เรื่อง เด็กอวดรู้ เฒ่าอวดแรง

          เด็กนั่นงั่นแลควายสามคน แลควายสามคนนั้นแก้คนแก แทแรกถือชิง ไม่ใช่ร่มยังนี้แทแรกถือชิงเดียดไป เด็กสามคนเห็น เราตอยลุงนั่น เอาชิงก้างแลควายเถิด ก้าตั้งมวยแฉ้มาแหละ ตั้งมวยอี้ตอย ตอยถึงก้ะทุ่มชิงแซ็กตบเด็กนี้สักที ทำก๊องแก๊ง ทำๆ เหนื่อย คันเหนือยเท่าเถิดเด็กเหอ เจ็บกันแหละเด็กตอย เท่าเถิดเด็กเห้อ เล่านิทานกันดีหวา เอาลุงเห้อเล่านิทานมันว่าเท็จแพ้ นี่ถึงเล่าแล่ะ ใอนี่เล่าแล่ะว่าฉานแทแรกอยู่ในพุงแม่ แม่ไปเอาขิงมัดมือเข้า แล้วแม่ยกทูน แม่นั่นยกไม่รอด มันออกมายกทูนแล้วกลับเข้าไปในพุงเล่า ลุงว่าจริงโลกเหอ ฉานเคยได้ยินสักทีไม่โร้ใคร เล่าลุงว่าคันว่าเท็จมันว่าแม่เลาน่ะ เติ้นเล่าเล่าตะลุง  ลุงว่าแกถางไร่ได้สักไร่ได้ สักไร่แล้งโปลก แทฝ้ายเท่านนั่นแน่ะไม่เป็นผึด เป็นหนวยเดียวมันใหญปลือใหญหวาขาแก้เล่า ใหญหวาขา คันนั้นพอมันสุกมันแตะเป็นเด็กสามคน แล้วมันไม่รู้มันไปไหน หาไม่พบผึด นี่โสนี่แหละโลกฝ่ายกู้ มาพบแล้ว อ้อยยาเท็จทีลุงนี่ ฮาว่าเท็จ แพ้คันว่าเท็จ ลุงงั่นพาไปบ้านพาไปใช้เสียหวาง. 

แหล่งที่มา : นางอิ่ม บรรณราช อายุ 81 ปี บ้านเลขที่ 12 ม.7 ต.ช้างกลาง อ.ฉวาง จ.นครศรีธรรมราช 

ต้นฉบับ