Llwybr Dysgu Cynorthwydd Addysgu

Y Rhaglen Genedlaethol ar gyfer Cynorthwywyr Addysgu Newydd

Cynulleidfa Darged: Mae’r Rhaglen Ymsefydlu hon yn un ar gyfer unigolion sydd newydd gael eu penodi i rôl Cynorthwyydd Addysgu â gwybodaeth ddatblygol am eu rôl a’u cyfrifoldebau, a dealltwriaeth yn hynny o beth.

Mae hon yn rhaglen genedlaethol a gyflwynir trwy ddysgu o bell ar lwyfan digidol ac a ategir gan weithgareddau rhyngweithiol. Gellir ymgymryd â’r hyfforddiant ar adeg sy’n gyfleus i’r cynorthwywyr addysgu a’u lleoliad.

Cefnogi Cynorthwywyr Addysgu newydd i feithrin gwell dealltwriaeth o’r lleoliad addysgol y maent yn gweithio ynddo a’u cyfrifoldebau yn rôl gweithiwr proffesiynol ym myd addysg Gymraeg. Bydd unigolion yn datblygu’r wybodaeth a’r sgiliau sy’n ofynnol i fod yn gynorthwyydd addysgu llwyddiannus yn eu lleoliad.

Manylion y Digwyddiad:

Darperir yr holl weithgareddau yr ymgymerir â nhw yn Gymraeg, yn Saesneg neu’n ddwyieithog.

Bydd yn cynnwys cyfuniad o weithgareddau, astudiaeth hunangyfeiriedig, cymorth ar-lein a gweminarau, a bydd yr elfennau hyn yn cwmpasu’r canlynol:

• Cyd-destun Addysg Gymraeg – fy rôl a’m cyfrifoldebau.

• Safonau Proffesiynol ar gyfer Cynorthwyo Addysgu.

• Cwricwlwm i Gymru a fframweithiau ategol.

• Addysgeg datblygu fy nghrefft i gefnogi dysgwyr.

Archebwch yma

Heulwen Lloyd  

Arweinydd Prosiect – Dysgu Proffesiynol Cynorthwywyr Addysgu          

heulwen.lloyd@partneriaeth.cymru

Rhaglen Genedlaethol ar gyfer Cynorthwywyr Addysgu wrth eu Gwaith

Cynulleidfa Darged: Ar gyfer Cynorthwywyr Addysgu sydd wedi bod yn eu swydd ers dwy flynedd neu ragor.

Rhaglen genedlaethol ar gyfer Cynorthwywyr Addysgu a fyddai’n croesawu diweddariad ar gyd-destun newidiol y proffesiwn. Mae hwn ar gael i bob ysgol a lleoliad, gyda’r gweithgareddau’n cael eu cyflwyno yn Gymraeg, yn Saesneg neu’n ddwyieithog. Cyfuniad o weithgareddau, astudiaethau hunangyfeiriedig, cymorth, myfyrdod a rhwydweithio. 

• Meithrin ymwybyddiaeth o’r Safonau Proffesiynol ar gyfer Cynorthwyo Addysgu, y strategaethau perthnasol cyfredol i gefnogi ymarfer, ac amrywiaeth o syniadau a strategaethau i ysbrydoli proffesiynoldeb yn ôl yn yr ysgol. 

• Annog y broses o sefydlu a gwella Rhwydweithiau proffesiynol a chydweithrediad ymhlith cynorthwywyr addysgu mewn ysgolion a rhwng ysgolion. 

Manylion y Digwyddiad:

Bydd y rhaglen genedlaethol hon yn cael ei darparu’n rhanbarthol gan Partneriaeth. Rhaglen wyneb yn wyneb deuddydd o hyd, neu bedair sesiwn ar-lein dwy awr o hyd. 

Bydd y pedwar modiwl yn archwilio: 

1.  Cyd-destun Addysg Gymraeg – fy nghyfrifoldebau yn fy rôl o fod yn weithiwr proffesiynol ym maes addysg Gymraeg

2.  Safonau Proffesiynol ar gyfer Cynorthwyo Addysgu

3.  Cwricwlwm i Gymru a fframweithiau cynorthwyol

4.  Addysgeg datblygu fy nghrefft i gefnogi dysgwyr.

Bydd y rhaglen hon hefyd yn cael ei chynnig dros bedwar sesiwn prynhawn ar-lein, Ionawr – Mawrth 2024.

Dolen i gofrestru: i ddilyn

I gael rhagor o wybodaeth cysylltwch â:

Heulwen Lloyd    

Arweinydd Prosiect – Dysgu Proffesiynol Cynorthwywyr Addysgu         

heulwen.lloyd@partneriaeth.cymru

Cylch 12 y Rhaglen Ddatblygu Genedlaethol ar gyfer Darpar Gynorthwywyr Addysgu Lefel Uwch

Cynulleidfa Darged: Bwriad y Rhaglen hon ar gyfer Darpar Gynorthwywyr Addysgu Lefel Uwch yw cefnogi’r  Cynorthwywyr Addysgu mwyaf profiadol sy’n dymuno datblygu eu sgiliau ymhellach, a nodi eu parodrwydd ar  gyfer y rhaglen asesu Cynorthwywyr Addysgu Lefel Uwch. 

Ceir mynediad i’r rhaglen trwy broses ymgeisio genedlaethol a chaiff ei gydlynu gan gonsortia rhanbarthol, sy'n defnyddio ystod o bartneriaid hwyluso, mewn cydweithrediad ag Awdurdodau Lleol. Bydd y rhaglen ddatblygu hon yn cynnwys pedwar modiwl: 

• Modiwl 1 Dysgu Proffesiynol, Cyd-destun Cenedlaethol a Chydweithio  

• Modiwl 2 Dylanwadu ar Ddysgu, Mireinio Addysgu a Chydweithio  

• Modiwl 3 Hybu’r Dysgu a Chydweithio 

• Modiwl 4 Arweinyddiaeth, Arloesi a Chydweithio 

Gofynnir i ymgeiswyr gwblhau tasgau ysgrifenedig byr, gan roi darlun cyflawn o’u gwaith wrth iddynt arddangos elfennau o’r Safonau Proffesiynol ar gyfer Cynorthwyo Addysgu. 

Mae’r tasgau hyn a elwir yn Fyfyrdodau Dysgu Proffesiynol yn cael eu cofnodi trwy gydol y rhaglen, a’u cyflwyno  ar ôl y sesiwn olaf i gefnogi’r rhaglen asesu Cynorthwywyr Addysgu Lefel Uwch. 

Er mwyn bod yn gymwys am y Rhaglen ar gyfer Darpar Gynorthwywyr Addysgu Lefel Uwch, rhaid i ymgeiswyr: 

•  Feddu ar brofiad digonol a sgiliau arbenigol i amlygu tystiolaeth o arfer hynod effeithiol parhaus yn unol  â’r Safonau Proffesiynol ar gyfer Cynorthwyo Addysgu.  

•  Meddu ar gymwysterau lefel 2 gofynnol*, neu fod yn barod i’w hennill. (Gall ymgeiswyr heb gymwysterau  Lefel 2 wneud cais am y rhaglen hon ond rhaid iddynt gyrraedd Lefel 2 cyn yr asesiad). 

•  Meddu ar rywfaint o brofiad o arwain y dysgu ar gyfer dosbarthiadau cyfan. Mae’n bosibl y bydd  Cynorthwywyr Addysgu sydd â phrofiad cyfyngedig o hyn yn gweld bod modd trefnu digon o gyfleoedd i  addysgu dosbarthiadau o fewn amserlen y rhaglen. Gofynnir i benaethiaid gadarnhau bod ymgeiswyr wedi  cael neu y byddant yn cael y cyfleoedd hyn. 

•  Cael cefnogaeth lawn eu Pennaeth, y bydd gofyn iddo gymeradwyo’r cais.  

Manylion y Digwyddiad:

Bydd y rhaglen yn rhedeg o fis Ionawr 2026 i dymor yr hydref 2026, ac mae’r dyddiadau penodol i’w cadarnhau. Bydd cyflwyno'r rhaglen yn gyfuniad o astudio hunangyfeiriedig, cefnogaeth ar-lein a gweminarau. Bydd y gweminarau wedi'u cynllunio i fynd i'r afael ag agweddau craidd ar y rhaglen ac i ddelio â chwestiynau. Ni fydd pob gweminar yn para mwy na dwy awr a bydd yn digwydd yn ystod y diwrnod ysgol. Bydd angen i ysgolion ryddhau ymgeiswyr o'u cyfrifoldebau am yr amseroedd hyn, yn yr un modd ag y byddent pe bai ymgeisydd yn mynychu cwrs wyneb i wyneb.

Dolen gofrestru:
https://forms.office.com/e/MUQpp9Pidm

Heulwen Lloyd          

Arweinydd Prosiect – Dysgu Proffesiynol Cynorthwywyr Addysgu            

heulwen.lloyd@partneriaeth.cymru

Rhaglen Genedlaethol i Hyfforddi Aseswyr Cynorthwywyr Addysgu Lefel Uwch

Cynulleidfa Darged: Y rhai sydd â phrofiad amlwg o weithio’n effeithiol gyda chynorthwywyr addysgu: Uwch- arweinydd, Athro, cynorthwyydd addysgu profiadol sydd wedi ennill Statws CALU neu rôl yn eich Consortia rhanbarthol.

Mae’r Consortia Gwella Ysgolion Rhanbarthol yn chwilio am ymarferwyr i ymuno â’r tîm sy’n ymwneud â’r Rhaglen Asesu Cynorthwywyr Addysgu Lefel Uwch (CALU) ar ran Llywodraeth Cymru.

O fod yn asesydd, bydd gofyn i chi gynnal asesiadau mewn ysgolion ledled eich rhanbarth o ymgeiswyr sydd wedi cwblhau’r Rhaglen ar gyfer Darpar Gynorthwywyr Addysgu Lefel Uwch, ac sy’n symud ymlaen i gael eu hasesu.

I fod yn gymwys i ymgymryd â rôl asesydd ar gyfer Darpar Gynorthwywyr Addysgu Lefel Uwch, bydd angen i chi:

• Feddu ar ddealltwriaeth o rôl Cynorthwyydd Addysgu Lefel Uwch.

• Bod yn gyfarwydd â’r Safonau Proffesiynol ar gyfer Cynorthwyo Addysgu.

• Bod yn uwch-arweinydd neu’n athro â phrofiad amlwg o weithio’n effeithiol gyda chynorthwywyr addysgu NEU

• Fod â rôl yn eich Consortia rhanbarthol neu fod yn gynorthwyydd addysgu profiadol sydd â statws CALU. 

Rhaid i chi hefyd:

• Feddu ar sgiliau cyfathrebu llafar ac ysgrifenedig da, gan gynnwys lefel o gymhwysedd i allu cwblhau’r asesiad yn ddigidol.

• Cael cymeradwyaeth eich Pennaeth/Rheolwr Llinell, a’r Corff Llywodraethu lle bo’n berthnasol.

• Mae’r gallu i gynnig darpariaeth trwy gyfrwng y Gymraeg yn ddymunol, ond nid yw’n hanfodol.

Manylion y Digwyddiad:

Er mwyn cyflawni’r rôl hon, byddai angen i aseswyr ymrwymo i’r canlynol:

• Hyfforddiant Cenedlaethol ar gyfer aseswyr newydd yn unig (3 sesiwn hanner diwrnod ar-lein)

• Hyfforddiant Diweddaru rhanbarthol (sesiwn hanner diwrnod ar-lein)

• O leiaf 2 asesiad

• Presenoldeb yn y sesiwn gymedroli ranbarthol (hanner diwrnod)

• Ymrwymo i gymryd rhan yn Rhaglen Asesu Cynorthwywyr Addysgu Lefel Uwch ar gyfer 2024-25 a 2025-2026.

I gael rhagor o wybodaeth cysylltwch â:

Heulwen Lloyd       

Arweinydd Prosiect – Dysgu Proffesiynol Cynorthwywyr Addysgu                

heulwen.lloyd@partneriaeth.cymru