Topiki: Me ka ariki ainei au kia riro mai te reo Rarotonga e ko te reo tumu ia no te no te Kuki Airani

I roto i taku argument ko te turanga o taku iriiri anga manako kua tu au ki runga i te manako patoi, kare au e ariki i te reo Rarotonga e ko te reo tumu (standard) ia no te Kuki Airani. Te tumu o taku patoi anga no te mea e enua toku, e reo toku, e peu taku, e urunga upoko noku. Kare au i te 'uka'ukāta'i ( meaning foams on the sea) e tumu enua e te inuinu anga o tona au mekameka koia te reo, taku peu i parau ei au iaku i teia ra e Atiu e toku reo Atiu.

I roto i te ngutuare e reo Atiu, i te apii e reo Atiu i roto i te putuputuanga tukeke e reo Atiu. Ko te reo teia ta te tamariki i apii ia e te mou ia ratou e ta ratou katoa i marama. To ratou reo matutu katoa teia i te akakite i to ratou manako ki tetai uatu e pera na roto i te tata anga. Matūtū ta matou anau e to matou iti tangata i roto i te reo Atiu.