A hortiña que nós prantamos
NOVO HORTO
Xa temos os bancales preparados do que será a nosa nova horta. Dispoñerá dun sistema de rego automático controlada a través dunha App. O alumnado de terceiro e cuarto de PDC será o que participe da súa xestión.
Desde a perspectiva da innovación educativa e da educación ambiental, o horto como recurso educativo supón un instrumento de primeira orde, debido a que permite poñer en práctica unha aprendizaxe activa e cooperativa baseado na resolución planificada de problemas, así como un eficaz desenvolvemento de actitudes e valores conducentes a uns comportamentos máis comprometidos coa conservación e mellora da contorna e coa utilización sostible dos recursos ambientais.
Moitas grazas á Fundación Paideia pola súa inestimable axuda no financiamento e posta en marcha da nosa nova horta escolar!
PRIMEIRA COSECHA DA TEMPADA
HORTA DIDÁCTICA
Xa temos preparada a nosa primeira horta didáctica do curso. A teñen os nosos alumnos e alumnas de 3º e 4º de Diversificación.
HOTEL DE INSECTOS!
Hotel de Insectos, creado e feito todo a man polo alumnado. Agora as xoaniñas teñen refuxio, e de agradecemento combaten os pulgóns que atacan ás nosas fabas!!
Memoria do segundo trimestre das actuacións na horta do alumnado de 2ºPMAR.
![](https://www.google.com/images/icons/product/drive-32.png)
Memoria do primeiro trimestre das actuacións na horta do alumnado de 2ºPMAR.
![](https://www.google.com/images/icons/product/drive-32.png)
Visita as Ecohortas Urbáns de Eirís
Os nosos alumnos e alumnas de 2º de ESO PMAR foron de visita con Laura Gaioso ás Ecohortas de Eirís.
Fixeron este traballo para mostrarvos o que viron e aprenderon.
Ben feito, rapaces!
![](https://www.google.com/images/icons/product/drive-32.png)
Quen é Laura?
Laura Gaioso é a que se encarga de coordinar todo o proxecto do horto. É experta en horticultura ecolóxica e guíanos no deseño dos cultivos en como sanear a terra, en cal é o mellor momento para realizar as plantacións, ensínanos a facer abono ou compost natural, como protexer as plantacións de calquera especie ou animal invasor, como usar as ferramentas de labranza e día a día imos aprendendo máis sobre a horticultura.
Que cultivamos?
Agora mesmo estamos a cultivar chícharos, cenorias, remolachas, ravos, coliflor, coles, leituga…
Que facemos?
Traballamos a terra para que sexa posible plantar, regar, fertilizar, saneala e planificamos que plantas plantar xuntas e cales separadas. Retiramos as malas herbas, aireamos o terreo co ¨sacho¨ ou aixada, rastrillamos, abrimos camiños ou orificios onde depositar as sementes, regamos e… a esperar. Todo o que plantamos é orgánico porque non empregamos productos químicos.
Como nos organizamos?
Primeiro imos a por as ferramentas e levámolas ao horto. Repartímonos en cada bancal e poñémonos a sanear quitando malas herbas. Despois, poñémonos a plantar e poñémoslle cascas de ovo para que os caracois, babosas,.... non se acheguen ás cousas que cultivamos.