MOVEMENTO DE TRANSLACIÓN

Mentres xira sobre si mesma, a Terra tamén se despraza arredor do Sol describindo unha forma elíptica (órbita). Este movemento de translación tarda en completarse algo máis dun ano: 365 días, 6 horas y 9 minutos. 

As consecuencias da translación da Terra son as seguintes: 

• Estacións do ano: Debido á inclinación do eixo da Terra, os raios do Sol caen con diferente intensidade ao longo do ano sobre os hemisferios norte e sur. Esa diferencia provoca a sucesión das estacións: primavera, verán, outono e inverno.

O verán e o inverno comezan nos solsticios, momentos no que os raios solares caen perpendicularmente nos trópicos. A primavera e o outono empezan nos equinoccios, cando os raios solares caen perpendiculares no Ecuador. 

As estacións son opostas en ambos hemisferios polo que cando comeza o verán no hemisferio norte, comeza o inverno no hemisferio sur e viceversa.

• Diferencias climáticas: Debido á inclinación do eixo da Terra e ao movemento de translación podemos diferenciar tres zonas climáticas:

- Zona cálida: Situada entre os trópicos (zona intertropical), esta zona é a que máis radiación solar recibe polo que as temperaturas son cálidas todo o ano e case non hai variación nas estacións.

- Zonas temperadas: Situadas en ambos hemisferios entre os trópicos e os círculos polares, nesta zona a radiación solar varía polo que se diferencias catro estacións.

- Zonas frías: Localizadas entre os círculos polares e os polos, estas zonas reciben escasa radiación solar polo que as temperaturas son sempre frías.