Escola Embaixadora
CUARTO PROGRAMA "MONELOS NO AR"
Xa temos no ar o noso cuarto programa en directo de Radio Monelos, coordinado polas profesoras Mónica Alonso e Elena Conde.
Na parte técnica tivemos a Alejandro Lorenzo de 1º de Bacharelato e na condución Raúl Orosa e Eva Paz de 2º ESO. Joel Torres, tamén de 2º de ESO, axudounos no sorteo dun calendario do Dépor.
O sumario estivo centrado en dous aspectos:
En primeiro lugar as Olimpiadas Europeas, no que Álex Moreira contou cal foi a súa experiencia e a dos seus compañeiros no evento.
En segundo lugar, fixemos unha entrevista ao profesor de lingua e literatura castelá do noso centro Antonio Frade Fraga. Moitas grazas, Tono!
II OLIMPÍADAS SOBRE A UNIÓN EUROPEA
Un grupo dos nosos embaixadores junior: Nicolás Castro Fontenla, Carla Cotón Naveira, Laura Mariño Díaz e Alejandro Moreira Torres acompañados pola profesora Elena Conde asistiron este pasado venres 15 de marzo á fase galega da II Olimpíada sobre a Unión Europea na Facultade de Ciencias Políticas e Sociais da USC.
O evento estivo organizado pola Delegación en Galicia da asociación xuvenil @equipo_europa e conta co apoio da Facultade de Ciencias Políticas e Sociais da Universidade de Santiago de Compostela e Europe Direct Coruña.
Fixérono moi ben, moitas grazas rapaces e rapazas polo voso interés en participar!
TERCEIRO PROGRAMA "MONELOS NO AR"
Este mes contamos coa visita ao noso centro do eurodiputado galego do grupo parlamentario do Partido Popular Europeo na eurocámara Francisco José Millán Mon. Fixemos unha crónica que vos contamos durante a primeira parte do programa. Temos tamén o audio do eurodiputado saudando a Radio Monelos.
Tamén entrevistamos a tres alumnos do noso centro que realizan formación musical no Conservatorio: Raúl Orosa (2º ESO), Adriana Miranda (4º ESO) e Martina Iris Estévez (1º Bacharelato).
Dirixido polas profesoras Mónica Alonso e Elena Conde. Presentan os alumnos de 1º de ESO Hugo Pasandín e Laura Virosta.
PRÓXIMA VISITA DA EURODIPUTADA ANA MIRANDA
Promo Eurodeputada BNG.mp4O EURODIPUTADO FRANCISCO MILLÁN MON VISITA O NOSO INSTITUTO
Crónica de Catalina Bago Pérez de 3º de ESO
O pasado venres 16 de febreiro o noso centro tivo unha importante e moi especial visita dentro do Programa de Escolas Embaixadoras da UE. O eurodeputado Francisco Millán Mon (PPE) impartiu unha conferencia sobre a súa xornada laboral e o funcionamento de diversas institucións europeas aos nosos embaixadores juniors.
Actualmente, Millán exerce de membro titular na comisión de Asuntos Exteriores e tamén é membro titular e Vicepresidente da Comisión de Pesca. O político pontevedrés contounos que co seu traballo segue moi de preto cuestións relacionadas con Galicia a nivel europeo, xa que é unha das potencias máis importantes no sector pesqueiro e todo o relacionado con actividades marítimas. Ademais, Francisco é o presidente do Programa de Roteiros Culturais Europeos, que ten como obxectivo promover o turismo e a preservación de bens culturais por todos os países europeos. Un deles é o Camiño de Santiago.
En canto á súa xornada laboral, falou da gran cantidade de voos que tiña que coller para viaxar de cidade en cidade para reunións e proxectos. Con ter un pouco de atraso no aeroporto, toda esa xornada veríase moi condicionada. Traballa en Estrasburgo, ou como el a chama con humor, "Estrésburgo". Viaxa ata alí os luns moi cedo, onde comeza a súa xornada de traballo, chea de reunións, asistencias a plenos e diferentes actos. Sempre cunha axenda moi completa. A súa estancia en Estrasbugoo finaliza o xoves volvendo a España.
Tamén nos estivo explicando como é o funcionamento do Parlamento Europeo, diferenciando partidos, actividades e labores que levan a cabo, diferentes eleccións, etc.
Francisco Millán resolveu todas as nosas preguntas sobre a súa traxectoria, actualidade e o Parlamento Europeo. Para finalizar o acto, as alumnas Noa Vázquez e Carolina Barbeito de 2º e 1º da ESO respectivamente, interpretaron unha peza musical tradicional galega, unha muiñeira e unha xota de Negreira.
Como agradecemento, fíxoselle entrega dun pequeno obsequio moi representativo da nosa terra. E como é tradición no noso instituto, deixounos unha dedicatoria no libro de firmas de Monelos.
IMG_8248.MOVVÍDEO #USATUVOTO
Aquí tedes o magnífico traballo que fixeron os embaixadores junior no concurso #usatuvoto, da oficina do Parlamento Europeo en España. Non gañaron pero esforzáronse moito e conseguiron un gran resultado. Grazas a Nico Castro que estes días andivo bastante estresado coa edición. Parabéns!
FOTOGRAFÍAS GAÑADORAS
CONCURSO (1).mp4MONELOS NO AR
Xa temos o primeiro programa de radio emitido en directo! Chámase "Monelos no ar" e resultou un bo chute de adrenalina para todos e todas.
Os nervios do directo!
O programa foi realizado no segundo recreo do mércores 20 de decembro dentro do proxecto de Escolas Embaixadoras do Parlamento Europeo. Nesta emisión falamos sobre a celebración do Nadal en distintos países da Unión Europea e presentamos algunhas recomendacións literarias feitas por varios alumnos e alumnas da ESO para estas vacacións.
Coordinaron a actividade as profesoras Mónica Alonso e Elena Conde. Presentaron as alumnas de 3º de ESO Catalina Bago e Sabela García, a productora foi Noa Vázquez de 2º de ESO e a parte da técnica correu a cargo de Alejandro Lorenzo de 1º de Bacharelato.
Moitas grazas as persoas que o fixestes posible.
RADIOMonelos.mp4TALLER DE CHAPAS
Velaquí tedes o resultado do noso taller de chapas sobre a bandeira da Unión Europea. Aprendimos moito!
A que si, rapazas?
TALLER (1).mp4FOTO OFICIAL DOS EMBAIXADORES JUNIOR DO PARLAMENTO EUROPEO NO IES MONELOS
CONCURSO DE FOTOGRAFÍA ESCOLAS EMBAIXADORAS DO PARLAMENTO EUROPEO
AIRE, AUGA, TERRA, SON
En breve teremos as fotografías gañadoras por categoría! Grazas por participar!
CONCURSO.mp4Te lo cUEnto
Xa temos recollidas as preguntas que o alumnado do noso centro fixo aos embaixadores junior do parlamento europeo. En breve teremos xa aá vosa disposición os vídeos que respostan as vosas dúbidas. Moitas grazas por la vosa participación!
Do 14 de novembro en adiante nos recreos tedes a oportunidade de deixar no noso infopoint de Escola Embaixadora do Parlamento Europeo, todas as preguntas que lles queirades facer aos nosos embaixadores junior sobre a Unión Europea. Unha vez teñamos as preguntas, os embaixadores gravarán uns vídeos para contestarvos.
Animádevos a participar que aquelas preguntas mellor formuladas e máis orixinais levarán un premio.
Así é como vai quedando o noso infopoint na entrada do instituto!
O alumnado de Monelos escribe as súas dúbidas sobre a Unión Europea en xeral e sobre o Parlamento Europeo en particular. Grazas pola vosa participación!
En breve os embaixadores junior respostarán ás preguntas feitas a través duns vídeos.
Proxecto: "Te lo cUEnto"
TIME TO MOVE EN MONELOS
A campaña Time to Move é un conxunto de eventos en liña e presenciais organizados todos os anos en outubro pola rede Europea Eurodesk. O seu obxectivo é sinxelo: conectar coa mocidade europea e darlle a coñecer as oportunidades dispoñibles para ir ao estranxeiro e a experiencia de aprender movéndose. O luns tivemos a sorte de poder participar dun destes eventos cos nosos embaixadores junior do Parlamento Europeo.
CONCURSO IMAGINEEU
Imagina lo que te gustaría cambiar en la Unión Europea
Como podería a UE ser un lugar aínda mellor para vivir? A Iniciativa Cidadá Europea permite aos cidadáns da UE propoñer ideas concretas para as leis da UE.
O concurso ImagineEU ofrece aos adolescentes a posibilidade de pensar en ideas que algún día poderían converterse no tema dunha iniciativa cidadá europea!
Máis información aquí: https://citizens-initiative.europa.eu/schools/video-competition_en y https://www.educaciontrespuntocero.com/convocatorias/concurso-imagineeu/
CONCURSO DE FOTOGRAFÍA ESCOLAS EMBAIXADORAS DO PARLAMENTO EUROPEO
AIRE, AUGA, TERRA, SON
Tal como se expresa na web da Axencia Europea do Medio Ambiente "o Pacto Verde Europeo e o Plan de Acción para a Contaminación Cero da UE fan especial fincapé en mellorar o estado da natureza en Europa e en conseguir unha contorna sen substancias tóxicas que non resulte prexudicial para a saúde das persoas e os ecosistemas. A nosa saúde, a nosa calidade de vida e o noso benestar están inextricablemente ligados a un ambiente limpo. "
Neste sentido, queremos desde o IES Monelos unirnos á iniciativa desta axencia europea que busca conseguir a contaminación cero e contribuir á difusión dos valores de defensa do medio ambiente e conexión coa natureza, poñendo de relevo a súa influencia na saúde emocional e física das persoas.
Para iso, convocamos un CONCURSO DE FOTOGRAFÍA que dea visibilidade a estas iniciativas, coas seguintes normas:
Cada estudante poderá participar ata o 30 de novembro de 2023, cun máximo de catro fotografías (unha por categoría), referidas á temática do coidado da natureza e que poidan encadrarse nalgunha das seguintes catro categorías (as mesmas que se recollen na web da Axencia Europea do Medio Ambiente): AIRE, AUGA, TERRA E SON.
Bases do concurso aquí
Enviade as fotografías a: parlamentoeuropeo@iesmonelos.edu.es
ESCOLA EMBAIXADORA DO PARLAMENTO EUROPEO
Este curso académico o noso instituto foi seleccionado como Escola Embaixadora do Parlamento Europeo, dentro do programa educativo que leva adiante a Dirección Xeral de Comunicación da institución.Este programa ten por obxecto estimular o coñecemento de Europa e da democracia parlamentaria entre os mozos, proporcionándolles un coñecemento activo da Unión Europea e do Parlamento Europeo en particular, á vez que se lle ofrece ao alumnado a oportunidade de experimentar a cidadanía europea.
A través del, a comunidade educativa do IES Monelos xunto co alumnado e diversas organizacións partícipes realizarán actividades ao longo do curso relacionadas con estas institucións, onde se traballarán os materiais proporcionados polo programa e fomentarase a creatividade dos nosos e nosas estudantes. Ademais manterase un InfoPoint físico e un InfoPoint dixital con información actualizada que presente as novidades máis relevantes para eles e os seus procesos educativos tanto do Parlamento como da UE.
Tamén dentro das actividades que realizaremos ao longo do curso, celebraremos con toda a comunidade o Día de Europa.
É para nós un orgullo o ser seleccionados de entre todas as candidaturas españolas y europeas como Escola Embaixadora do Parlamento Europeo e iniciaremos así xunto a todos vós un proxecto ilusionante que nos acompañará nesta senda de aprendizaxe sobre a realidade actual, os valores e a cidadanía europeas.
Aqueles alumnos e alumnas interesados en participar, escribide un correo cos vosos datos a: parlamentoeuropeo@iesmonelos.edu.es. Animádevos que vai ser moi interesante!