Vídeo promocional deste ano, onde volvemos xogar co "marcado" do campo para vir de merendada. Tamén lle botamos humor a un serio problema ambiental que temos no rural.

Ven ao feeeestiiiivaaaal!

Así cantabamos en 2018, ano das 25 edicións do noso festival, ao ritmo da canción composta por Roberto Grandal, Manolo Maseda e Leandro Lamas que podedes ver na sección multimedia en forma de vídeo flash-mob.

E este ano, no XXVI Festival do Río Castro, volvemos berrar o mesmo animándovos a que veñades gozar dun programa cheo de actividades, xogos, espectáculos de tarde e, sobre todo, boa música pola noite.

Seguimos mantendo a filosofía que nos viu nacer: reivindicar a cultura e o respecto polo ambiente por medio dunha xornada de festa que, en certa maneira, tenta recuperar o espírito das romarías campestres de antano, hoxe alagadas na lucería, os escenarios móbiles e os ritmos monocordes de alén do Atlántico.

A través deste site queremos informarvos de todo o que vai ocorrer o 6 de xullo no lugar da Bóla. Ademais, tamén podedes seguir o noso labor a través do perfil da Asociación veciñal O Castelo de Naraío en Facebook.

Xa sabedes, o primeiro sábado de xullo todo o mundo a Naraío para desfrutar dun día de festa moi especial.

Colaboran...

Síguenos en...