Бизнесийн байгууллагад сургалтын үйл ажиллагаа бол үндсэн үйл ажиллагаа нь биш харин үндсэн үйл ажиллагааг үр ашигтай байлгах зорилготой дэмжих үйл ажиллагаа юм. Тиймээс сургалтад ач холбогдол өгөх эсэх нь байгууллагын бодлогоор тодорхойлогдоно. Гэтэл сүүлийн үед бизнесийн байгууллагууд сургалтад өндөр ач холбогдол өгч тэр дундаа дотоод сургалтын хэсэг нэгжийг байгуулж дотоодын сургагчаар сургалт зохион байгуулах болсны шалтгаан нь байгууллага бүр өөрийн онцгой өвөрмөц онцлогтой байдаг тэрхүү онцлогийг гадаад сургалтаар биш дотоод сургагч нараар дамжуулан ажилтууддаа хүргэх хэрэгцээ шаардлага үүссэнтэй холбоотой тайлбарлаж болно. 

Нэг асуулт асууя

Тахиа анхдагч уу?

Өндөг анхдагч уу? хариулахад бэрх,  

Тэгвэл

Хүн сурахын тулд амьдардаг уу?

Амьдрахын тулд сурдаг уу? гэвэл маш амархан

Мэдээж хүн яалаа гэж сурахын тулд амьдрахын бэ? харин илүү  сайхан амьдрахын тулд тэрхүү мэдлэг чадварыг амьдралдаа ирээдүйд ашиглаж, үр шимийг нь хүртэхийн тулд, зорилгодоо хүрэхийн тулд нэг ёсондоо хөрөнгө оруулалтын зорилгоор ашигладаг. Боловсролд оруулсан хөрөнгө оруулалт хамгийн өндөр үр ашигтай гэдэг үг байдаг.  

Тэгвэл байгууллагууд ч мөн ажилтнуудынхаа сургалт хөгжлийн асуудалд онцгой анхаарч эхэлж байгаа дүр зураг нь бол ажилтнуудын ойлголт мэдлэг, чадвар, зан үйлд сургалтаар дамжуулан хөрөнгө оруулах нь байгууллагын үндсэн үйл ажиллагаа зорилгод хүрэхэд эерэг нөлөө үзүүлж байгаагаас  шалтгаалж байна.