Embedded Files
Willakuykuna
Huk punchawsi, Uga Tortugacha llaqtanpi purichkasqa
Chaysi, pay nisqa “manam Imapas allintachu lluqsiwan “
Chayhinas, sapa punchaw unay unaymantas llankayninta tukusqa, manam ima premiotapas chaskisqachu, puñuysiki kaspa.
Hinaptinsi, pay nisqa "Manaña kayhina Kayta munanichu, ñuqa pisipasqallaña kachkani, lliw ñaña turiykuna manam ñuqamanta allintachu rimanku".
Chaymanhinas, Uga Tortugachaqa manañas imatapas ruwayta munasqachu, rapichakunatapas huñuyta manañas atisqachu.
Imapaqtaq ñuqa kaykunata ruwasaq, paykunayá ruwachunku. Ñuqaqa pukllakusaq, puñukusaq.
-Manam allinchu chay nisqaykiqa, sisichaqa kutichusqa Uga Tortugata. Allin llamkayqa manan utqayllamanchu ruwana. Allin llamkayqa aswan chaninchasqa kan allin ruwaykunata tukuptinchik. Chaykunataqa wiñaypaq yuyasunchik allin ruwasqanchikta apakusunchik. Manam utqay uywakunallachu llamkaykunapaqa allin. Huk llamkaykunapiqa kallpasapa, suyaysapa, sinchisapa uywakunata munan. Chayna kaptinqa qam ima llamkaykunatapas ruwawaqmi, imakunatapas yachakunaykipaq. Aswantaq, mana imatapas ruwaspaqa uyarayanki, sunquyki ukupi tapukuspa ichapas ruwaruyman karqa, nispa. Chayman hina, kallpanchakuy imatapas ruwanaykipaq. Ñuqanchik ima munasqanchikta ruwaytaqa atinchikmi.
-Sapa punchaw tumpachallamanta llamkakuspa, huk punchaw ninki “Ñuqa anchata llamkakurqani, chayrayku kunan imakunatapas ruwayta yachani, kallpanchakuspaqa imakunatapas atisaq”.
-Añay sisicha, allinmi chay niwasqaykiqa chaytachusmi suyachkarqani. Qanmi kallpanchaykuwanki, kunanmanta allinta ima llankaykunatapas ruwasaq.
Chay punchawmantas Uga Tortugacha ima llamkaykunatapas aschachallamanta allinta ruwasqa. Sapachallan kusikuspa kikinwan kasqa.
Chay punchawmantas Uga Tortugacha allinta umanchasqa sasa llamkaykunamanta.
"Imapas uchuychallamanta qallarin, allinmi tumpachallamanta llamkakuyqa, chayman hina ruwayniykita qispichinki"
Kay tapukuykunata kutichiy
¿Ima niraqtaq Uga Tortugachaqa kasqa?
¿Ima raykutaq ruwaykunata tukunchik?
¿Allintachu sisichaqa parlakurqa Uga Tortugachawan?
¿Imatataq qam ruwawaq Uga Tortugacha hina kaspa?
Page updated
Google Sites
Report abuse