Admission Announcement

Hkawp,

Tsawra ai ramma manang,

Ramprat Shanan Education and Leadership Program (RSELP) a 2024 na laika sharin ladaw hta jawng lung na matu myit lawm ai majaw grai kabu sai.

RSELP gaw KBC Ramma Dap a “Hpaji hpe sharawt, myu sha yawng lawt” ngu ai shingran pandung hpe mahta let, ramma ni a mung masa myi jahpaw, hpaji myi jahpaw ai magam bungli ni hpe AD 2000 ning kaw nna “Ramprat Shanan Training” ngu amying jaw let hpang wa nna, 2017 du wa ai shaloi Ramprat Shanan Education and Leadership Program (RSELP) ngu madang sharawt let School of Leadership ngu nna, English laika hte kaga hpaji ni hpe gumhpawn let sharin hkaja ai lamang bai galaw hpang wa sai.

2021 ning hpaji ladaw kaw nna gaw ramma ningbaw ningla shalat ai lam hpe madung tawn nna, Enlgish laika hpaji hte ningbaw ningla hpaji ni hpe sharin sa wa na re. Tsang shi (10) htai/awng da sai jawng ma asak (16 hte 23 lahpran) ramma ni shawk shawn mai sai.

Mungdan kata/shinggan na hpaji ningtawn kungkyang ai Sara/Saranum ni kaw nna sharin jahpat nga ga ai. RSELP Jawng a madung yaw shada ai lam ni gaw:

1) Wuhpung wuhpawng hte mungdan kata kasi kaja tai let daw jau - woi awn chye ai ramma ni tai wa na matu.

2) Madang tsaw hpaji hpe maigan dakkasu ni hta hkaja lu ai ramma ni tai wa na matu.

3) Lata amu hte kangbau bungli mahkrun ningmu hpaw ai ramma ni tai wa na matu.

4) Karai Kasang a mungga hta wenyi, hkum hkrang hte myit masin mahkra kunghpan wa ai ramma tai wa na matu re.

Manu dan ai prat hpe hpaji hte gawgap la lu na matu RSELP jawng kaw nna hkap tau la nga ga ai.

Jawng lung na matu ra ai lam ni

● KBC ramma rai ra ai. Asak 16 ning kaw nna 23 ning lapran rai ra ai.

● Tsang 10 htai da sai ni rai ra ai. (Jawng ma marai 40 sha hkap la na. Num 20/ La 20)

● English hpe Elementary madang chye tsun, chye ka ra ai.

● Shata 8 tup lung na matu myit hkawn ai wa rai ra na. April 22 - December, 2024

● Shata 8 na matu jawng shabrai yawng gaw Ks – 1,400,000/- re.

● Ra i hta hkan nna jawng lung ai aten ladaw hta bai hta wa na re.

● Jawng shawk shawn laika hpe online (sh) laika hte ap ra ai.

● Madi shadaw laika 2 ra ai. Ndai hpe gaw Jinghpaw (sh) English hku mai ka ai.

1) Nawku Hpung a Ramma Hpa-awn (sh) Amu madu

2) Ginwang Ramma Hpa-awn (sh) Tinang hpe laika sharin ya ai Sr/Srn.

● Essay 2 ka ra na hte Essay hpe English hku ka ra na.

● Jawng ma ni gaw tinang a yup ra a matu panyep n ba ni la sa ra na.

Hkahku Labu hte Palawng hpraw la sa ra na.

Dum ra na lam ni

✔ RSELP jawng shawk shawn laika hpe Friday (bat 5 ya) 19 April , 2024 hpang jahtum tawn nna KBC Ramma Magam Dap rung (sh) KBC General Rung kaw ap ya rit.

Matut Mahkai na matu (Contact person)

Sr. Nhpum Zau Hkawng – RSELP Ningtau Lithkam (09 959064777)

RSELP Administration Office (09259978052)

KBC General Rung: 09 2564 30083, 074 2523439,

✔ Entrance exam nga na re. Ndai exam hpe gaw April shata 1-4 ya laman hta galaw sa wa na ga ai. Exam nhtoi hkrak hpe gaw shawk shawn laika hta bang da ai Phone No. hte bai shana ya na ga ai.

✔ Entrance exam hpe Myitkyina ginwang, Waimaw ginwang hte Htingnai ginwang ni gaw Myitkyina kaw htai na re. Kaga ginwang ni gaw tinang a ginwang rung kaw entrance exam hpe htai na rai ga ai.

✔ Entrance exam hta awng ai ni hpe gaw April 8-17 ya laman hta phone set shana wa nna, interview na matu matut mahkai wa na ga ai. April 22ya shani (bat 5 ya) kaw jawng ma zup na.

Admission Requirements

Application Form

Tuition and Fees

Financial Aids