Puka Wallpacha

Huk punchawsi, huk puka Wallpacha kasqa, paysi kaykunapi, wakunapi purisqa, mikuyta maskaspa. Chaymanta nisqa ¡Sumaq Sami!

Qaway masiykuna, kaypim tariruni trigu mugukunata.

Puka Wallpachapa latatasqanta Allqu, Misi, Kuchipas uyarisqaku. Chaymanta asuykamusqaku, imataq kachkan nispa.

Chaymantas, Puka Wuallpacha tapusqa:

¿Pitaq allpa llamkayta yanapaykuwanman?

¿Pitaq trigu tarpuyta yanapaykuwanman?

Chaymanta Allqu, Misi Kuchipas nisqaku

Manan ñuqa, tiempoyta wischuymanchu

Manan ñuqa, riqsinichu kaytaqa

Puka Wallpacha chayta yachaykuspas sunqun ukupi nisqa: paykunaqa manan yanapaykuwanmanchu.

Chayraykus, Puka Wallpacha chiwkachankunata qayamusqa

Hamuy wawaykuna kay triguta yapuykusun

Sapa punchawsi, Puka Wallpachaqa trigunta parqusqa

Chaymantas triguqa qali qali sumaqchallana wiñakusqa

Chaymantas, puka wallpacha tapusqa

¿Pitaq triguta aymuraykuwanman ?

¿Pitaq triguta iraysiwanman ?

Chaymanta Allqu, Misi Kuchipas nisqaku

Manan ñuqa, achka ruwanaymi kachkan

Manan ñuqa, tiempoyta wischuymanchu

Manan ñuqa, riqsinichu chaytaqa

Puka Wallpacha chayta yachaykuspas sunqun ukupi nisqa: paykunaqa manan triguta aymurayta yanapaykuwanmanchu

Chaymantas, Puka Wallpacha chiwkachankunata nirqa

Hamuy wawaykuna kay triguta aymuraykusun

Hamuy wawaykuna kay triguta iraykusun

Tukuruptinsi, Puka Wallpachaqa chiwkachankunawan triguta Kutasqaku. Chayhina tukuy ingredientekunawan taqwiytaña murasqa. Puka Wallpacha, huk kutitawan tapusqa ichapas hukaq yanapayta munanman

¿Pitaq kay trigu kutasqata llapiysiwanman ?

¿Pitaq kay tanta ruwayta yanapaysiwanman ?

Chaymanta Allqu, Misi Kuchipas nisqaku

Manan ñuqa, achka ruwanaymi kachkan

Manan ñuqa, tiempoyta wischuymanchu

Manan ñuqa, riqsinichu chaytaqa

Puka Wallpacha, mana pisisqa sonqoyoq chiwkachankunawan tantata ruwayta qallaykusqaku Chayman hinas, miski miskillatañas asnariykamusqa, chaysi tiyaqkunas musyarusqaku.

Allqu, misi kuchipas samasanmanta qawananpaq asuykamusqaku

Puka Wallpacha rikuq tumpalla, tapusqa

Pitaq miski tantata mikuysiwanman

Pitaq miski tantata mikuysiwanman

Allqu, misi, kuchipas takiyta qallaykamusqaku.

Ñuqa mikuyta munani

Ñuqa mikuyta munani

Puka Wallpacha Allqu, misi, kuchitapas qawaptin nisqa: anchata llamkakurqani chiwkachaykunawan. Kunanmi kay tantata mikusaq paykunawan.

Chaymantas, Allqu, Misi, Kuchipas musyarusqaku allinmi llankayqa masiykikunawan “ Allin Kawsaypaq” . Ama qilla kaspa, imakunatapas ruwaspa" .

Kay tapukuykunata kutichiy

¿Qampa kanchu wallpaykikuna?

¿Ima niraqtaq wallpaqa?

¿Imaynatataq waqan wallpakunaqa?

¿Ima raykutaq wallpakunata uywanchik?

¿Allintachu Allqu, Misi, Kuchipas ruwarqa manan yanapaykuy munaspa?

¿Imataraq qam ruwawaq karqa Allqu, Misi, Kuchipas kaspa?