Bókaskiptimarkaður

Þann 26. mars verður bókadagur í grunnskólanum þar sem nemendur munu vinna ýmis bókatengd verkefni. Partur af deginum verður bókaskiptimarkaður þar sem nemendur geta gefið bækur og eignast nýjar bækur í staðinn. Við leitum einnig til samfélagsins í þessum málum. Ef einhverjir liggja á bókum sem safna bara ryki (en eru samt heilar og fínar), henta aldrinum 6-16 ára og þrá að komast í hendurnar á nýjum eigendum þá tökum við í grunnskólanum glöð á móti þeim. Gott væri að fá bækurnar í hús í síðasta lagi þriðjudaginn 25. mars. 

13.03.2025