Kveðjum gamla árið á nýjan hátt 

Flugeldar hafa slæm áhrif á loftgæði. Flugeldar eru aldrei umhverfisvænir eða skaðlausir og þess vegna ætti að draga úr magni flugelda sem er skotið upp á áramótunum. Þegar flugeldar springa losnar fínt svifryk sem getur skaðað heilsu manna. Því smærra sem rykið er, því lengra nær það í öndunarveginn og allra smæstu agninar fara inn í blóðrásarkerfið. 

Loftgæði verða oft á tímum slæm á höfuðborgarsvæðinu á gamlárskvöldi og hafa neikvæð áhrif á viðkvæma hópa t.d. börn, aldraða og fólk sem er veikt fyrir. Mengun ræðst af magni flugelda og veðri en veður ræður hvort mengunin safnist upp eða ekki. Ef veður er stillt og úrkomulaust geta loftgæði orðið mjög slæm. Þegar slíkt magn af svifryki safnast upp verður erfitt að sjá litadýrðina.  En þegar rok er verða loftgæðin betri en erfiðara að skjóta upp.

Af ofansögðu má sjá að flugeldar skemma heilsuna og menga náttúruna því ættum við að draga úr magni flugelda sem skotnir eru upp eða hætta því alveg. Ef við ætlum að draga úr magninu gætum við t.d. aðeins notað handblys og það mætti ekki kaupa nema ákveðið magn af þeim á mann. Síðan gætum við líka aðeins leyft ákveðnum aðilum eins og sveitarfélögum eða björgunarsveitum að skjóta upp flugeldum. En ef við ætlum að hætta að kveðja gamla árið og fagna því nýja með flugeldum gætum við t.d. borðað tólf vínber á miðnætti eins og margar spænskumælandi þjóðir gera. 

Kristín 

Heimild: Umhverfisstofnun. (2021, 21. desember). Flugeldar og svifryk. https://www.ust.is/umhverfisstofnun/frettir/stok-frett/2020/12/21/Flugeldar-og-svifryk.