Mathemateg a Rhifedd

Cynulleidfa Darged: Arweinwyr canol uwchradd 

Mae’r rhwydweithiau tymhorol hyn yn rhoi cyfleoedd i arweinwyr gydweithio ar draws Sir Benfro, Sir Gaerfyrddin ac Abertawe. Bydd y rhai sy’n bresennol yn cael diweddariadau a hyfforddiant ar y canlynol: 

1. Addysgu a dysgu – rhannu addysgeg pwnc-benodol, adnoddau ac enghreifftiau gan ysgolion eraill i gefnogi arweinwyr canol i ysgogi gwelliannau yn eu hadrannau eu hunain

2. Cwricwlwm – elfennau gorfodol Cwricwlwm i Gymru a darparu arweiniad ymarferol ar sut y gall arweinwyr canol weithredu’r negeseuon hyn yn effeithiol i gefnogi athrawon yn eu hadrannau

3. Cymwysterau – diweddariadau gan Cymwysterau Cymru a chyfresi arholiadau TGAU penodol CBAC. Cyfleoedd i drafod diwygiadau ehangach i gymwysterau

4. Arweinyddiaeth – cefnogi arweinwyr canol i gyflawni eu rolau yn effeithiol, gan roi sylw i brosesau sicrhau ansawdd, hunanwerthuso, gweinyddu TGAU a Safon Uwch a chynllunio gwelliant

• Bydd gan bawb ddealltwriaeth well o rôl yr arweinydd canol o ran sicrhau ac ysgogi gwelliant yn eu meysydd cyfrifoldeb

• Bydd gan bob arweinydd canol ddealltwriaeth well o’r broses o ddiwygio’r cwricwlwm a chymwysterau

• Bydd pob arweinydd canol yn trafod ac yn clywed enghreifftiau o strategaethau addysgu a dysgu cyfredol ac effeithiol sy’n briodol i’w pynciau

• Bydd pob arweinydd canol yn cael cyfle i rannu a chlywed enghreifftiau o arfer effeithiol mewn perthynas â naill ai arweinyddiaeth ganol, addysgu a dysgu neu ddiwygio’r cwricwlwm/cymwysterau

Cyswllt- Joanne.Hudson-Williams@partneriaeth.cymru    

Manylion y Digwyddiad:    

Penaethiaid Mathemateg – Sir Benfro a Sir Gâr

Y Llwyfan, Heol Y Coleg, Caerfyrddin SA31 3EQ  

09:30 – 14:30

23/09/2025 - Registration link: https://forms.gle/C6YbGM3XkUARMBsDA

02/02/2026 - Registration link: https://forms.gle/2ixW6qWkuYynZ3X7A

01/07/2026 - Registration link: https://forms.gle/j5CLU3E87dXXoFBk9

Penaethiaid Mathemateg – Abertawe

Egwlys Gymunedol Glannau, Abertawe SA1 8QY

09:30 – 14:30

22/09/2025 - Registration link: https://forms.gle/NQyS2Ejv1TJkhBmY9

30/01/2026 - Registration link: https://forms.gle/5wXSfc6U7DS5EroZ9

26/06/2026 - Registration link: https://forms.gle/jghAaYDcEFG6u5xE7

Mae sgìl trawsgwricwlaidd gorfodol rhifedd yn hanfodol er mwyn i ddysgwyr allu cael mynediad i ehangder cwricwlwm ysgol a’r cyfoeth o gyfleoedd y mae’n eu cynnig, gan roi’r sgiliau gydol oes iddyn nhw er mwyn gwireddu’r pedwar diben.   

Mae rhifedd yn chwarae rhan hollbwysig yn ein bywydau bob dydd, ac yn iechyd economaidd y genedl. Mae’n hollbwysig, felly, bod profiadau mathemateg a rhifedd mor ddifyr, cyffrous a hygyrch â phosibl i ddysgwyr, a bod y profiadau hyn wedi’u hanelu at sicrhau bod dysgwyr yn datblygu gwydnwch mathemategol.   

Bydd y cyfle dysgu proffesiynol hwn yn rhoi cyfleoedd i arweinwyr rhifedd uwchradd wneud y canlynol:  

• Datblygu sgiliau arwain trwy archwilio strategaethau ar gyfer arwain, monitro a gwerthuso  

• Dyfnhau eu dealltwriaeth o ffyrdd o wella rhifedd ar draws y cwricwlwm  

• Cydweithio ag arweinwyr rhifedd eraill trwy rwydweithio  

• Rhannu arferion da  

• Archwilio cynnydd mewn rhifedd sy’n galluogi dysgwyr i wneud cynnydd tuag at y pedwar diben  

 
Jo Hudson-Williams, Tom Basher, Kate Andrews  

Manylion y Digwyddiad:

Diwrnod 1: 

29/09/2025

09:30 – 15:00

Neuadd Y Gwendraeth, Drefach, Llanelli SA14 7AG

https://forms.gle/cwNjkXcTY63WesHP8 

 
Diwrnod 2: 

29/06/2026

09:30 – 15:00

Neuadd Y Gwendraeth, Drefach, Llanelli SA14 7AG

https://forms.gle/RiyJpDMNU6FtYDaP9 

Cynulleidfa Darged:   Arweinwyr Mathemateg a Rhifedd mewn ysgolion a lleoliadau cynradd.  

Bydd y rhwydwaith Arweinwyr Mathemateg a Rhifedd Cynradd tymhorol yn rhoi cyfle i bawb rannu, trafod a gwella eu gwybodaeth a’u dealltwriaeth o Fathemateg a Rhifedd yn ogystal â’r sgiliau i fonitro a gwerthuso effeithiolrwydd y MDaPh yma yn eu hysgolion. Bydd ymarferwyr yn datblygu gwybodaeth addysgegol sy’n cefnogi’r broses o ddarparu Mathemateg a Rhifedd mewn modd effeithiol, gan sicrhau bod pob dysgwr yn gwneud cynnydd.  

• Bydd y rhai sy’n bresennol yn ymgysylltu â Mathemateg a Rhifedd a bydd ganddynt ddealltwriaeth well ohonynt er mwyn cynllunio eu cwricwlwm lleol.  

• Bydd gan y rhai sy’n bresennol ddealltwriaeth ddyfnach o gynnydd trwy'r pum hyfedredd  

• Bydd y rhai sy’n bresennol yn datblygu gwybodaeth addysgegol er mwyn cefnogi proses effeithiol o gynllunio a gweithredu   

• Bydd y rhai sy’n bresennol yn datblygu’r sgiliau a’r ddealltwriaeth i ddod yn arweinwyr Meysydd Dysgu a Phrofiad adfyfyriol er mwyn monitro a gwerthuso yn effeithiol  

• Bydd y rhai sy’n bresennol yn penderfynu ar gynnwys y rhwydweithiau tymhorol ac yn cael cyfleoedd i rannu eu profiadau o ran Cwricwlwm i Gymru.  

Manylion y Digwyddiad:  

Mynychwch y rhwydwaith ar gyfer eich Awdurdod Lleol os gwelwch yn dda  

Rhwydwaith Arweinwyr Cynradd - Ysgolion Cynradd Abertawe

09:15 – 15:15

Eglwys Gymunedol Glannau, Abertawe SA1 8QY

07/11/2025 - Registration link: https://forms.gle/37DApmpNc2Nh2Kxp8

09/03/2026 - Registration link: https://forms.gle/AX3NxW7ViViqpnXp7

22/06/2026 - Registration link: https://forms.gle/jSiJ7Qg82WS9aP7z8

Rhwydwaith Arweinwyr Cynradd - Ysgolion Cynradd Sir Gâr

09:15 – 15:15

Neuadd y Gwendraeth, Drefach, Llanelli SA14 7AG

17/09/2025 - Registration link: here

26/02/2026 - Registration link: here

04/06/2026 - Registration link: here

Rhwydwaith Arweinwyr Cynradd - Ysgolion Cynradd Sir Benfro

09:15 – 15:15

Ystafell 6, Archifdy Sir Benfro, Hwlffordd  SA61 2PE

15/10/2025 - Registration link: https://forms.gle/ixw33NDKg6eVbr1H7

18/03/2026 - Registration link: https://forms.gle/hsq9o6vRGyPiHkVcA

25/06/2026 - Registration link: https://forms.gle/81kzKbrGDXYx6nSW7

Ymunwch â ni am ddiwrnod cydweithredol ac ymarferol o ddysgu proffesiynol, sy’n canolbwyntio ar gymhwyster TGAU Mathemateg newydd CBAC. Mae’r sesiwn ddysgu broffesiynol hon wedi’i chynllunio ar gyfer arweinyddion mathemateg ac ymarferwyr ystafell ddosbarth, sydd am wella eu dealltwriaeth o’r fanyleb ddiwygiedig a pharatoi’n effeithiol ar gyfer ei gweithredu’n llwyddiannus. 

Bydd y diwrnod yn cynnig cyfleoedd i archwilio’r newidiadau allweddol i’r cymhwyster, rhannu arferion gorau, a gweithio gyda’n gilydd ar adnoddau ystyrlon sy’n cyd-fynd â model asesu CBAC a Chwricwlwm i Gymru. Bydd y rhai sy’n mynychu yn cymryd rhan mewn deialog broffesiynol ynghylch dulliau addysgu effeithiol, cynllunio dilyniant, a sut i sicrhau bod disgyblion yn barod i fodloni gofynion y TGAU newydd. 

Mae cydweithio wrth wraidd y dydd. Bydd cynrychiolwyr yn cymryd rhan mewn creu adnoddau, datblygu cynlluniau gwaith, a chanolbwyntio ar rwydweithio i feithrin cysylltiadau ar draws ysgolion. P’un a ydych chi am fireinio’ch cyflwyniad, gwella cysondeb, neu glywed sut mae eraill yn mynd ati i wneud newidiadau, dyma gyfle i fireinio arferion a chryfhau darpariaeth mathemateg a rhifedd, gan sicrhau bod dysgwyr wedi’u paratoi’n llawn i lwyddo yn arholiad TGAU newydd CBAC. 

Manylion y Digwyddiad: 

09/12/2025 

09:30 – 14:30 

Y Llwyfan, Heol y Coleg, Caerfyrddin SA31 3EQ 

Cyswllt cofrestru: https://forms.gle/Q79E3kzP33Q1DyqM8 

Cynulleidfa darged: Ymarferwyr o’r Dosbarth Derbyn i Flwyddyn 7 

Mae canllawiau’r Cwricwlwm i Gymru yn nodi’n glir bod “dysgwyr yn dangos dealltwriaeth gysyniadol drwy allu esbonio a mynegi cysyniadau, dod o hyd i enghreifftiau (neu anenghreifftiau) a thrwy allu cynrychioli cysyniad mewn gwahanol ffyrdd, gan lifo rhwng gwahanol gynrychioliadau, gan gynnwys rhai diriaethol, gweledol, digidol a haniaethol”.   

Bydd y gweithdy dysgu proffesiynol undydd hwn yn rhoi cyfle i ymarferwyr gydweithio ag eraill wrth iddynt archwilio’r dull addysgeg o ddefnyddio trinolion diriaethol ynghyd â chynrychioliadau gweledol a haniaethol i alluogi dilyniant mewn mathemateg trwy’r pum hyfedredd. 

Yn ystod y gweithdy, bydd ymarferwyr yn cymryd rhan mewn tasgau ymarferol yn weithredol gan ddefnyddio amrywiaeth o adnoddau diriaethol, gan gynnwys blociau Dienes system ddegol, Cuisenaire, cownteri, teils algebra ynghyd ag adnoddau bob dydd yn ogystal â chynrychioliadau gweledol, gan gynnwys modelu bariau a fframiau pump / deg.   

Mae’r gweithdy wedi’i lunio i feithrin hyder ymarferwyr wrth ddefnyddio adnoddau diriaethol yn ogystal â datblygu dealltwriaeth o bwysigrwydd y dull o symud o gynrychioliadau diriaethol i gynrychioliadau haniaethol wrth feithrin dysgwyr sy’n gallu rhesymu’n fathemategol yn hyderus a throsglwyddo eu dealltwriaeth wrth ddatrys problemau. 

Manylion y Digwyddiad:

21/10/2025 

09:30 – 15:30 

Y Llwyfan, Heol y Coleg, Caerfyrddin SA31 3EQ 

Cyswllt cofrestru: https://forms.gle/HrZmCDAxSJDs3LHw8 

Cynulleidfa darged: Ymarferwyr o’r Dosbarth Derbyn i Flwyddyn 7 

Mae’r datganiad Geometreg a Mesurau o’r hyn sy’n bwysig yn nodi bod “mesur yn golygu y gellir meintioli nodweddion gofodol a haniaethol, gan ddefnyddio amrywiaeth o unedau safonol ac ansafonol”.   

Bydd y gweithdy undydd hwn yn archwilio’r gwahanol ddulliau mesur a ddefnyddir i fesur ein byd.  Bydd ffocws ar hyd, màs, cyfaint ac amser, a fydd yn cynnwys: 

• Archwilio sefyllfaoedd lle defnyddir gwahanol unedau o hyd 

• Y gwahaniaeth rhwng cyfaint a chynhwysedd  

• Dwy agwedd ar amser 

• Rôl cymharu a threfnu fel sail ar gyfer mesur 

• Egwyddorion anghydraddoldebau, gan ddefnyddio’r arwyddion < a > 

• Unedau safonol ac ansafonol 

• Pwysigrwydd amcangyfrif a defnyddio eitemau cyfeirio i ddeall sut y bydd dysgwyr yn gwneud cynnydd wrth ddefnyddio a chymhwyso’r mesurau hyn o’r Feithrinfa i Flwyddyn 7

Bydd y gweithdy’n cynorthwyo ymarferwyr i ddatblygu eu gwybodaeth am y pwnc ac ystyried sut y gallai dysgwyr symud ymlaen trwy’r pum hyfedredd.  Bydd y defnydd o gwestiynau effeithiol yn cael ei archwilio i graffu ar ddealltwriaeth gysyniadol dysgwyr o’r mesurau, a’i herio.   

Mae’r gweithdy wedi’i gynllunio ar gyfer ymarferwyr o’r Meithrin i Flwyddyn 7, felly bydd yn cynnal mathemateg trwy’r cyfnod pontio o’r ysgol gynradd i’r ysgol uwchradd. 

Bydd amrywiaeth o strategaethau’n cael eu hystyried gyda’r nod o feithrin agwedd gadarnhaol tuag at fathemateg sy’n galluogi pob dysgwr i ddatblygu i fod yn unigolion sy’n gallu meddwl mewn ffordd mathemategol yn hyderus. 

Manylion y Digwyddiad:

09/02/2026 

09:30 – 15:30 

Y Llwyfan, Heol Y Coleg, Caerfyrddin SA31 3EQ 

Cyswllt cofrestru: https://forms.gle/hhaJuCoNXSqnGyvZ8