Problema_Realista
SOLPOR PERMANENTE
• Unha compañía aérea promociona un dos seus voos mediante o seguinte reclamo:
• “Poderás gozar dunha posta de Sol permanente”
• O avión pasa por Islandia xusto na hora do solpor.
• A fermosa visión da posta do Sol preséntase aos ollos dos pasaxeiros como unha postal inmóvil.
• Pensas que é posible que esto suceda?
Frases desequilibradoras
• John di: Fíxate, Betty, o avión voa tan rápido que consigue que o Sol non se dea posto por detrás do mar.
• Betty responde: Non, o Sol non se move. En realidade, o que acontece é que a Terra está rotando por debaixo de nós, que estamos parados no espacio.
• John, sorprendido, contéstalle. “Como que estamos parados, se os motores do avión están funcionando?
Modelos explicativos:
Xeocéntrico:
Avión e solpor (fronteira entre o día e a noite) desprázanse sobre a superficie terrestre.
Heliocéntrico:
A Terra rota por debaixo do avión e o solpor, inmóbiles co Sol.
Debate entre os dous modelos:
Modelo Mixto:
Móvese o avión e móvese a Terra.
E móvense coa mesma velocidade, se non non podería velo (o solpor permanente)
O modelo mixto (alternativo) tenta conciliar duas nocións aceptadas comunmente mais que resultan contraditorias de seren incluidas nun mesmo esquema explicativo:
-O avión móvese, porque os vemos pasar polo ceo e tamén porque os seus motores non deixan de funcionar, senón cairía ao mar.
-A Terra móvese porque foi algo que nos ensinaron na escola.
O problema xurde cando fuximos de aceptar a esencia da relatividade:
AS EXPLICACIÓNS DOS FENÓMENOS FÍSICOS SON IGUALMENTE VÁLIDAS DESDE CALQUERA SISTEMA DE REFERENCIA.