opet nam pomogaše, ovaj puta moći i novcem i on im se svidje i danas su u njemu neka druga gospoda, a plemenitaši se mogu samo poskrivečki poslikati i opet bež van. Ali, poštovana braćo, Lukavec-grad bez turopoljskih plemenitaša, bez slavne778 godina stare povijesti Plemenite opčine turopoljske, bez Lucijskog i Jurjevskog spravišća, bez turopolskih banderijalaca i bez turopoljskog topa, je Lukavec bez duše sa zidinama koje su samo puste cigle i ofarbana fasada, a bez svih vas turopoljaca, jurjaša, zavičajne zajednice, pučkog duha stoljetnog slavljenja jurjeva i crkvenog blagdana, jurjevo je samo pisani scenarij dobro plaćenih profesionalaca. Turopoljska himna je za tu gospodu samo lijepa «pjesmica», pa čak i jurjevski krijes samo oganj gorućeg otpada, no za nas je to simbolika vječne vatre na Božjoj pravdi u kojoj izgaraju sva zala, nepravde i zmajevi zloće, i možda se zbog toga i neki boje da bas mi potpalimo takav Jurjevski krijes. Sv. Juraj je zastitnik Turopoljskog banderija i vojnika, te čestitam Turopoljskom banderiju i počasnim povijesnim vojnim postrojbama Karlovca, Varazdina, Požege, Kostela i Bokelja vas Dan i budite ponosni što čuvate slavnu tradiciju hrvatskog vojnika. Uz jurjevo se slavi i Dan planete Zemlje, pa pozivam sve nas da čuvamo okoliš, posebice zdravu i pitku turopoljsku vodu, naše sume pluća ovog kraja, a bome u zadnje vrijeme trebamo očuvati ćak i plodne turopoljske oranice. Bacimo sva zla u današnji Jurjevski oganj, krenimo za hrabrim i časnim vitezom sv. Jurjem u proljeće ljepšeg, boljeg i pravednijeg života. Svima Vama želim danas ugodno druženje i dobru zabavu na proslavi TUROPOLSKOG Jurjeva 2003.

HVALA ,

Franjo pl. Kos župan turopoljski

Turopoljsko Jurjevo 1999.