Qisqintu Sisichawan

Huk qisqintus tukuy puquy mitapis takispalla kasqa, huk qali sisichata llamkayninta qawaspa. Paysi, mikuyninta huñukusqa chiri mitapi kawsanapaq. Sapa punchaw tutakamas llamkasqa. Qisqintuqa kusisqallaña sisichata tapuykun:

Yaw sisicha, llamkayllapi rikuyki, imapaqtaq anchata llamkanki ? Kusikuy kay sumaq puquy mitapi, kawsayvidaqa sumaqmi, qawaway ñuqata, manam imamantapas llakikunichu. Pachamaqa llapanchikpaqmi qun.

Sisichaqa imatapas kutichinchu, hinallapin sunqunpi nikun: “chayamunqan huk punchaw kay ampi chay nisqanta allinta ñawinchaspa ñakarinqa” hinaspansi hinalla llamkakurqa.

Chiri mita chayaramuptinsi ancha sinchita chirikusqa. Qisqintuqa mana ima mikunayuq, tapachanpi yarqaymanta uyarayasqa, chaymantas mikuyta maskayta qallaykusqa. Ancha anchata maskaptinpas manañas imatapas tarisqachu.

Yarqaynintapas imawan mana atirqachu sunqun tiyachiyta. Chaymantas, sisi masichanmanta yuyarisqa, hinaspansi waqaristin hinaña punkunman qayarisqa: Yarqaymantam wañuchkaniña, mikunaykita manukuway sunquykipi kasqanmanta, atisallaypi kaptin kutichipusqayki.

Sisichaqa kutichisqa:

Qilla qanra!

kay usyaq mitapi llamkaptikiqa, kunanqa manan kaypi waqachkankimanchu karqa. Hinallayá takichkay chirr chirr nispan ichapas chaypi llakiykita pamparachiwaq.

Amayá vecinachay takiyqa manamiki yarqayta pisichinchu. Yanapaykuwayyá

ñuqa llamkasqaypaqa qamñataq takiyllapi awanakurqanki. Hinallayá takiy, chaywan wiksaykita huntachiy.

Chayta nispas sisichaqa punkunta wichkaykusqa. Aswansi, sunqun llakikuyta qallaykusqa. Allinta hamutaykuspas punkunman kutirisqa: Yaykukamuy- nispas qisqintuta nisqa.

Mikuyta qusqayki, aswantaq kunan qam wasiypi llamkanki.

Aripuni ñañay, ima nisqaykita ñuqaqa ruwasaqmi. Chayna kaptinqa ñuqapas ima yachasqayta yachachisqayki, allin llamkaq kanaykipaq. Chaynas tukuy chiri mitapi, sisichaqa qisqintuta yachachisqa, yanukuyta, pichakuyta, awayta, pacha taqsayta. Qisqintuñataq charanguta rawchinyayta sisichata yachachisqa. Tutakunas takikusqaku.

Chaynas kay sumaq willakuy tukurqun.

Kay tapukuykunata kutichiy

¿Allintachu Qisqintu ruwarqa mana puquy mitapi llamkaspa?

¿Imataraq qam ruwawaq karqa Sisicha kaspa?

¿Ima ruwaykunataq chiri mitapi runakuna ruwanku llaqtaykipi?