IRENE, A PORTEIRA... DE FÚTBOL!

Irene González Basanta, nada na Coruña o 26 de marzo de 1909 e finada na mesma cidade o 9 de abril de 1928, foi unha deportista galega, considerada a primeira xogadora de fútbol de España.

Para que a coñezades mellor desde Radio Monelos fixeron un programa sobre ela, en concreto gravaron dúas alumnas de 1º de ESO: Iria Ortega e Sina Suárez  Animádevos a escoitalo!

"A RATEIRA" DE AGATHA CHRISTIE

O alumnado de primeiro de bacharelato foi quen de levar ás ondas a obra de teatro escrita por Ágatha Christie " A rateira" coa adaptación feita pola profesora María Luisa Corredoira.  Considérase a obra teatral de maior permanencia mundial en cartel, pois desde 1952 presentouse en Londres en forma ininterrumpida ata o 16 de marzo de 2020, cando as representacións teatrais tiveron que cancelarse debido á pandemia do COVID.

PROGRAMA SOBRE ARSENIO IGLESIAS

 Programa elaborado polos alumnos de 1º ESO Noa Hidalgo e Hugo Pasandín. 

PREDICIÓN METEREOLÓXICA DO 26 DE FEBREIRO AO 5 DE MARZO 

Predición meteorolóxica elaborada polas alumnas de 1º ESO A Iria García e Estrella Julián para Meteoescola.

MONELOS NO AR

 Emisión do segundo programa en directo de "Monelos no ar" realizado este mércores 30 de xaneiro. 

Nesta ocasión os embaixadores junior do Parlamento Europeo contestaron ás preguntas que fixo o alumnado de Monelos dentro da actividade "Te lo cuEnto" onde os seus compañeiros manifestaban as súas inquedanzas sobre o funcionamento do parlamento Europeo en particular e da Unión Europea en xeral. 

Tamén entrevistamos ao noso alumno Xoel Saavedra que ven de disputar a copa de España co seu equipo CV Oleiros. A entrevista correu a cargo da súa irmá Noelia Saavedra de 3º de ESO.

Coordinaron o programa as profesoras Mónica Alonso e Elena Conde e na presentación estiveron as alumnas de 2º ESO Lara Beade e Inés Insua que o fixeron fantásticamente ben. Parabéns rapazas!

HISTORIAS DA CORUÑA: A TORRE DE HÉRCULES

MONELOS NO AR

Xa temos o primeiro programa de radio emitido en directo! Chámase "Monelos no ar" e resultou un bo chute de adrenalina para todos e todas.

 Os nervios do directo!

O programa foi realizado no segundo recreo do mércores 20 de decembro dentro do proxecto de Escolas Embaixadoras do Parlamento Europeo. Nesta emisión falamos sobre a celebración do Nadal en distintos países da Unión Europea e presentamos algunhas recomendacións literarias feitas por varios alumnos e alumnas da ESO para estas vacacións.

Coordinaron a actividade as profesoras Mónica Alonso e Elena Conde. Presentaron as alumnas de 3º de ESO Catalina Bago e Sabela García, a productora foi Noa Vázquez de 2º de ESO e a parte da técnica correu a cargo de Alejandro Lorenzo de 1º de Bacharelato.

Moitas grazas as persoas que o fixestes posible. 

ENTREVISTA A SABELA MANEIRO DAS TANXUGUEIRAS

ALEXANDER FLEMING

Programa elaborado pol@s alumn@s de 1º ESO B Noa Fidalgo Garrido e Hugo Pasandín González para celebrar o XIV mes de novembro da ciencia en galego dedicado ao descubridor da penicilina.

A SANTA COMPAÑA E SANTO ANDRÉS DE TEIXIDO

Programa de Radio Monelos elaborado pol@s alumn@s de 1º ESO B Noa Fidalgo Garrido e Hugo Pasandín González. 

Radio Monelos: "A pé de rúa". Entrevista a Daniel Palleiro, copropietario da librería-espazo cultural "A Tobeira de Oza"

Radio Monelos: A pé de rúa

Entrevista a Olga Kirk e Pablo Díaz da asociación cultural "Donaire"

As alumnas Sabela García Blanco (2º ESO A) e María Vázquez Fuentes (4º ESO B) entrevistan a Olga Kirk (directora da Asociación Cultural "Donaire") e a Pablo Díaz (director de contidos musicais da mesma asociación)

Radio Monelos: A pé de rúa

Entrevista a Alfredo na cafetería do IES Monelos

As reporteiras con Xurxo Souto ás portas da librería "Sisargas"

Con motivo de sensibilizar para o 25-N escollemos á da Banda da Loba co seu vídeo de "Morra o conto" no que están acompañadas por oito artistas representativas de gran parte dos estilos musicais que se fan en Galicia: Guadi Galego, Patty Castro, Sofía Espiñeira, Nastasia Zürcher, Mounqup, Lola de Ribeira, Anaïs Barbier e High Paw. Amizade, sororidade e música en sentido universal! 

 Escachemos os espellos 

rachemos as ataduras

 unamos as voces 

coma se fósemos UNHA.

 Que MORRA O CONTO!