Мэндчилгээ

Үе үеийн залгамж халаа үндсэн язгуур эрх үүргээ ухамсарласан Төдийгөөс өдий өдийгөөс ирээдүйд түүчээлэх залуучууд та бүгдийнхээ энэ өдрийн амар амгаланг эрэн мэндчилье.

Хээрийн галуу  нисэн үл хүрэх газраас хүний хүү эрдэм өвөртлөн ирнэ гэж их их зохиолч Д. Нацагдорж хэлсэнчилэн тэрээр өөрийн биеэр алс холын аялалдаа богцоо үүрээд тэртээ 96 жилийн өмнө энэ л улсыг зорьсон шиг бид өнөө үед эх орон үндэстнийхээ соёл, зан заншлыг сурталчлахын сацуу, суралцаж ажиллаж амьдарч буй залуусынхаа эрх ашгийг хамгаалж, нэгдмэл байдлыг эрхэмлэн улам бүр цар хүрээгээ тэлэн цаашид шинэ санаа боловсруулан оюутан, залуус бүрт хүрч, ахмад үеийнхэнтэйгээ уялдаа холбоотой ажиллахыг эрхэмлэх болно. Холбооны бүгд найрамдах Герман Улс хэмээх алдраар хагас овоглож өдөр шөнийн бодолдоо эх нутгаа санагалзан суух „Залуус“ хэмээх эрч хүчээр дүүрэн хийж бүтээхийн оргил өөд өгсөж яваа маш том гэр бүлд үүрэг хариуцлага, санал санаачлага, ирээдүйн түүчээ болон  МЗХ Германы салбар зөвлөлийн 2022-2024 „Тэргүүн“-ээр сонгогдон ажиллах болсондоо  миний зүгээс болон шинээр сонгогдсон ТУЗ-ын гишүүдийнхээ өмнөөс та бүгдэд талархал илэрхийлье.

Бид зөв Монгол залуусын нэгдэл