Día de Rosalía
Muller, galega, comprometida, feminista, alma adiantada ao seu tempo, libre para expresar o máis íntimo e para aguilloar conciencias. Símbolo da nosa Terra e das nosas Letras, que rexurdiron por e grazas a Ela.
Por iso quixemos homenaxeala, honrar a súa memoria, facela viva no noso IES a partir dunha data ben especial: 24 de febreiro, Día de Rosalía.
Os nosos alumnos e alumnas deixaron pegada, co seu traballo, do seu amor pola autora, do seu interese por coñecérena mellor, por indagaren na súa biografía e, sobre todo, da súa obra, o maior legado que nos deixou.
Por iso todos e todas nós sentamos a carón de Rosalía, xantamos, lemos, escribimos, debuxamos, recitamos... con ELA.
E, ademais, colaboramos coa homenaxe que desde o concello lle fan á autora, e dúas das nosas alumnas, Iria e Itziar, de 1º ESO, dramatizaron no MOME o poema de Cantares gallegos "Miña santiña, miña santasa". Cómpre dicir que estiveron estupendas!
Velaí as imaxes, que iluminan todo isto.
Grazas a todos e todas, por contribuír a engrandecer o seu nome.