Estas son as primeiras propostas das que falamos no encontro. Como observastes, comezamos cun especial sobre Ledicia Costas, porque se cadra facemos un programa en Radio Estrada sobre a autora. É un proxecto que teremos en colaboración co IES Losada Diéguez, e desenvolverémolo a partir do mes de xaneiro.

Aquí deixamos a carta que enviaremos ás familias...

Así que, xa sabedes, todos e todas a ler a Ledicia Costas, unha das máis importantes escritoras da actualidade!

Estradenses nas ondas: est e foi o noso proxecto estrela do curso pasado, sen dúbida, e aínda que tivemos que deixalo de maneira brusca en marzo, por causa da Covid, sabemos que foi unha actividade súper interesante para vós. Por iso, as coordinadoras do club de lectura xa andamos argallando nunha nova idea, que levaremos a cabo en colaboración co Club de lectura do Losada Diéguez... Xa vos explicaremos en que consiste... Pero por agora, aquí vos deixamos un programa de Estradenses nas ondas, que fixemos en outubro, en homenaxe a Olimpio Arca, a quen lle debemos a idea do proxecto anterior. Como sabedes, Estradenses nas ondas fíxose grazas ao libro de don Olimpio Arca, o seu Rueiro da Estrada, que nos permitiu ir rastrexando información sobre os nomes das rúas da Estrada.

www.crtvg.es/informativos/infamia-de-ledicia-costas-thriller-psicoloxico-arredor-da-condicion-humana-4142801?fbclid=IwAR1a4-AyVxqK2dXrFEak5HJf8Xdsb4DuqxrnqsAqoenr8LNpp86BYNAdEcI

A primeira edición desta novela esgotouse en 15 días!

Escoitaremos esta breve pero interesante entrevista que lle fixeron na TVG.

No mes de febreiro, como é habitual, a asociación cultural Vagalumes da Estrada contacta con nós para pedirnos colaboración nas actividades encamiñadas a difundir a figura de Rosalía de Castro.

Este ano, pola pandemia, non puidemos ir de maneira presencial, pero si enviamos vídeos vosos, feitos polo alumnado do Club de lectura, nos que amosastes a vosa creatividade e orixinalidade á hora de sentir a poesía da autora.

Velaquí deixamos os vídeos de Helena, Hiba, Nagore, Kenia e Ángela, que se animaron a participar.

E como non todo vai ser Ledicia Costas, imos agora apostar por outra baza segura no noso Club: Miguelanxo Prado.

Propoñemosvos a lectura dunha banda deseñada que nos servirá para reflexionar sobre a paisaxe... as boas prácticas, o feísmo... e como actividade final, logo da lectura, faremos todos un roteiro pola Estrada.

Deixamos aquí un enlace con fotos antigas da nosa vila que nos servirán para o traballo que imos desenvolver, que explicamos neste power point.

Lede con atención!

Este ano si celebramos o Día do Libro con todos e todas vós...Así que, na reunión deste mes, imos sorprender a unha compañeira, grande lectora...

Temos un traballo impresionante feito por esta alumna do club ...

Ela é unha grande lectora... e tamén escritora, como podedes ver nestas imaxes. E todas e todos nós imos recibila cun grande aplauso na Biblio, e darémoslle un pequeno agasallo.

Parabéns, Helena!

Tamén leremos algúns dos textos na Biblio, para celebrar ese día.

O libro de Helena, páxina a páxina... Impresionante!

FANTASMAGORÍAS LITERARIAS POLO DÍA DO LIBRO

Sempre nos sorprendedes. Sorprendéstesnos o curso pasado... así que, este ano... tocounos a nós. Os profes do IES N1 quixemos festexar con todos e todas vós o Día do Libro, tan importante para fomentar a lectura... E velaquí estamos, agochados e agochadas... Algúns máis que outros, iso si...

A ver se nos descubrides...

E vós mesmos e mesmas, ao cubrirnos o formulario coas vosas votacións, decidistes quen foran os gañadores!

Para ir rematando as actividades do noso club, logo da lectura de O achado do castro, de Núñez Singala, organizamos o martes 25 de maio un xogo de pistas na Carballeira. Alí tivestes que seguir as indicacións dun mapa, procurando unhas pistas que agochamos, e responder ao que se preguntaba a partir da información sobre os escritores que estaba colgada nos carteis, pendurada nos carballos, e a propia información que vós lembrabades das lecturas. Nas mesas puxemos varios exemplares dos libros lidos, por se necesitabades tamén facer algunha consulta alí.

Aí vos deixamos os carteis que colocamos entre os carballos, nos que viña a infromación sobre algúns dos escritores e escritoras lidos este ano nos nosos clubs: Ledicia Costas, Núñez Singala, Eloy Moreno, Fred Uhlman ou Kressman Taylor, entre outros. E algunhas das preguntas que tivestes que atopar e logo contestar sobre, por exemplo, O achado do castro, de Núñez Singala, ou Invisible, o libro de Eloy Moreno.

Encantouvos! Non hai máis que ver as vosas caras!