Уралдааны удирдамж
„Үндэсний бичиг-Үнэт ѳв“ Монгол бичгийн зөв цэвэр сайхан бичигтэн шалгаруулах цахим уралдааны удирдамж
Монголын Залуучуудын Холбооны ХБНГУ дахь салбар зѳвлѳл нь 2023 онд зохион байгуулахаар төлөвлөсөн арга хэмжээнийхээ хүрээнд “Үндэсний бичиг - Үнэт ѳв” Монгол бичгийн цахим уралдааныг зарлаж байна.
Уралдааны зорилго:
• 2025 оноос эхлэн төрийн бичгийн Монгол бичиг болон Кирилл гэсэн хос бичиг хэрэглэх
Монгол улсын ерөнхийлөгчийн зарлиг гарсантай холбогдуулан, Монгол бичгийг өдөр тутмын хэрэглээнд нэвтрүүлэх
• Үндэсний бичиг үсгийн баярын өдрийн олон нийтэд түгээн дэлгэрүүлж жил бүр уламжлал болгон тэмдэглэж занших
• Монголчуудын оюуны үнэт өв болсон үндэсний бичиг соёлоо тогтмол хэрэглэж, үр хойчдоо өвлүүлэх, олон нийтэд сурталчлах
• Дэлхий даяар тархан суугаа Монголчуудын уламжлалт бичгийн соёлын дархлааг нэмэгдүүлэх
Хамрах хүрээ:
Европын холбооны улсуудад сурч ажиллаж амьдарч байгаа нийт Монголчуудад нээлттэй.
Бүтээл хүлээн авах хугацаа:
• 1-р шат: 2023 оны 5 сарын 10-нээс 5 сарын 31-ныг хүртэл
• 2-р шат: 2023 оны 6 сарын 5-нд эхний шатнаас шалгарсан оролцогчид цахимаар оролцоно.
Бүтээлд тавигдах шаардлага:
1. 1-р шат:
Өгөгдсөн сэдвийн дагуу А4 хэмжээтэй цаасан дээр монгол бичгээр зѳвхѳн хар болон цэнхэр ѳнгийн үзгээр 80 -100 үгтэй эх бичих.
2. 2-р шат:
Цахимаар шууд тухайн өдөр зарлагдсан сэдвээр эх бичих.
Сэдэв:
• 1-р шатны сэдэв: Хос бичигтэн - Монгол
• 2-р шатны сэдэв: Сэдвийг тухайн өдөр цахимаар зарлана
Бүтээлд тавигдах шаардлага:
Бичсэн бичвэрээ эгц дээрээс зургийг нь авч Монголын залуучуудын холбооны ХБНГУ дахь салбар зѳвлѳлийн myf.germany@web.de цахим хаягт илгээнэ.
Ѳѳрийн овог нэр, холбогдох цахим шуудангийн хаяг, утасны дугаар болон нүүр номын нэр, хаанаас оролцож буй зэрэг хувийн мэдээллийг эх бичвэрээсээ тусад нь цахим шуудандаа бичиж ирүүлнэ.Жич: Бид таны хувийн нууцыг чандлан хадгалах болно.
Зѳвхѳн ѳѳрийн гараар бичсэн бичвэрээр оролцоно.
Бийр, таталган бичиг болон уран бичлэгийн тѳрлүүдээр оролцох боломжгүй
Шалгуур үзүүлэлт:
1. Сайхан бичих
2. Зѳв бичих
3. Найруулга зүй
Шалгаруулалт:
Уралдаан нийт 2 үе шаттай явагдана. Шалгуур үзүүлэлтүүдээр шүүн 1-р шатанд шалгарсан бүтээлийн эздийг 2023 оны 6 сарын 5-ны ѳдѳр тодруулан 2-р шатанд оролцуулах ба 1, 2, 3-р байрны эздийг тодруулан нийтэд Монголын Залуучуудын Холбооны ХБНГУ дахь салбар зѳвлѳлөөс цахим хуудсуудаараа зарлах болно.
Шагнал:
Тэргүүн байр – Ѳргѳмжлѳл, ХБНГУ-ын “ОСиЭс Консалтинг” сургалтын тѳвийн Герман хэлний цахим ангид суралцах болон Улаанбаатар хот дахь тэнхимийн ангид тус тус 50%ийн хөнгөлөлттэй суралцах эрхийн бичиг.
Дэд байр - Ѳргѳмжлѳл, ХБНГУ-ын “ОСиЭс Консалтинг” сургалтын тѳвийн Герман хэлний цахим ангид суралцах болон Монгол улс Улаанбаатар хот дахь тэнхимийн ангид тус тус 30%-ийн хөнгөлөлттэй суралцах эрхийн бичиг.
Гутгаар байр - Ѳргѳмжлѳл, ХБНГУ-ын “ОСиЭс Консалтинг” сургалтын тѳвийн Герман хэлний цахим ангид суралцах болон Улаанбаатар хот дахь тэнхимийн ангид тус тус 20%ийн хөнгөлөлттэй суралцах эрхийн бичиг.
Жич: Герман хэлний тѳвшингѳѳс хамаарч /А1, А2, В1, В2, С1, С2/ тухайн ялагч сонгох эрхтэй.
Бид Зөв Монгол Залуучуудын Нэгдэл
Ерѳнхий зохион байгуулагч:
Монголын Залуучуудын Холбооны ХБНГУ дахь салбар зѳвлѳл