O mellor festival do mundo mundial!

Nunca viñeches ao Río Castro?. Pois tes que vir para seres parte dun festival que reivindica a cultura e o respecto polo ambiente cunha xornada de festa que, en certa maneira, tenta recuperar o espírito das romarías campestres de antano, hoxe alagadas na lucería, os escenarios móbiles e os ritmos monocordes de alén do Atlántico.

A través deste site, que se actualiza de ano en ano, mantémosvos informados do programa de cada edición. Ademais, tamén podedes seguir o noso labor a través do perfil da Asociación veciñal O Castelo de Naraío en Facebook.

Xa sabedes, o primeiro sábado de xullo todo o mundo a Naraío para desfrutar do que, para moitas e moitos, é o mellor festival do mundo mundial.