Iōreni (Jolene)

Taku Tataanga no runga i te Imene Jolene (Iōreni)

I teia popongi kua araara tatou no runga i teia imene rongonui i teia tuatau nei na Myler Cyrus i imene akaou kia tano ki te akatangi anga ou o teia tuatau. Kua atu ia teia imene e Dolly Parton i te mataiti 1970s. Ko te akaupokoanga o teia imene ko 'Jolene'.

Ingoa tangata 'Jolene' - kua araara tatou e me ka uri te ingoa Jolene ki te reo maori me kare. Kua iki tetai pae e meitaki ake i te akaruke ua i te ingoa Jolene ki te reo papaa auraka kia tieni ia ki te reo Maori i roto i te urianga ki te reo maori. Ko te tumu kare i tau roa kia uri ia no te mea ka tieni te aiteanga o te ingoa. Ko tetai pae ko to ratou manakokia uri'ia te ingoa Jolene no te mea e au ingoa papaa tetai mei teia te tu akaraanga 'John' ko 'Tioni' i roto i te reo maori. E urianga manea tetai ka tau no teia ingoa Jolene.

Te karere o te imene - Ko te karere o teia reo imene koia oki te tata nei te tata imene no runga ia Jolene e te tane e te vaine (husband and wife). No te mea kua akainangaro aia i te tane a teia vainee pera te tane kua inangaro ia Jolene. Te akamataanga o te imene e patianga teia na teia vaine kia Jolene auraka kia apai i tana tane kia akaruke mai i tana tane. Te akakite nei teia vaine i te tūtū o Jolene, e vaine manea e te akaieie, tona tino manea, mata maru e te vai atura. Kare tona manea i aite ki to Jolene, e kua kite aia e ka peke te inangaro o tana tane kia Jolene no tona manea. E nui uatu te au kupu akataanga o teia vaine ko Jolene, e pera i te tu o teia vaine tona inangaro i tana tane.

I toku manako ko teia reo imene e maromaroa e pera e mamae ngakau ki te vaine tei akarukena ia e ta ratou tane. E imene maroamaroa te ka akamaara mai i te oraanga o te au vaine e tomo nei na roto i teia tu mamae ngakau e kua akarukena ia e ta ratou tane.

Teia te Urianga o ta matou imene:

IORENI, IORENI, IORENI, IORENI

E PATIANGA NAKU, E VAIO TAKU TANE

IORENI, IORENI, IORENI, IORENI

E PATIANGA NOATU KA PEKE IAKOEEEEE….

TO MANEA KARE E AITEIA

TO ROURU MEI TE VEROVERO O TE RA

TO TINO MANEA E TO MATA MATIE

TO MATA KATAKATA MEI TE UPE O TE PO

TO REO MARU KI TOKU NGAKAU

KARE RAUKA IAKU KOE E IORENI

RONGO AU I TO INGOA I ROTO I TANA MOE

KARE AKU RAVENGA KIA UUNA AU

TOKU AUE ME RONGO AU TO INGOA IORENI

KUA MARAMA AU I TO INANGARO

KIA PEKE IAKOE TAKU PUKUATU

KARE KOE KITE TE OONU TOKU INANGARO IORENI

E IKIANGA TEI TO RIMA

KARE TIKA KIA INANGARO AKAOU AU

KOIA TOKU PUKUATU, E IORENI

INANGARO TE ARAARA KIAKOE

TOKU MATAORA TEI IAKOE

TAAU IKIANGA KIA RAVE E IORENI

Teata o ta matou imene: