Embedded Files
النص الكامل لـ قصيدة
يا نجم
للشاعر منصور بن سعدي الرمالي الشمري
جزء من القصيدة بصوت الشاعر
يا نجم ياللي غبت من غبت ما بنت
وش حال بين أيام مجدك وبينك
الشمس تطلع وأسأل الصبح وين إنت
وتغيب شمسي وأسأل الليل وينك
وينك أنا منهان.. منهان لا هنت
منهان من شخص عجز لا يهينك
إرجع متى ترجع أنا إنهنت وسْجنت
واللي سجنــّي كان قبلي سجينك
إرجع ورجّع مجد ماضي كما كنت
ورجّع من المديون للناس دينك
يا قاسيٍ في وجه الأضداد ما لنت
ومن صاحبَك ينعم بعطفك ولينك
حتى على خصمك من إحسانك أحسنت
ويا ما عطت من كل غالي يمينك
بالسيف في شبه الجزيرة تسلطنت
أخضعت أهلها وإملكنه يدينك
مثلك ولد والله فلا جابته بنت
لا شك عيّن يمهلنك سنينك
أقولها وينك وأنا أدل وين إنت
لا شك من زود القهر قلت وينك
ويا قصر ياللي بدلوا طينك إسمنت
إحذر تخون وتنكر أصحاب طينك
الله يخونك كان لأهل الوفا خنت
وأوفيت للي بالخفا خاينينك
يا قصر لا تسكن وإن إنهنت وسْكنت
أخفس قهر وأخفس معك ساكنينك
يا قصر مهما زينوا فيك ما زنت
زينك رحل وإن عاد لك عاد زينك
تمت
--
تسجيل بصوت الشاعر منصور الرمالي
Page updated
Google Sites
Report abuse