My reflections

Tāku 'Āriu'anga i te au tu'anga tei raverave ia i roto i teia tuanga o te Memrise e pera te maani anga o tāku Portfolio.

Kua riro tikai tāku i kite mai i roto i te tata'anga, nenei'anga teata no teia portfolio e apii mai iaku i tetai au marama 'ou kare au i kite ake i roto i toku ora'anga. Ko teia au mārama nei, o'onu e kua riro i te tarērē i toku mārama no runga i tāku i kite e i mārama. I roto i teia tuanga anga'anga no te portfolio kua kite mai au e te vai atura te au kite e te marama roro uira kare i ta'ena iaku te reira mārama. Pera katoa kua riro teia portfolio ei tika'anga nōku i te aka'ari i toku manako e te kite karape e pera te apii kapiti anga ki tōku au taeake i roto i tetai au tu'anga apii.

Te mea mua i roto i tāku 'āriu'anga no runga i te Memrise. Ko te'ia tu'anga kua angaanga kapiti au ki tokua au taeake koia a Retire, Tiratoru e Tapu. Kua angaanga kapiti matou i te raverave anga i te au angaanga no teia tuanga. Ko te tu'a māmā ko te angaanga kāpiti anga na roto i te oronga anga mai i te au manako no ta matou au kupu, te lesson plan e pera te multimedia. Noatu e paruparu tetai ia matou kua rauka ra ia matou rai i te turaki ia matou katoatoa. Te tua paruparu taku i kite atu te load anga i ta matou video, powerpoint ki runga i te Youtube e ki roto i ta matou portfolio. Ko taku advice ki tetai uatu ka rave i te memrise kia na mua i te tu'atu'a i te anga'nga ki te katoatoa i roto i te pupu kia rave te katoatoa i te angaanga. Kia iki ia e arataki maroiroi te ka turaki i te angaanga tei anoano ia no te memrise. Kia marama i te taanga'anga anga i te memrise, te nga'i ka save e akapeea te save anga i te au apii ki roto i te memrise.

Te ma'ani anga i te portfolio, e nui tikai te au angaanga tei rave'ia. Karanga au e ko te tu'anga teia e nui te au tarērē'anga no te marama i te roro 'uira. Te nui anga o te au angaanga ki runga i te internet. Ko te mea tarērē roa atu te amani anga i te au teata e oti share ki roto i te portfolio e pera te tuku anga i te link o tetai tua ki roto i te portfolio, ngatā tikai teia angaanga. E mārama ou teia tāku i kite mai. Kare oku manamanatā roa i te pae o te ta'anga'anga anga i te roro uira inara, te vai nei tetai au tu'anga e mea 'ou kiaku.

No reira, taku pōrokiroki anga, (my advice) ki tetai uātu tangata te ka angaanga ki runga i tāku portfolio a teia au tuatau ki mua, kia mārama koe i te au taka'inga no te au tu'anga tātakitai o teia portfolio, akapeea me save mai i te video me kare link ki roto i teia au tu'anga o te Assessment, e pera te ano ki runga i te Youtube, araara akakite no te au toontastic video tei oti i te maani ia e akapeea te share me kare save i te reira ki roto i te portfolio. Me kite koe i teia au takainga, ka marama koe i reira i taau ngai ka karo i runga i teia portfolio. E pera katoa, ka kite koe i te add i taau au tata'anga me kare video, link ki roto i te tu'anga tano o te au Assessment o teia portfolio. Mei te mea e kare koe i mareka i taku i rave, auraka koe kia kiriti i taku i rave marira, tuku mai i taau ki roto i taku portfolio.

'E enua e reo tona, e enua e eva tona'

Kia Manuia

Meitaki Ranuinui

Tereapii Upokokeu (Apii Enuamanu)