Grammar Communication

Akamaramaanga no teia tuanga o te Grammar Communication

I roto i teia tuanga o te grammar communications tei roto i konei te au angaanga raverave tei rave ia i roto i te au pupu rikiriki. Teia te au angaanga raverave i roto i teia tuanga:

• Te apii o te karama i roto i te tua tei tata ia e te video tei nenei ia no te tua tei akaupoko ia e 'Ko Bene'
• Te au tiritiri manako (brainstorm ideas) no runga i te tata tua kangakanga i roto i te au pupu e 4. Kua nenei ia mai te au tataanga a te au pupu.

Tei roto i konei te akaraanga o te au tua kangakanga tei tata ia i roto i te pupu. Tei roto i konei katoa te video tei nenei ia tei akaupoko ia e Ko Bene, e pera te araara o te tua. Ko teia

KO BENE

Ko Maine Matapo teia (NS). Te mataora nei aia i teia ra i te mea e kua tae mai tona oa akaperepere (IS). Kua akaei a Maine Matapo i tona akaperepere (TS). Kua papa te kai, kua maoa te taro. Tei runga te au kai i te kaingakai. Kua kainga te taro e raua (PS). Kua kainga pouroa. No te uka oki o te taro i pera ei (SS).

Akamarama'anga:

NS - Nominal sentence IS - Intransitive sentence TS - Transitive sentence PS - Passive sentence SS - Stative sentence

Te aiteanga o teia au concepts (The meaning of the concepts): Nominal sentence, Intransitive, Transitive sentence, Passive sentence, Stative sentence

Nominal sentence is takiato korero nomena

Intransitive sentence is takiato korero verepa angaanga ua

Transitive sentence is takiato korero verepa angaanga i tetai mea

Passive sentence is takiato korereo verepa iku

Stative sentence is takiato korero tu'anga

Ko Roti e Toketoke

E tua teia no teia mapu vaine ko Roti raua ko Toketoke. Kua aravei raua i raro i te tumunu inanai i te avatea manea e te vera. No te kakara oki ia Roti kua ava atu a Toketoke "Rere mai ki toku tua". E tangata neneva koe! I toou manako anga ka rere atu au na runga i teia vai. Kua moto aia ia Toketoke e kua aue aia.

Akamaramaanga i akapeea i rauka ei te tua:

• Tangata 1 - Roti
• Tangata 2 - Toketoke
• Aravei raua kiea? - I raro i te tumu nu
• Inaea raua i aravei ei? - Inanai
• Eaa te tumu? - No te kakara oki
• Eaa ta Tangata 1 i araara ei? - Rere mai
• Eaa ta Tangata 2 i araara ei? - E tangata neneva koe
• Eaa tei tupu i te akaotianga o te tua? - Kua moto, Kua aue!

No te Inangaro

E Mamaiata te tuatau i aravei ei raua ki runga i te motu ko Tapuaetai. No te inangaro o Maui i te purotu manea ko Mere kua kau aia i te moana ki Tapuaetai kia aravei uake i teia purotu. Akari e koe! eaa toou e maki i kau mai ei koe ki konei. Iiii.... kua iakai au ka inangaro au i te kaimanga. Aue te reka i te manga e! E reka tikai teia angaanga.

Akamaramaanga i akapeea i rauka ei te tua:

• Tangata 1 - Maui
• Tangata 2 - Mere
• Aravei raua kiea? - Tapuaetai
• Inaea raua i aravei ei? - Mamaiata
• Eaa te tumu? - No te inangaro
• Eaa ta Tangata 1 i araara ei? - Akari e koe!
• Eaa ta Tangata 2 i araara ei? - Kua iakai au
• Eaa tei tupu i te akaotianga o te tua? - E reka teia angaanga

SOLAR ENERGY

Anga Kupu no te kupu Solar Energy i roto i te pupu.

E 3 pupu i te katoatoa, Pupu 1, 2, 3. Toku pupu e Pupu 2.

Te au kupu a te au Pupu;

Pupu 1 - tōra enetī uira tōra maroiroi tōra tōra mātūtū viravira tōra ririnui tōra, enetī tōra tōra uira tōra maroiroi mātūtū tōra tōra viravira tōra ririnui

Pupu 2 - uirarā ririnuirā verarā veranatura uiraririnui veroverorā

Pupu 3 - kupenga uira

Te au Ravenga tei taangaanga ia e te au Pupu no te maani kupu:

Pupu 1 - Kua taangaanga ia te ravenga Kupu apainaʻia mai (Borrowing) no te mea kua apainaia mai tetai kupu maori aiteite tona akatangianga.

Pupu 2 - Kua taangaanga ia te ravenga Kupu amaniia (Coining) no te mea kua amaniia te kupu no roto mai e rua kupu kia aiteite ki te kupu solar energy.

Pupu 3 - Kua taangaanga ia te ravenga Kupu akaritoia (Lexical Extension) no te mea e rito te aiteanga o te kupu.

Angaanga Raverave: Iki e tai kupu mei roto mai i te au kupu i runga nei tata e rua (2) takiato korero tua.

Kupu: uira tōra - Kua oti te uira tōra i te tamou ia ki Atiu i teia ra. Ka tiaki atu me ka māmā mai te tutaki anga i teia uira tōra akaaite ia atu ki te uira matini i teia ra.

Apinga tauturu i te api'ianga i te Karama

Apinga tauturu i te apii anga i te Karama mouanga a / o Resource to teach the aspect grammar of a / o

Mo'anga a / o

Te tuatua a Mere versus Te tuatua o Mere

1. E manea te tutu a Mere. versus E manea te tutu o Mere.

I roto i teia nga takiato e rua, takiato 'E manea te tūtū a Mere' ko Mere tei angaanga i te tūtū. Te rua o te takiato no Mere te tūtū tei angaanga ia e tetai tangata.

2. E maki ta Mere. versus E maki to Mere.

I roto i teia nga takiato e rua, te takiato mua na Mere te maki i maani, e i roto i te rua o te takiato ko Mere te maki.

3. Kua ū ta Mere toroka. versus Kua ū to Mere toroka.

I roto i te takiato mua na Mere te toroka i maani kia ū, ko te rua o te takiato no Mere te toroka i ū.

4. Te tui nei ta Mere kakau. versus Te tui nei to Mere kakau.

I roto i te takiato mua ko Mere te rave nei i te angaanga i te tui anga i te kakau, te rua o te takiato no Mere te kakau e tui ia nei e tetai tangata.

Resource to teach / Apinga Tauturu i te Apii

Resource to teach the aspect grammar of a / o Apinga tauturu i te apii anga i te Karama mouanga a / o