Rekenaartoepassingstegnologie is die studie van die geïntegreerde komponente van ’n rekenaarstelsel (apparatuur en programmatuur) en die praktiese tegnieke om dit effektief te kan gebruik en aan te wend om daaglikse probleme mee op te los. Die oplossing van probleme word ontwerp, bestuur en verwerk met behulp van eindgebruikersprogrammatuur en word gekommunikeer met behulp van toepaslike inligtings- en kommunikasietegnologieë (IKT’s). IKT’s is die kombinasie van netwerke, apparatuur en programmatuur asook die betrokke kommunikasie- en samewerkingsmiddele wat die verwerking, bestuur en uitruil van data, inligting en kennis moontlik maak.

Die diagram hieronder illustreer hoe die hoofonderwerpe van Rekenaartoepassingstegnologie, as ’n vak, die onderrig van jou as leerder ondersteun.