Club de lectura
22 PROXECTO DO CLUB DE LECTURA 21-22
Vealquí o proxecto do club de lectura para este curso.
Podes lelo e, sobre todo, dicirlles a teus pais que podes participar...
Aquí explicamos o modo de funcionamento e cales son os obxectivos que perseguimos...
Non dubides que, se es un bo ou unha boa lectora terás moito camiño andado para acadar satisfactoriamente os obxectivos desta etapa e... en xeral, de calquera etapa da túa formación.
O CARTEL ANUNCIANDO O CLUB
Vistes estes días este cartel nos corredores e nas aulas?
Pois, se che gusta ler... ou se aínda non descubriches ese pracer e che apetece probar... vente pola Biblio e fala con calquera do equipo. Informarante do que tes que facer para formar parte do noso club Carballeira.N1
ANEXO DE INFORMACIÓN ÁS FAMILIAS
ANEXO DE INFORMACIÓN ÁS FAMILIAS
SE DECIDICHES PARTICIPAR NALGÚN DOS CLUBS DE LECTURA QUE CHE PROPOÑEMOS, LEVA ESA CARTA Á CASA E TRAE ASINADA A AUTORIZACIÓN PARA FORMALIZARES A TÚA INSCRICIÓN.
BULE, QUE TEN QUE SER ANTES DO 30 DE OUTUBRO!
INICIO DO CLUB: PRESENTACIÓN E XORNADA DE CONVIVENCIA
Aquí tedes a presentación do noso club de lectura... Ben, mellor dito, dos nosos clubs de lectura, porque este ano organizarémonos en pequenos grupos, para garantir as medidas sanitarias pola Covid... Aí vedes tamén o pequeno calendario plastificado que vos demos, para que non esquezades nunca as reunións...
E estade atentos e atentas, que tamén podemos convocarvos nalgún recreo... Indicarase con antelación no taboleiro da Biblio!
PRIMEIRAS PROPOSTAS LECTORAS
Imos comezar cun especial maratón de lecturas de Ledicia Costas...
Anímate ... vas quedar enganchado/a, xa verás!
Estas son as primeiras propostas das que falamos no encontro. Como observastes, comezamos cun especial sobre Ledicia Costas, porque se cadra facemos un programa en Radio Estrada sobre a autora. É un proxecto que teremos en colaboración co IES Losada Diéguez, e desenvolverémolo a partir do mes de xaneiro.
Aquí deixamos a carta que enviaremos ás familias...
Así que, xa sabedes, todos e todas a ler a Ledicia Costas, unha das máis importantes escritoras da actualidade!
LECTURA DE A BALADA DOS UNICORNIOS, de Ledicia Costas
Velaquí o folleto que vos repartimos sobre esta obra da autora, coa que comezamos a andaina do noso club.
Ánimo e a ler!
Despois, na Biblioteca, faremos algunhas actividades relacionadas coa lectura... Poderá ser un pasapalabra, un kahoot... xa veremos... En calquera caso, lede con atención, sen que se vos escape detalle ningún!
Aquí tedes algunhas imaxes da actiidade que fixemos a partir do libro!
Parabéns a todos e todas!
Velaquí o rosco que fixemos, a partir da obra...
ESTRADENSES NAS ONDAS: UN PROGRAMA PENDENTE!
Estradenses nas ondas: est e foi o noso proxecto estrela do curso pasado, sen dúbida, e aínda que tivemos que deixalo de maneira brusca en marzo, por causa da Covid, sabemos que foi unha actividade súper interesante para vós. Por iso, as coordinadoras do club de lectura xa andamos argallando nunha nova idea, que levaremos a cabo en colaboración co Club de lectura do Losada Diéguez... Xa vos explicaremos en que consiste... Pero por agora, aquí vos deixamos un programa de Estradenses nas ondas, que fixemos en outubro, en homenaxe a Olimpio Arca, a quen lle debemos a idea do proxecto anterior. Como sabedes, Estradenses nas ondas fíxose grazas ao libro de don Olimpio Arca, o seu Rueiro da Estrada, que nos permitiu ir rastrexando información sobre os nomes das rúas da Estrada.
ESTRADENSES NAS ONDAS: OLIMPIO ARCA
Velaquí tedes o programa para escoitardes! Descubriredes un grandísimo persoeiro, a nivel humano e profesional, que deixou unha pegada fonda en todos aqueles que tiveron contacto con el.
LECTURA DE A SEÑORITA BUBBLE
O alumnado do 1º ciclo leu estes días unha proposta lectora que triunfa ano tras ano, A señorita Bubble.
E aquí tedes as imaxes da reunión na Biblio. Pasástelo en grande!
LECTURA DE INFAMIA, DE LEDICIA COSTAS
Velaquí a proposta que escollestes os lectores de N1.Carballeira, os maiores de 3º e 4º de ESO.
Ledicia Costas sorpréndenos con esta proposta para adultos, unha novela de misterio que enfronta sen eufemismos unha temática ben actual: os abusos a menores, a impuidade ás veces da maldade humana, as culpas sen redimir...
En fin, unha novela marabillosa, cun estilo moi coidade, mesmo poético, cuxa ambientación nos sumerxe nun mundo inquedante.
Tal vez, máis adiante, poidamos completar a lectura cunha visita da autora, que xa ten pasado polo noso IES noutras ocasións.
Entretanto, podedes ler esta entrevista que lle fixeron, na que desvela como se fixo unha grande escritora, e como, nese momento, estaba a traballar neste thriller psicolóxico que agora estamos a ler. Semella que moito traballiño lle deu !
A primeira edición desta novela esgotouse en 15 días!
Escoitaremos esta breve pero interesante entrevista que lle fixeron na TVG.
COLABORACIÓN CON VAGALUMES
No mes de febreiro, como é habitual, a asociación cultural Vagalumes da Estrada contacta con nós para pedirnos colaboración nas actividades encamiñadas a difundir a figura de Rosalía de Castro.
Este ano, pola pandemia, non puidemos ir de maneira presencial, pero si enviamos vídeos vosos, feitos polo alumnado do Club de lectura, nos que amosastes a vosa creatividade e orixinalidade á hora de sentir a poesía da autora.
Velaquí deixamos os vídeos de Helena, Hiba, Nagore, Kenia e Ángela, que se animaron a participar.
UNHA NOVA LECTURA: JULES VERNE E O SEGREDO DAS MULLERES PLANTA
E o club de lectura continúa lendo a obra de Ledicia....
Agora, Jules Verne e o segredo das mulleres planta. Un libro magnífico, sen dúbida, que vos vai descubrir outro autor esencial na literatura universal: Jules Verne.
Agora, despois de facer o pasapalabra na biblio, aquí podedes repasalo!
www.rtve.es/alacarta/videos/la-aventura-del-saber/aventuraledicia/3729481/