Ñuqñu Qhatuq Sipas
Embedded Files
Takikuspa puriykuchkasqa sumaq sipaschaqa llaqta qhatuniqta, makinpitaq ituchkarqan sañu p’uyñupi hunt’a ñuqñuta.
Kusisqallañam payqa purirqam, umanpitaq imaymana munaykunata yuyaychakuspa, astawan wiñaspa imatas pay munan hatun kananpaq chayta.
Hinaspas nisqa:
Kay ñuqñuqa ancha sumaqmin kachkan hinaqa qhali qullqitan hap’iykusaq hinaqa utqhaylla rantiykusaq runtuta, hinaspataq chiwchi kananpaq uqllaykuchisaq, chay qhipamantaq chay chiwchita qhaturqusaq nispa payqa munayta yuyanchaykukusqa, hinaspa nin uña khuchichata rantirusaq hinaspa wiñaruchispa wirayarachisaq, chay qhipamantaq qhaturqullasaqtaq hinaspa qullqita hap’iykusaq: chaywantaq rantiykusaq uñachayuq wakata chaymin pukllanqa munayta wichaypi chupayuqraq phawanaqanqa!.
Chhaynata munayta unanchakusqa kusisqan purichkarqan sipasqa, qunqaytaq musqhuypi hinaraq michk’arukun, chhallaq muqu rumiman chayan sañu p’uyñun hinaspa q’ala hich’arparikun ñuqñuqa.
Imallapaq sipascha …! ¡ni imapis kapunchu ñuqñu, qillqi, runtu, chiwchikuna, uña khuchichapis, uñayuq wakapis ni imapis kapunchu ñawi ch’ipiqlla tukurakapum!. Ancha llakisqam pampata qhawarisqa, q’alas chaypi hich’arayachkam, huk alquchas ikhurirqamun hinaspa llaqwayta qallarin, chupanta waymikuspa kusisqaraq.
Sinchitam umanta muyuruchikusqa imaymanata yuyanchakuspa! Tukuy ima nisqanpis musphayllas kahasqa! ¿imaqtintas mana allintachu qhawarikuranki kusisqa puriyniykipi? Manachu unanchakuranki ¿kusisqa musphaspa mususq kawsayniykita qhawarikuspa, tukuy ima tukukunanta?
Ama musphaychu imacha kanqa paqarin p’unchawpi chayta qhawarispa, aswanpis kay pachapi kawsayniykita qhawarikuy.
Kay tapukuykunata kutichiy
¿Imanawaqtan karan qan sipascha kaspa?
¿Imatataq ituchkarqan sipascha?
¿Imapitaq uman muyurqan?
Page updated
Google Sites
Report abuse