เรื่อง ชัยช่ายคอนรอก
ชัยชายขี้คร้านอยู่กับยาย ขี้คร้านมากไม่ทำไหร วันๆเที่ยวคอนรอก มันไปดักแล้วที่คอรั้ว คันนี้รอกไปติด หวันเย็นๆ คอนมา พอรุ่งเช้าถึง เอาใสพกไป กะอยู่ มันจึงเอาเมีย เห็นลูกสาวบ้านนั้นชื่อสีดา คอกมัน ป่านฝ้ายทอหูก อยู่ที่บ้านทุกวันแหละพอชัยชายคอนรอกมาลง มาทอหูกปั่นฝ้าย พอชัยชายพ้นขึ้นมานอนเสีย ผ้าผืนหลังทอได้อะโย้ใอนู้เห็นพ้นนั้นบอกยาย ยายเหอขอเมียให้ฉันสักคน ยายว่าใครจี้ให้ลูกสาวมันขี้คร้านจี้ตายโหง มันว่าไปขอตะเขาให้ กะไปขอแหละ เขาก็ให้จริง ให้แล้วกะแต่งงานกัน พารอกนั่นแหละไปแกงพอเขาให้ตัดมากินมันว่ามัน กินเหม็นกินเบื่อแล้วอย่ากินเหลยรอก กะเขากินหมดแหละรอกตัวเดียวนี้ ค่ำเข้าถึงมันหอมแกงรอกติดหมูกอยู่เหลยลุกขึ้น ย่องไปในครัวเที่ยวหา พบรอยหม้อแกง เขายังไม่ได้ล้าง กะเอาหัวหลำไปเสีย หัวติดหม้อ อยู่แล ปลดไม่ออก แม่ยายว้าใอ้นุ้ย ยกขึ้นแมวทำหม้อ แม่ยายยกขึ้นมามันตกใจ วิ่งไปทะพ่อตา เอาหม้อฟัดกับพ่อตา แล้ววิ่งพ้นไปสูญ ตอนแรกมันว่า นอตูคลำแลลื่นๆ พอพ่อตาร้องขึ้น ตกใจ ตกลงเมียกะเปล่าหาไม่ได้.
แหล่งที่มา : นางแดง สุทธิเกิด อายุ 79 ปี บ้านเลขที่ 66 ต.หล่อยูง อ.ตะกั่วทุ่ง จ.พังงา