Energia eguneroko zerbait da. Horregatik, batzuetan haren kontsumoaz ez gara ohartzen. Baina izugarrizko garrantzia dauka, nazioarteko harreman ekonomiko eta politikoak baldintzatzen dituelarik.

Energiaren ekoizpenak, eraldaketak eta kontsumoak ingurumen eta giza inpaktu garrantzitsuak sortzen dituzte, eta hauek modu ezberdinen bidez adierazten dira: a) berotegi-efektua sortzen duten gasen gehikuntza (klima aldaketarekin lotuta); b) euri azidoa; c) katastrofe eta hondakin nuklearrak; e) petrolio-isurketak eta marea beltzak, e.a. Bestalde, Euskadin kontsumitzen dugun energiaren zati oso txikia ekoizten dugu.

Gutxien kutsatzen duen energia kontsumitzen ez dena da, eta gainera baliabideak aurrezten dira. Ikastetxearen eraginkortasun energetikoa lortzeko prozesua benetan hezitzailea izan daiteke, eta errealitatea bihurtzeko neurri ezberdinak hartu ditzakegu:

• Kudeaketa arduratsua bermatu, kontrol eta zuzentze neurriak abian ipiniz. Horretarako, lan talde bat antolatu dezakegu hainbat betebehar bideratzeko: energia-kontsumoa ebaluatu, kontsumoa gutxitzeko plana egin, aholkularitza bilatu (adibidez, Energiaren Euskal Erakundea), e.a.
• Ikastetxearen Kontsumo energetikoa kalkulatu (fakturen bidez, kontsumo neurgailuak erabiliz…) eta bere erabilera didaktikoa bultzatu.
• Energia berriztagarriak instalatu (eguzki plaka termikoak, plaka fotovoltaikoak, haize-sorgailuak…), egoera onean egon daitezela eta monitore-sistemak funtzionatzen duela zaindu.
• Mantentzerako sistema izan instalazioak aztertzeko (erregailuak, argiztapen sistema…) eta beharrezkoa dena konpontzeko edo aldatzeko (galdara zaharra…).
• Ura aurreztea, hondakinak murriztea eta, orokorrean, ingurumen kudeaketa egokia egitea energia aurrezteko erabilgarria dela kontuan izan.

Informazio gehiago:

• Guía de transform-acción. Greenpeace. Guía 1: consumo responsable de energía
• Erosketa eta kontratazio publiko berde. Ingurumen-irizpideak. Ihobe.