1.1. As FORMAS RECTAS do pronome tónico (eu, ti, el/ela, nós, nosoutros/as, vós, vosoutros/as, eles/elas) funcionan como suxeito e atributo. Ex.: Nós loitamos polo noso (Suxeito) / Os que loitamos fomos nós (Atributo).
1.2. As FORMAS OBLICUAS LIBRES (min, ti, el/ela, nós, nosoutros/as, vós, vosoutros/as, eles/elas, si) funcionan como termo de preposición ou de conxunción comparativa. Ex.: Faláronme a min (termo da prep.) / É tan alto coma min (termo da conx.)
1.3. As FORMAS OBLICUAS LIGADAS (comigo, contigo, consigo, connosco, convosco, consigo) son o resultado da contracción coa preposición con. Ex. Non vai ir convosco porque agora está comigo.
N.B. As formas reflexivas si e consigo refírense á mesma persoa que realiza a acción. Así, cando a acción é reflexiva (recae sobre a persoa que a realiza) debemos empregar estes pronomes. Fíxate na diferenza entre as seguintes oracións: Mercouno para el (para outro ou para si mesmo) / Mercouno para si (para si mesmo); Levaron o rapaz con eles (con eles mesmos ou con outras persoas) / Levaron o rapaz consigo (con eles mesmos).
1. A posición normal do pronome átono é DESPOIS do verbo (Posición enclítica). Exemplo: Quérote moito.
Un pronome átono nunca pode comezar unha oración. Exemplo: *Te quero moito.
2. O pronome vai diante do verbo (Posición proclítica) nos seguintes casos: