Rollufár

Rollu tussur, eða eigum við ekki að segja eigendatussur hafa verið áberandi í bæjarlandinu allt frá ysta hluta strandarinnar til golfvallanna í suðri, kálgarðar og blómabeð inni í bænum meðtalin og fleira.

Eigendur þessara kjötskrokka virðast bara hafa hleypt þeim út frá „sínu landsvæði“ og látið þar við setja og ekki nennt að koma þeim til fjalla eða út fyrir bæjarmörk eins og þeim ber skilda til, þeim er greinilega andskotans sama hvar tussurnar þeirra bíta, gras, blóm eða runna.

Vegna þessa datt mér í hug önnur umfjöllun sem átti sér stað á „Lífinu á Sigló“ fyrir 10 árum síðan.

Þá birtist eftirfarandi á vefnum Lífið á Sigló“

Miðvikudagur 17. ágúst 2005  Tækni- og umhverfisnefnd - 21. júlí 2005  -- Að gefnu tilefni og af  fullri ástæðu, þá var gerð eftirfarandi bókun í tækninefnd...: 

"Nefndin leggur til að farið verði eftir reglugerðinni sem heimilar aðgerðir vegna lausagöngu fjár. ---  

En mér leikur forvitni á að vita, loksins eftir að ég fékk tækifæri til að berja "nýjustu" fundargerðir bæjarins augum."  ----

Hverra áhrifa bjuggust nefndarmenn við af ofannefndri bókun ?    ---  Ég spyr í einlagni, þar sem þessar helv... rollutussur sem tilefni hefur væntanlega verið að bókuninni, eru enn og hafa verið í allt sumar jarmandi og snuðrandi fyrir norðan og neðan svefnherbergisglugga minn. Auk þess sem nágrannar mínir hafa átt í fullu fangi daga og nætur, við að reka frá þeim gróðri og jurtum sem þeir hafa lagt mikla vinnu í að koma upp, fyrir utan eyðileggingu þessara fáu plantna sem komið hefur verið fyrir og dyttað að, af vinnuskólanum í norðurbænum í sumar.  Myndin hér við hliðina er tekin klukkan 08:30 í morgun út um svefnherbergisgluggann minn, þar sem rollur eru að gæða sér í "kálgarðinum" mínum.- og fleiri aðeins norðar. Síðan birtist þetta "aðsent" á vefnum: Fimmtudagur 18. ágúst 2005  Sæll Steingrímur. Við hjá Tæknideild bæjarins gerum okkur grein fyrir þessu rollu vandamáli og erum að vinna í málinu. Svar okkar núna í bili er þó í bundnu máli og hljóðar svo.Féið þykir fagurt.

Frjálst það leikur sér.

Verður varla magurt

Við túnfótinn hjá þér.   -----    Kv. Einar Hrafn.  

--- Gaman væri ef ég væri fær um að svara þessu ágæta ljóði að hætti hagyrðings, en ég er ekki þeim gæfum gæddur að geta það og skora því á einhvern sem það getur, að svara fyrir mig. Það eina sem ég vil koma á framfæri varðandi þetta og væntanlegum "bjargvætti mínum" að þó svo að, rollurnar fitni í túngarði mínum, þá er það haft fyrir satt að svefnleysi sé góð leið til að megrast, það er hjá þeim sem ekki nota tækifærið á nóttunni til að læðast í ísskápinn. --

Takk fyrir vísuna Einar Hrafn, vonandi verður vinna ykkar í málinu búin að skila árangri fyrir næsta sumar, en senn er liðið að lokum sumarsins í ár. 

(Athugasemd frá sk : Nú 10 árum síðar, þá hefur Tækni- og umhverfisnefnd ekki enn tekist að framfylgja því sem lagt var til, samkvæmt úttekt frá ofanritaðri  fundargerð)

Föstudagur  19. ágúst 2005  Birtist svo þetta: Nú þegar hafa nokkrir veitt mér stuðning og sent mér vísur vegni hvatningar. 

Athugasemdir frá  sk og vísu sendendum:  

£  Varðandi þessa vísu, vil ég taka fram að Hafsteinn Hólm hefur ekki átt og á ekki neinar af þeim rollum sem hér ganga lausar, hann þarf ekki að reyra sínar rollur, þær eru í löggiltum haga langt í burtu frá Siglufirði.  SK

X   Þetta er samt bara vel meint Kveðja - Leó.

@ "Þessi vísa" -- bara kom, ég veit ekki hvernig, en þetta er fyrsta og eina "vísan" sem nokkru sinni hefur oltið frá mér. Hvort einhver stuðlaregla hefur verið brotin, þá kæri ég mig kollóttann. SK

A   Ég á erfitt með að skilja hversvegna Siglfirðingar virðast vera svona á móti sauðkindinni!

Ég skil að fólk vilji ekki hafa hana í görðum hjá sér, en girðingar ættu ekki að vera neitt stórmál! Sérstaklega eftir að búið verður að girða allan bæinn með snjóflóðavarnargörðum!!  --  

Sjáið hvernig hlíðarnar eru að verða, ekkert nema gul sina sem er ekki glæsileg á að líta, það eina sem er almennilega grænt eru þau svæði sem hross ganga á og bíta! Ég vil leyfa sauðfjárhald í Siglufirði en um leið þurfi að setja upp sauðheldar girðingar!  --- 

Kv Sævaldur Jens Gunnarsson