Embedded Files
Ikasle laguntzailearen programak zailtasunak dituzten ikasleei laguntza-sare jakin bat eskaintzen die. Horretarako prestakuntza berezia ematen zaio borondatezko ikasleez osatutako taldeari. Ikasle laguntzaile horiek gai izan behar dute ikastetxeko beste ikaskideak entzuteko eta laguntzeko, horren beharrizana dutenean.
Era berean, ikasle laguntzaileak ikastetxe-eremuan elkarbizitza kudeatzea dakar; betiere, honako gaitasun hauen garapenean oinarrituta: komunikazioan, negoziazioan, elkarrekiko errespetuan eta gatazka-ebazpenetan, hain zuzen ere.
Andaluziako Bizikidetzarako eta Indarkeria Prebentziorako Ikasketen Laborategiko zuzendaria den, Rosario Ortega-ren ustez, Ikasle laguntzailea programari esker:“Ahulezia egoerako edo arrisku sozialeko ikasleek hausnarketa-esparru egoki bat aurkituko dute, euren arazoei aurre egiteko ikaskide laguntzailearekiko babesean eta elkarrizketan”.Hortaz, Ikasle laguntzailearen programak, alde batetik, gelako giroa hobetzen du, eta, bestetik, gatazka edota zailtasun pertsonalen aurrean aukera zehatzak eskaintzen ditu. Gatazkak konpontzeko, komunikazioa eta negoziazioa sustatzen dira, beharrizan pertsonalak adierazteko ahotsa emanez nahiz espazioa eskainiz ikasleei.
Ikasle laguntzailearen bidez honako helburuak lortu nahi dira:
- Eskola-eremuan lankidetza sustatzea, eta pertsonen arteko arazoei irtenbidea bilatzea.
- Ikastetxeetako elkarbizitza hobetzea eta zigor-neurriak murriztea.
- Ikasleen artean tratu txarren kopurua murriztea.
- Eskolako gatazken ebazpenean ikasleen zuzeneko parte-hartzea bultzatzea.
- Irakasle eta ikasleen artean komunikazio-zubiak eraikitzea, eta elkar ezagutzeko bideak sortzea.
- Ikastetxeetan, indarkeria-egoerei aurre egiteko bideak lantzea.
- Ikastetxeetako parte-hartzaileen autoestimua areagotzea.
- Ikas-komunitateko partaideak babestea.
- Partekatutako erantzukizunaren bidez herritar-balioak garatzea.
Page updated
Google Sites
Report abuse