aprendemos
Comezamos o proxecto preguntando na asemblea
que sabemos? e que queremos saber?
acerca dos oficios artesáns.
EMPEZAMOS A INVESTIGAR ...
Localizamos a unha señora que vive en Taboada e que hai anos facía cestos con palla de avea.
Produciunos certa curiosidade e decidimos ir entrevistala.
Previamente na aula deseñamos as preguntas e este foi o resultado:
(Se queredes ver a entrevista podédela atopar no noso blogue "Aula de ilusións".)
Emilia vive en Taboada e ten 93 anos.
E estes son algúns dos cestos
que facía hai algúns anos. prema aquí para acceder ao blogue e obter máis información.
Por outra banda poñemos en marcha o libro viaxeiro para que as familias acheguen o seu "gran de area" e desta forma, implicalos no traballo que levamos a cabo na aula.
(Para velo mellor premer na imaxe).
Podedes seguir todas as vosas achegas no blogue de infantil.
Tamén miramos en internet para ver que atopamos acerca do tema:
- Artesáns do eume (páxina interesante que nos fala de diferentes artesáns da zona, en que consisten os seus oficios...).
- Algún artigo:
( Se queredes ler os artigos só tedes que picar neles.)
- En pax. interesantes, podedes investigar polos diferentes enlaces que atopamos na rede e que nos poden ser de utilidade.
Buscamos en youtube información sobre o liño e a la, xa que na visita ao Museo etnográfico imos ver aparellos relacionados con estas dúas materias primas.
- Vídeo sobre a fabricación do liño recollido de youtube: O Grupo Taranis presenta á Asociación de Mulleres San Bartolomeu, de Insua - Vilalba (Lugo), onde nos mostran o proceso completo que seguen desde a semente do liño, ata a fabricación de prendas de roupa.
Reportaxe gravada durante a Feira Medieval de Vilalba (Lugo) no ano 2010.
-Vídeo sobre o proceso da la: Podemos ver o proceso dende que se obtén do animal ata que chega ás nosas mans.
- Esquema do proceso da la. PDF recollido de: lalanaes.com
ELABORAMOS MATERIAL
Fixemos unha presentación para ir coñecendo dun xeito visual:
algún oficio, os aparellos que utiliza cada artesán
e o resultado final do traballo de todos eles.
Tamén na cortiza de cada unha das aulas, temos colgados os BITS dos "oficios artesáns"
e que vos presentamos en forma de libro dixital:
Na biblioteca atopamos un libriño que nos daba a coñecer diferentes artesáns da zona do Eume:
Escollemos os artesáns que pertencen aos nosos concellos e facemos unha presentación, para ter "a man" na aula e poder acceder á información en calquera momento.
(Lembrade que podedes atopar máis información no blogue de infantil "AULA DE ILUSIONES").
Utensilios de traballo:
- Do serrachín:
- Do zoqueiro:
- Da cesteira:
- Do canteiro:
-Roda de afiar:
Investigando sobre o proxecto enterámonos de que non moi lonxe do noso cole, no concello de A Capela, había un Museo etnográfico e decidimos ir visitalo. A saída realizouse o luns 23 de novembro e foi unha experiencia moi positiva pois puidemos ver e observar "in situ" todos os aparellos e ferramentas de diferentes artesáns que estivéramos a descubrir na aula a través de libros, internet ...
O museo estaba ilustrado con diferentes paneis que vos mostramos a continuación:
Se queredes ver todas as imaxes da visita podedes facelo no blogue "AULA DE ILUSIONES".
A nosa experiencia cun grupo de artesáns
Cando pedimos colaboración ás familias para poder elaborar entre tod@s este proxecto, unha das ideas que suxerimos era que podían implicarse avós e avoas, ou algún veciño que tivera experiencia ou información sobre o tema que estabamos a abordar e como non esperabamos menos, así foi...
O luns 7 de decembro tivemos unha visita moi especial para nós, viñeron algúns avós e avoas a deleitarnos e achegarnos os seus coñecementos sobre algúns oficios que estivemos a traballar na aula.
Contamos coa presenza de :
Un zoqueiro:
Un redeiro:
Un grupo de palilleiras:
As fiandeiras de Cabanas rural:
Estas ensináronnos parte do proceso da la e algún traballiño que se pode facer con ela.
... E tamén algunha curiosidade... ¡FAN LA CON PELO DE CAN!
Tamén aprendemos que hai moitos tipos de fuso, aquí tedes un par deles: